لحدي قريب العصر ونحنا قاعدين متوترين وعلى اعصابنا ناس مهاد وحبوبه بحاولو يهدو فيني ويخلوني م اقلق واتوتر ، حبوبه قالت لي م تخافي يا بتي احتمال كبييير يكونو اجلو السفر قلت ليها كان اجلوهو ليه م برد على اتصالاتي حبوبه انا خاايفه عليهو شدددديد وخايفه تكون حصلت ليهو حاجه😭💔قالت لي قولي بسم الله يا بتي وختى الرحمن في قلبك م بتجيهو حاجه باذن الله قلت ليها ان شاء الله ، شويه كده وجاني اتصال من رقم غريب في الاول م رديت بس تاني اتصل كم مره حتى رديت ، قلت الو قال لي الو السلام عليكم قلت ليهو وعليكم السلام قال لي معاي ميامن احمد حماد! قلت ليهو ايوا انا هي قال لي معاك القائد.... قلت ليهو اهلين اتفضل سكت مسافهه وقال لي البقاء لله قلت ليهو في شنو انا م فاهمه شي قال لي بتاسف علي الح تسمعيهو بس من الضروري اكلمك وضروري تعرفي انو المكان الكان فيهو زوجك الضابط يوسف محمد انضرب وكل العساكر الكانو هناك للاسف ماااتو ومن ضمنهم زوجك يوسف💔💔 ، طبعا انا م استوعبت حرف من الكلام القالو وحاسه نفسي مطششه والدنيا دايره بي فجاه جسمي كلو بقى عباره عن مويه وبرجف لدرجه التلفون وقع من يدي ودموعي بس كانت عباره عن شلال💔 ، حبوبه قالت لي يا بت مالك بتبكي بالطريقه دي مهاد قالت لي في شنو وده منو وقال ليك ايه ميامن اتكلمي لمن م رديت ليها شالت التلفون من الارض وقالت الو.... الا اله الا الله..... ان لله وان اليه راجعون " وختتت يدها في رأسها وقعدت في الارض ".....طيب انتو كيف عرفتو احتمال غلطانين.....ربنا يرحمو ويغفر ليهو😭💔.....طيب هسي ح نجي💔وقفلت الخط حبوبه قالت ليها فهمينا في شنو وده منو المات! قالت ليها حبوبه😭💔الحته الكان فيها يوسف انضربت وحصل فيها انفجااار ويوسف اداك عمرو😭💔 حبوبه قالت ليها ان لله وانا اليه راجعون يا رب تصبرنا💔رزان قالت ليها جد!😭💔قالت ليها اي😭💔وهسي ده كان القائد العام للجيش ضرب يكلمنا وقال نجي المقر بتااعهم ونستلم جثه يوسف💔رزان جاات ضمتني وقالت لي ميامن😭💔وكانت بتبكي قلت ليها رزان انتي لي بتبكي ده كذب استحااله يوسف يموت يوسف م ح يخليني انتي فااهمه يوسف قال لي انو ح يرجع ده كذب م تصدقي وم تبكي سااي يوسف هسي ح يرجع من السفر قالت لي يا ريت يا ريت يا ميامن بس الحقيقه بتفضل حقيقه ويوسف مات😭💔زحيتها مني بقوه وقلت ليها بصوت عالي م مات انتي مالك م دايره تفهمي الحاجه دي يوسف م ممكن يموت حبوبه قالت لي عارفه الموضوع صعب عليك يا بتي بس ده قضاء وقدر ربنا ونحنا م مفروض نعترض قلت ليها حتى انتي يا حبوبه صدقتي يااخ يوسف م مات انتو لي دايرين تقتلوهو😭💔قالت لي اخخ يا بتي ربنا يصبرك بس وقالت لي مهاد لبسيها عبايه عشان نمش💔قلت ليها انا م ماشه محل امشو انتو انا ح انتظر يوسف هو هسي ح يجي راجع من السفر حبوبه قالت لي كر علي يا حشااي😭💔مهاد جات ادتني كف وهزتني وقالت لي ميامن يوسف بقى في رحمة ربنا يوسف مات قلت ليها لا م صااح انتي بتكذبي وعشان اوريك كذبك ده ح امش معاكم وانتو ح تشوفو بعنيكم انو داك م يوسف ، لبستني العبايه وانا م فاهمه شي بس الحاجه المتاكده منها انو هو عايش ، مشينا المقر بتاع ضباط الجيش لقينا كميه من الاهلي بتبكي وكل زول حارث ليهو جثه وببكي جنبها💔💔 ، الوضع كان مأساوي جدا جدا💔 ، لقينا واحد قال لينا انا نفس القائد الاتكلمت معاكم قبل شويه+البركه فيكم انا واحد من الناس اللي اتاثرت شدديد بموت الضابط يوسف كان انسان خلقوق وااعي بس للاسف خسرنااهو💔💔حبوبه قالت ليهو البركه في امة محمد قال لينا تعالو معااي اوريكم الجثه💔طبعا قلبي اتنفض لحظه قال كده بقينا ماشين معاهو وكل م نقرب اكتر انا قلبي بدق💔لمن وصلنا قال لينا جثه الضابط يوسف لقيناها بعيد شويه من بقيه الجثث وكانت قريبه من حتت الانفجار فهو اكتر واحد جسمو ووشو اتشوهو ما قدرنا نعرفو الا من الاشاره المكتوب عليها اسمو بس💔وورانا الجثه كانت ملفوفه بي قماش ابيض وماف حاجه ظاهره منها قال لينا زي م قلت ليكم جسمو ووشو اتشوهو للاسف عشان كده م ح تقدرو تشوفوه💔لمن شفت الجثه دموعي كانت جااريه بالهبل معقوله يكون ده يوسف!! اكيد لا هو قال م ح يخليني نهائي ، قلبي كان بيقول انو ده م هو😭💔قلت ليهم ده م يوسف انا متاااكده القائد قال لي انا بتفهمك بس للاسف ده هو💔قلت ليهو لا م هو قلت ليك وبقيت ارجع لي ورا وبكرر في الجمله دي لحدى م وصلت الباب جريت بره وانا ببكي ناس رزان جو لاحقاني قعدت في الارض وقلت ليهم صدقوني ده م يوسف قلبي قال لي كده وانا استحاله ما اعرف يوسف قلبي م دقه لمن شفتو ده م يوسف والله العظيم 😭💔 مهاد قالت لي لا ده هو ميامن لقو معااهو الاشاره الفيها اسمو كيف يعني م ح يكون ده هو قلت ليها م بعرف بس كل البعرفو انو يوسف عايش😭💔يالله قومنتي وركبتني العربيه مشينا بيت ناس يوسف ولقينا الناس كلها هناك والبيت مليان شدديد ، وفي ناس كتتيره كانت بتمسك فيني وبتبكي معااي وانا بس شغاله اقول ليهم يوسف م مات م تبكو ، لقيت افاق بتبكي من شافتني جات جاريه ضمتني عليها وبكت زيااده قلت ليها افاق انتي لي بتبكي يوسف م ح يموت هو وعدني انو يرجع وقال كمان ح يقضي الاجازه الجايه معااي م تبكي سااي يوسف عايش قالت لي بتمنى يا ميامن لو كان كلامك صح بس الحقيقه بتقول انو يوسف حاليا بقى في ذمة ربنا😭💔قلت ليها حتى انتي مصدقه💔! يوسف ح يزعل شددديد لمن يعرف انكم عملتو ليهو عزاء وهو عايش ، بعد شويه جات مرا وبتبكي بي اعلي صوت عندها وشغاله كر علي يا المشيت خليتنا الليله كيف تفارقنا وشغاله تكورك بي اعلي صوت انا قفلت اضاني منها وهى كانت لسه مسمتره فجاه انا كمان عليت صوتي وقلت ليها اسكتي ياااخ يوسف حي م ميت م تكوركي سااي انتو لي دايرين تموتوه وهو حي حرام عليكم هو عايش😭💔 طبعا كل الناس سكتت وبقت تعاين على اتجااهي خالتو موده قالت لي اسكتي انتي سكت حسك كلتلتي لي ولدي اصلا هو من يوم شافك م ضاق الراحه وهسي يااهو مات يموت حيلك بركه الله وااا حشاااي عليك يا ولدي المشيت وخليتيني برااي وااا حسرتي عليك يا جنى بطني😭💔 ، م اشتغلت بيهم ومشيت غرفه يوسف ريحتو كانت ماليه الغرفه شلت صورتو وقلت ليهو يوسف انت وين! تعال شوف الناس جنت وبتقول انك مت بس قلبي بيقول لي انك عايش وقلبي مستحيل يخوني انا متاكده حتى ولو جابو لي جثتك قدامي م ح اصدق ارجع يا يوسف ارجع ووريهم انك عايش😭💔 ، ايام العزاء كانت اصعب ايام مرت علي في حيااتي ، خالتو موده حالتها كانت صعبه شددددديد حرفيا عمري م شفتها بي الحاله دي وافاق كذلك اما انا لسه على امل انو يوسف يجي راجع ، رجعنا بيتنا واتحسبت هناك مع اني م مقتنعه بفكرة انو هو حاليا ميت ولا حابه اتقبلها💔
