دخلت البيت لقيت مهاد قاعده في الحوش قالت لي ده منو الكتني بتتكلمي معاهو دا قلت ليها يوسف قالت لي بتكورك معاه كده مالك😂❤️حكيت ليها الفلم الحصل ، قالت لي وااي رجعتو تتناقرو زي زمان قبل م كنتو متزوجين قلت ليها تتذكري لمن كنت بتغاظ منو في الجامعه وبجي بقول ليك معانا واحد اسمو يوسف متوحد وم بقعد مع الناس وكريهه كده وقتها انتي كنتي بتضحكي علي قالت لي ايي اتذكرت😂❤️قلت ليها كانت ايام يااخ قالت لي حرفيا+قبيل كنت بتكلم مع دكتور ناصر وقال لي انو نجيهو يوم التلاتاء قلت ليها ونااصر دا منو كماان قالت لي اجي نسيتي ده دكتور العظام المشينا ليهو عشان يدك قلت ليها اها صحي😂💔+شفتيهو سمح كيف يجيب النفسياات😍❤️قالت لي واااي اسكتي بس قلت ليها والله لو م كنت معرسه كان عرستو😂💔قالت لي م قادره عليك قلت ليها اصلا م ح تقدري😂💔، يلا هو اساسا ادى مهاد رقمو عشان يورينا ويحدد لينا المقابلات ح تكون متين ، كلمنا ونستنا ديك ودخلنا جوا وخليتها هي ورزان يكتبو لي المعلومات حقت الشركه العايزها يوسف وحضرتهم في ملف ، اها بليل زي الساعه 2 صباحا كده كنت ماسكه تلفوني في يدي وفاتحه الواتسب بتصفح فيهو وم نعسانه لاني نمت بي النهار ، فجاه جاتني رساله من يوسف وكاتب لي فيها " الميامن❤️ " قلت ليهو اهلين قال لي مالك مساهره لي الوقت ده م نعسانه انتي! قلت ليهو لا م نعسانه قال لي امم طيب ، عده مسافهه طويلهه شويه وتاني ضرب لي عديل رديت ومن فتحت الخط كده قال لي ميامن اطلعي لي بره ، انهجمت وانا بسمع في كلامو قلت ليهو كيف يعني م فاهمه قال لي انا بره بيتكم اطلعي عايز اتكلم معاك قلت ليهو هه اكيد بتهظر قال لي انا جادي على فكره قلت ليهو برضو م ح اصدق قال لي طيب ح اصفر ليك وانتي اطلعي البلكونه شوفيني قلت ليهو صفر يلا😂💔وم كنت مصاادقاهو وقايلاه بهظر بس كان اسمع ليك صوت صفاره نطتت عيوني وقمت مخلوعه قلت لا بالجد دا شكلو هنا طلعت البلكونه وعاينت ليه ، رفع لي يدو وكان بضحك قلت ليهو يوسف انت مجنون صدقني قال لي اصلا من يومي مجنون+تعالي لي تحت قلت ليهو لا م جايه😢💔طبعا كنت بتكلم براحه ، قال لي ح اضرب الجرس واهلك ح يصحو وح اقول ليهم عايز اتكلم مع ميامن وانتي عارفاني ممكن اعملها قلت ليهو لالا خلاص جاياك بس اوعااك تتهور وتهبش باب بيتنا قال لي منتظراك اسرعي وم تقفلي الخط ، لبست توبي ونزلت فتحت باب الشارع وطلعت ليهو قفلت الخط ، قلت ليهو يوسف والله انت بتباالغ قال لي ليه مالي😂💔قلت ليهو هسي في زول عاقل بيجي في الليل والبرد البقتل دا!! قال لي جيت عشان اشوف يدك بقت كيف واعرف الدكتور قال ليك شنو م قدرت انوم وانتي يدك مفصوله بسببي🙇🏼♂️💔قلت ليهو لو سالتني كنت وريتك بالتلفون م كان في داعي تجي قال لي افتكرتك لسه زعلانه وم ح توريني زي قبيل عشان كده جيت ومنها عاوز اعتزر ليك لاني م صدقتك انتي وصدقت براءه وقبيل بالصدفه عرفت انها كذبت قلت ليهو م مشكله المهم انك اعتزرت وعرفت انها كذاابهه😔❤️قال لي يعني رضياانه عني قلت ليهو ايي لكن انت هسي م بردان! انا اللابسه التوب دي بردانه خلى انت اللابس البرمود وتشيرت قال لي بردان وشدديد كمان قلت ليهو طب ادخل جوا قال لي جوا وين! قلت ليهو ح يكون وين يعني م بيتنا قال لي انتي جاده قلت ليهو ايي لي مالك قال لي لا بس مستغرب من كلامك بعدين هسي لو جدك صحى فجاه ولاقاني جوا بيتو ح يعمل لي شنو قلت ليهو م ح يعمل ليك حاجه قال لي وانا البضمني ايه! قلت ليهو يااخ م ح يعمل ليك حاجه قال لي ميامن افهميني م بقدر ادخل قلت ليهو ليه! كان على جدي م ح يسالك والله قال لي لا غير جدك انتي م من محارمي وانا م بقدر اخش واقعد معاك في بيت واحد براانا وبليل كده والناس نايمين بعدين م خلى اثنين الا وكان الشيطان ثالثهما قلت ليهو انا م بقدر اخليك واقف في البرد دا اكتر من كدا طيب امش بيتكم قال لي بس كلامي م خلص قلت ليهو طب اقول ليك حاجه خش وانا ح اشغل قران وطالما انت ضميرك صاحي والقران شغال م ح تحصل حاجه+وقفتنا في الشارع وزي الوقت دا م صح وصدقني انا لو م كان عندي سبب قوي م ح ادخلك بيتي ونص الليل بس انت اثق فيني المره دي وح يجي يوم وتعرف لي انا دخلتك وكنت واثقه انو حتى ولو جدي شافك م ح يشاكلك ، في قلبي كنت بقول اخخ يا يوسف لو تعرف اننا متزوجين وعادي تكون قااعد معااي وبرانا كمان اخخ🤦😔💔اتوكل على الله ودخل قال لي عارف اني ازعجتك بس م كان في يدي حيله وم قدرت انتظر لحدي الصباح عشان اعتزر منك قلت ليهو م فيها إزعاج اتفضل ، قعد في كرسي من كراسي الجلوس ، اساسا كان عندنا راديو خاتين فيهو ذاكره فيها كل القران فجبتو ووصلتو في كوبس الصاله وشغلت سورة يوسف وجيت قعدت في الكرسي التاني ، شاايفاهو كان بيرجف من البرد قلت ليهو اعمل ليك حاجه دافيه تشربها! قال لي شاي لو ممكن❤️قلت ليهو حااضر من عيوني ، مشيت المطبخ بقيت بعمل فيهو هو جا لاحقاني قعد في الكرسي بتاع الصفره ، قال لي مطبخكم حلو قلت ليهو حلوة عيونك الشافتو قال لي شكرا ابتسمت ليهو وكملت شغلي ، قال لي صحي م وريتني الدكتور قال شنو واداك لي يدك شنو مع الارم ومواعيدكم متين قلت ليهو قال لي فصل والالتواء واداني مرهم وقبيل كلم مهاد اختى وقال ليها انو المواعيد يوم التلاتاء قال لي هسي هي بتوجعك!😢💔قلت ليهو لا الا اهبش بيها حاجه قال لي ميامن بالجد انا اسف💔قلت ليهو يوسف ماف داعي تعتزر كفايه انك جيت لحدي هنا وفي الوقت ده بس عشان تتطمن على قال لي دا اقل حاجه ممكن اعملها بعد الحصل ليك في يدك بي سببي قلت ليهو انا نسيت الحصل فما تركز كتتير+الشاي جهز ، صفيتو واديتو ليه بدا يشرب ، قلت ليهو على فكره انت محظوظ قال لي محظوظ! قلت ليهو اي محظوظ لانك حاليا قااعد تشرب بي كبايتي😌❤️قعد يضحك قلت ليهو والله جد لانو كبايتي دي ماف زول بشرب بيها غيري انت اول واحد قال لي معناها بالجد انا محظوظ😂💔قلت ليهو لو برضو جعان عندنا سلطة اسود ممكن اسخنها ليك قال لي لا م جعان لكن انتي مالك مع السلطة اسود دي من يجيبو سيره الاكل انتي بتجيبي سيرتها طوالي😂💔قلت ليهو اييكك دي العشق الاول والاخير بعد راجلي طبعا لكن انت عارف انا لو اهلي كان سموني سلطة اسود بدل ميامن م كنت زعلت ابدا بالعكس كنت ح اعلق اسمي في جبهتي واحوم بيه😍❤️قال لي لا انتي م طبييعيه احسن ليك تمشي تفصحي من بدري قبل م حالتك تسوء وتتاخر قلت ليهو في السلطه اسود وهو ممكن عادي ابقى م طبييعيه قال لي يا بختو بيك قلت ليهو لا يا بختي انا بيهو😔❤️اثناء م هو بشرب في الشاااي كده انتبهت لي انو يدو مضروبه ، قلت ليهو بخلعه يوسف دا شنو😳! قال لي شنو قلت ليهو يدك مضروبه وانت م منتبه ليها عان فيها دم قال لي م ركزت معاها قلت ليهو والله انت غاايتو ، جبت مويه ملح غسلتها ليهو وقلت ليهو دقيقه اشوف اذا عندنا شاش ولا لا ، مشيت فتشت لي شاش ولحسن الحظ لقيت جيت لفيتها ليهو ، قلت ليهو انت لي بتهمل نفسك بالطريقه دي معقوله م كنت منتبه لي الدم الفيها وما وجعتك ولا شويه! قال لي كل همي كان اني اعتزر منك وم ركزت في حاجه تانيه غير الاعتزر وغير انك تكوني رضيانه وم زعلانه مني قلت ليهو يوسف يخخ😭❤️ابتسم لي ، شرب الشاي وقال لي يلا انا بعد كده ح امش وشكرا علي الشاي كان حلو+يوم التلات ح امش معاكم المستشفى قلت ليهو العفوا+ماف داعي لي التعب قال لي تعبك راحه يا بت قلت ليهو بالجد م عارفه اقول ايه قال لي م مهم المهم انو شعورك وصلني❤️طلعت معاهو لحدي الباب قال لي يلا اتاكدي انك تقفلي الباب وراي كويس وخلي بالك من نفسك قلت ليهو حاضر وانت كمان خلى بالك وانت سايق ومن تصل طوالي اضرب لي وطمني عليك سمح! قال لي سمح ، ودعتو ودخلت قفلت الباب ومشيت انتظرتو لمن ضرب وطمني حتى نمت....
