قال لي طالما انتي عاوزة ومصره على كده يبقى مبروك عليك زواجي منها💔💔جملتو دي اترددت في اضاني قريب السته سبعه مرااات وقلبي زي الفي زول طعني فيهو بسكين💔اي صااح انا عاوزاهو يعرس ومصره على الحااجه دي بس غصب عني والله ، انا لو علي م افرط فيهو ابدا ابدا بس للاسف الظروف هي الجربتني وم عندي شي اقولو ليهو غير كده💔تابع بااقي كلامو وقال لي بصوت مكسور ومبحوح كده ، زي م قلت ليك ح اعرسها لكن عندي شروط وم على كيفك ضروري تقبلي بيها واللي هي انو انتي الح تقومي بترتبيات العرس كلها💔وم عايز حفله وبتااع بس العقد يتم والناس تبارك وخلاص و براءه ح تسكن مع امي قلت ليهو ليييه! هي من حقها انو تعيش في بيت برااها قال لي دي شروطي سواء ابيتي او رضيتي م بهمني ، لكن يا ميامن انا لو شفت في عيونك ضيق اثناء م بتحضري الترتيبات او شفتك بتبكي يا ميامن ولو بالغلط ساااي ح اوقف اي حاجه والغى العرس لحظتها💔وصدقيني انتي حاليا قااااعده تغلطتي وتروحيني من يدك وح تندمي شدددديد+منتظرك بره في العربيه قال كلامو دا وفات ، انا كنت بستوعب في كلامو لانو م اتوقعت انو يطلب مني انا احضر ليهو ترتياااات العرس بس متااكده انو هو عمل كده عشان عاارفني م ح استحمل كتتتير وح ابكي💔شلت شنطتي ورتبت بااقي ملابسي جات مهاد قالت لي راجعه معااهو! قلت ليها ايي قالت لي واخيرر اتصالحتو😍✅قلت ليها يا ريت قالت لي م فمهتك! قلت ليها يوسف وافق يعرس براءه ، قلعت عيونها وقالت لي شنووووو؟!!! قلت ليها زي م سمعتي انا طلبت منو الطلاق يا يطلقني يا يعرسها وهو وافق بالعرس💔قالت لي ميامن م جاده في حياااتك انتي ، م عارفه اقول ليك شنو بس انتي بتخربي بيتك بيدك للاسف يعني💔م رديت عليها بس شلت الشنطه وعدلت توبي اللابساهو وطلعت بره لقيت حبوبه قلت ليها يلا انا ماشه قالت لي ماشه خلاص يا الحنينه قلت ليها ايي قالت لي وضعتك الله ، ضميتها علي وبكيت شددديد انا اساسا كنت ماسكه دموعي وواول م حضنتها فكيتهم وبكيت بكى💔قالت لي م تبكي يا بتي تاني بتجينا قلت ليها ان شاء الله وقريب كمان ، ودعتهم كلهم ومهاد كانت بتعاين لي بحسرة وعين مكسوره نظام كفايه م تغلطي زياااده وتخليهو يعرسها💔مشيت لقيت يوسف منتظرني كان راكب وخاتي يدو على فمو وبفكر وعيونو شبه مدمعه💔ركبت قدام معاهو وطول الطريق بعاين بالشباك وببكي بس من دون صوت من وصلنا ونزلت من العربيه كده هو اتحرك ومشى بسرعهه💔دخلت البيت وانا زااتي م عارفه كيف كل الكنت بفكر فيهو هو يوسف💔.....
_________________________________________
ميامن كانت مصره على اني اتزوج براءه وحتى انها طلبت الطلاق وقالت م ح ترجع معااي الا اوفق اعرسها ، م عارف ميامن دي ماله مصره كده معقوله دي تكون نفسها ميامن الكانت بتغير على من اقل نظره لبت ساااي هسي جايه وبذات نفسها تعرس لي💔م كان قدااامي حل تاني عشان ارجعها معااي البيت غير اني اقبل💔وقلت ليها انتي لازم ترتبي لي عرسي واشترطت انها م تضايق ولا تبكي أثناء م هي بترتب لانها لو بكت انا ح اوقف العرس وده كلو عشان عارفها م ح تستحمل وتمسك دموعها لفتره طويلهه دا اخر امل عندي عشان اوقف المهزله الحاصله دي ، ولاول مره فحيااتي بتمنى انو ميامن تبكي بس عشان م اعرس غيرها💔اخخ يا مياامن انتي م عارفه عملتي شنو لمن خليتيني اوفق اتزوجها ، اخخخ انتي قاعده تخربي بيتك بيدك💔كالعاده مشيت محل م عارفو وين وسجرت وم رجعت البيت الا الساعهه ١٢ لقيت ميامن صاحيه ومنتظراني من جيت قالت لي يوسف انت كنت وين انا من قبيل منتظراك م رديت عليها بس دخلت المطبخ وشلت لي باقه مويهه بقيت اشرب فيها جات هي لاحقاني ، قالت لي يوسف انا بتكلم معاك قلت ليها وانا سامعك لكن م عاوز ارد في حاجه تانيهه! قالت لي يوسف انت شارب سجائر!!لانو ريحتك عباره عن سجائر💔قلت ليها بهمك يعني قالت لي اكيد بهمني دي صحتك في النهاايه😭💔قلت ليها لا م بهمك لانو لو فعلا بهمك م كنتي طلبتي من زفت الطلب داك فشنو بطلي تمثلي على👍قالت لي بس.. م خليتها تتم كلامها وطلعت مشيت الغرفه رقدت في السرير وغمضت عيوني وعملت نفسي ناايم شويه وحسيت بيها بترقد جنبي وبتشبك اصابع يدها مع اصابعي ، عديت مسافه وبعدها فتحت عيوني لقيتها نااايمه وماسكه يدي وضاماها عليها ، بقيت بعااين ليها ولي السواد التحت عيونها من كتر البكى والسهر انا متاكد انو ميامن طول فتره قعادها مع اهلها م نامت الا ساعات قليله💔بستها في عيونها الاتنين وانفها مساافهه طويله هي طوالي كشتر وشها كعادتها يعني ، نمت وانا بعاين فيها وبتحسر على حالنا مقعوله هي جنبي وانا م قادر احضنها ، انا اشتقت ليهااا شدددديد واشتقت لحضنها ولي هبالتها معااي ، الصباح صحيت لقيتها صاحيه قبلي وبتشرب في الشااي من شافتي ختت باقي كبايتها ومشت المطبخ جابت لي بس انا أثناء م هي مشت شربت من كباايتها بدون م هي تعرف ، اخخ بس لو نرجع زي زمان وارجع اشرب بااقيها عاادي وبدون دس اخخخ بس💔......
