قلت ليها طيب يا ستي كل القصه اني متزوجه من حبييي اسمو يوسف قريت معاهو السنه الاخيره في الجامعه كدي احكي ليك القصه من البدايه❤️..
____________________________________
كنت زوله اجتمااعيه شددديد في الجامعه ومافي زول فيها م بيعرفني مصاحبه الجامعه كلها تقريبا ، يااخ حتى صحباتي لمن يمشو معااي وانا من كتر م بسلم على الناس البلقوني بقو يقولو تاني م بنمش معاك ناس كتار يدينا بتوجعنا من كتر السلام😂❤️المهم في السنه الاخيره جانا واحد كده وظااهر انو اكبر مننا بكتتيير فقلنا اكيد في وراه قصه والدفعه كلها متحيره فيهو ، زول جاادي بمعنى وحتى انو في امتحان السمتسر بقى بروف الدفعه يعني م شاء الله عليهو بس ، اها في يوم ناس الدفعه قالو لي بما انك يا ميامن زوله اجتماعيه وبتحبي تتعرفي على الناس فامشي اتعرفي عليهو ومنها اعرفي لينا قصتو قلت ليهم اجرب مالو ومشيت ليهو ، كان قاعد في البنش وشغال بتلفونو مديت ليهو يدي عشان اسلم اتخيلي عاين لي من فوق لتحت ورجع كمل شغلو في التلفون والمشكله انو الدفعه كلها كانت بتعاين لينا احترمت نفسي ورجعت يدي بسرعه ، وحاولت اتظراف معااهو وقلت ليهو انا اسمي ميامن انت اسمك منو بس م ردا ، قعدت ارغي واتكلم وهو م شغال بي شغله ، اخر حاجه عمل اتصال في تلفونو وشالو وفات وخلاني وانا بتكلم🙃💔اتخيلو معااي قساوة المنظر طبعا في اللحظه العمل فيها كده شميتو وكرهتو كره بقيت كل م القاهو احمر ليهو واكشر وشي ومن يجيبو اسمو طوالي انا بغير الموضوع ،، لحدي م في يوم كان ذكرة وفاة امي وابوي💔💔جيت الجامعه من الصباح بدري وتوشك دخلت القاعه لاني عارفه انو زي الوقت ده م ح يكون فيها ناس صراحه م كان لي نفس اسلم او اتكلم مع زول ، من دخلت مشيت اقرب بينش وقعدت ابكي فيهو ، م سكت الا لمن سمعت صوتو وهو بقول لي اتفضلي رفعت راسي ولقيتو دا يوسف كان مادي لي منديل شلتو منو ومسحت دموعي ، جا قعد جنبي وعاين لي مسافهه حتى قال لي م ح اقول ليك بتبكي ليه! او م تبكي لا ابكي وطلعي كل الجوك اكيد ح ترتااحي بس اذا صليتي ركعتين ودعيتي فيهم ربنا يخفف عنك ح ترتااحي اكتتر بكتييير صدقيني ، بدون مقدمات قلت ليهو الليله ذكره وفاة امي وابوي قال لي ربنا يرحمهم ويغفر ليهم ويجعل الفردوس منزلتهم قلت ليهو امين يا رب😭❤️قعدت احكي ليهو عنهم وعن طفولتي معاهم بدون م اشعر لمن انتهيت قال لي كدي انتي هسي قومي صلي الركعين وتعالي قلت ليهو طيب ، وبالفعل عملت كده وبالجدد ارتحت راحه م عاديه وحسيت انو قلبي كمان ارتاح شويه ، رجعت ليهو لقيتو بكتب في حاجه وجنبو قريب العشرين ورقه كده ، قلت ليهو بتكتب في ايه! قال لي عايني انا كتبت في العشرين ورقه دي ايه قرانيه وتحت كتبت صدقه لروح المرحوين اللي هم ابوك وامي وح نوزعها على اول عشرين نفر يلقونا وح نطلب منهم بعد يقروها يوزعها لغيرهم وكده ح تلف الجامعه كلها وممكن ناس الجامعه يدوها لناس في الشارع وكده الفايده ح تعم منها الزول بكون قرا قران في يومو ومنها صدقه لروح اهلك قلت ليهو م عارفه اقول ليك شنو بس😭❤️قال لي ماف داعي م بيناتنا يلا ورح نوزع قلت ليهو طيب ، مشينا وزعناها وطلبنا منهم يوزوعها لغيرهم ، ممكن تقولي انو داك اول موقف جذبني ليهو ، شويه شويه بقينا اصحاب ، تاني بقينا بست فريند لحدى م جا واعترف لي انو بحبني وانا صراحه كنت معجبه بيهو من زمن اتصاحبنا فشنو مشاعري اتحولت لحب ومنها قبلت بي ارتباطنا ، هو كان خاطب بت خالتو او بي الاصح خطبتها ليهو امو فلمن حباني وارتبط بي فسخ خطبتو طوالي واتزوجني انا لانو كان بحبني وم بحبها هي ، يوسف ده نعمه من ربنا والله وانا كان من المفروض احافظ عليها لكن للاسف م قدرت القدر اخدو مني💔
