بعد قلت ليهو كده فضل بس بعاين لي وم اتكلم ، قلت ليهو م سمعتني! قال لي سمعتك لكن ح اعتبر نفسي م سمعتك ، ميامن انتي حاليا م فاهمه قاعده تقولي في شنو عشان كده انا ح امش واجي بكره القااك كويسه وترجعي معااي بيتنا قلت ليهو م ح ارجع وداك بقى م بيتنا من يوم خليتيني ابيت فيهو براي قال لي ميامن انا وضحت ليك كل حاجه بس عارف انك محتاجهه وقت عشان تسامحيني وباسني في راسي وقال لي يلا ابقي كويسه عشاني وفات ، تقربيا دموعي خلصو في اللحظه ديك ، مهاد ورزان جو خاشين قالو لي اها حصل ايه؟! قلت ليهم م شي مهم وانا م راجعه معااهو رزان قالت لي ليه؟؟! قلت ليها عشان موقفو وهو قريب من براءه م داير يفارق مخيلتي💔قالت لي مياامن اكيد ح تنسي وترجعي مع يوسف لانو هو ضحى كتتتتير عشااانك ، ميامن هو بس مثل عشان يكشفها ويطلعها من حيااتكم قلت ليها م عارفه قالت لي على فكره هو طلقها وتلاته طلقات كمان ، عاينت ليها وانا مصدومه نظام دا حصل متين؟! قالت لي م تستغربي اصلا انتي متوقعه منو شنو اول م ينهي الثمتليه دي اكيد ح يطلقها ودا الحصل مهاد قالت لي ميامن كفاايهه م تخربي بيتك اكتر من كده وارجعي معاهو قلت ليها ح افكر في الموضوع وهسي ممكن تقفلو السيره عشان انا اتضايقت قالو لي طيب ، فضلو يتكلمو وانا سارحه بعيددد وبالي مع يوسف ، وطول الليل يوسف كان بيبعت لي في مسجاات وبتعزر مني بس انا بقراهم وم برد عليهو وكل م اطلع من الفيس وادخل الواتسب او اي موقع تواصل بلقاهو بدا يرسل لي فيهو واستمر كده لحدى م انا نمت ، صحيت الصباح مع صلاه الصبح قمت صليت وقريت قران ودعيت لي وليوسف❤️صااح كنت زعلانه منو بس اول م وراني انو الحصل دا كان مجرد تمثليه رضيت بس م اظهرت ليهو الحاجهه دي عشان عاوزهو يعمل حساابو تاني مره لمن يعمل خطه يوريني😏👊بعد صليت صحيت ناس مهاد لي الصلاه برضو ، الدنيا كان لسه م فتحت مشيت البلكونه بقيت بعاين في الشارع كده فجاه لمحت عربيه يوسف واقفه قريب من بيتنا وهو ناايم فيها ، في قلبي قلت معقوله يكون ما مشى البيت ونااام هنا! لفحت اقرب توب في وشي ومرقت الشارع ومشيت تجاه عربيتو لقيتو نايم وشكلو كان مرهقق جداا💔دقيت قزاز العربيه كده كان هو فتح ورفع راسو شويه واستوعب انو دي انا ، طوالي فتح الباب ونزل وجا وقف قدامي ، قلت ليهو بتعمل هنا في ايه!! قال لي مياامن انا اسف ، عارف اني غلطت لمن م وريتك انها تمثليه بس بلييززز سامحيني قلت ليهو بغض النظر عن كلامك دا امش البيت م تقعد هنا لاني م راجعه معاك لو شنو داك وضربتو بكفتي ومشيت هو جا لحقني دخلت البيت كده هو قال مي... ، م استنيتو يتم لي الكلام زااتو قفلت الباب في وشو ودخلت ، اها وقت الفطور كده مهاد جابت لي الاكل وقالت لي ميامن ده الاكل اكلي م تنسي طيب قلت ليها م عايزه قالت لي ليه حبييي! قلت ليها م لي نفس والله😪💔قالت لي ميامن انتي نسيتي الدكتور قال شنو! مش قال انو انتي لازم تهمتي بصحتك وتااكلي عشان الفايتمينات والحبوب المثبتة تنفع معاك قلت ليها بس قالت لي م بس ولا حاجهه يلا اكلى وبدت تاكل فيني ، يوسف نهائي م زهج وتاني جا وقعد اتكلم معاي واعتزر مني كتتير بس انا م اتكلمت معااهو ، فضلنا شهر على الحال دا وهو كل يوم بيجي او بي الاصح بيبت قدااام بيت ناس حبوبهه ومن الناس تصحى بجينا جوا ويعتزو مني ويحااول يراضيني وانا برفض ارجع معااهو ، نفسي شددديد اساامحو بس لازم يضوق الزعل والعذاب الانا عشتو في الشهرين وقت عرسو من براءه ولمن كان بهملني ، في يوم بالعصر كده كنت ماسكه التلفون فجاة جاتني مسج من يوسف في الاول م كنت عايزه افتحتها بس بعدين قلت افتحها واشوف كاتب فيها شنو ، فتحتها ولقيتو كاتب لي فيها " ميااامن انا حااسس نفسي ح اموت في اللحظه دي قلبي وااجعني شدددديد ، ميامن اعفي لي قبل اموت💔ميامن انا تعباان شددديد وم قادر على الحياة دي بدونك💔 " تقريبا انا قريت الرساله دي قريب الاربعه مرات وكنت بحاااول استوعب ، وقلبي بقى يدق بسرعههه وخفت عليهو شددديد ، ضربت ليهو بس لقيت تلفونو مقفول💔تاني م حسيت بنفسي الا وانا طالعه من البيت م عارفه كنت لابسه شنو اساسا من الخلعه ، اجرت امجاد وطول الشارع كنت بحاول اتصل ليهو ودموعي جااريه وهو تلفونو مقلق لسه وبقول لي بتاع الامجاد سوق بسرعهه ، لمن وصلت البيت حاسبت الراجل سريع ونزلت جري علي بيتنا فتحت الباب بالمفتاح ودخلت وبقيت بنااادي عليهو وانا برجف ، يوسف😭💔يوسف انت وين؟! جا هو طالع طبعا من شفتو جريت عليهو وحضنتو قوووي وقلت ليهو يوسف انت كويس صح!!😭💔قال لي انا كويس حبييي قلت ليهو الحمد لله انك كويس م تصدق انا خفت عليك كيف😭💔قال لي وااضح جدا من توبك الاغلب دا وسفناجاتك الكل وااحده من بلد وشعرك الفاكي والمنكش دا😂💔قلت ليهو م تضحك يااخ انا لحظه قريت الرساله تاني م استوعبت شي ولا كنت ملاحظه انا لبست شنو كل بالي كان معاك😭💔لكن دقيقه دقيقه انت كويس وم بااين انو كنت تعباان؟!! عاين لي وابتسم ، قلت ليهو يووووسف م تكون كذبت علي بس عشان تخليني اجي🙂👊!!قال لي وبرضو عشان اثبت ليك اني م زلت مهم عندك وم ح تقدري تتحملي فيني حاجه حتى ولو كنتي زعلانه مني ، م رديت عليهو قال لي ميامن م نفسك نرجع!! ميامن انا اشتقت ليك شدددديد ، خلاص ارجعي😔م رديت عليهو بس كنت ببكي قرب مني شدديد ولصق جبهتو مع جبهتي وقال لي مياامن ارجعي لي😭💔 قلت ليهو يوسف للاسف انا ح امش لاني حرفياا كل م اشوفك بتذكر العملتو💔قال لي مياامن لا بليززز خليك معااي قلت ليهو م ح اقدر وفكتيو ، اول ما وصلت الباب كده جيت واقعه ودخت ، يوسف لمن شاافني وقعت م كان عاارف يتصرف كيف جا وبقى يصحي فيني بس انا كنت دايخه ، شالني واتحرك بي على المستشفى ، اها لمن فتحت عيوني لقيت يوسف قااعد جنبي وماسك يدي قال لي ميامن واخيرر فتحتي😭💔!م رديت عليهو بس قبلت وشي بالجهه التانيه وعيوني دمعو ، الدكتور جا داخل وقال لي يوسف تعال معااي عشان اوريك التقارير بتاعت المريضه واوريك عندها شنو قلت ليهو دكتور انا عارفه عندي شنو وعارفه ليه دخت فعشان كده اتكلم قداامي عاادي قال لي طيب طالما انتي عارفه انك حاامل ووضعك صعب شويتين ليه م قاعده تهتمي بنفسك كده م ينفع وخصوصا انو انتي في الشهور الاولى قلت ليهو ح اهتم والله يا دكتور بس الفتره الفاتت كان عندي شويه ضغوطات ، يوسف هنا اتفاجى ونطط عيونو وبقى يعاين لي باستغرب والزاد استغرابو انو انا عارفه ، الدكتور قال لي حاليا انتي حامل ليك شهرين قلت ليهو ايوا عارفه❤️قال لي طيب الدكتور الوراك انك حامل اداك شنو! قلت ليها فايتمنات وحبوب مثبته للحمل قال لي تمام اذا اتغذيتي كويس وبلعتي الحبوب في وقتها وم ارهقتي نفسك حملك ح يثبت لحدي م تولدي قلت ليهو ان شاء الله ح اعمل كل القلتو لي قال لي طيب وطلع يوسف كمان طلع معاهو وعده مسافهه وبعدها جا راجع م اتكلم معااي بس صلح لي توبي في راسي وشالني ، وانا نفس شي نهائي م اتكلمت معاهو لحدى م وصلنا بيت ناس حبوبه ونزل فتح لي الباب وكان داير ينزلني كده قلت ليهو انا م نازله هنا انا ماشه معاك😢برضو م ردا لي بس قفل الباب وجا ركب العرييه ودور ورجعنا بيتنا نزلنا وقلت ليهو بمشي برااي ماف داعي تشيليني ، م اشتغل بكلامي وشالني لحدى م وصلنا الغرفه رقدني في السرير وطلع مني التوب ، قلت ليهو يوسف انت ليه ساكت كل دا! لكن ولا كاني بتكلم قام على حيليو وداير يمش كده ثبتو بيدي وقلت ليهو يوووووسف😭💔قال لي ميامن لو سمحتي يعني انا م رايق حاليا وانتي وضعك م بيسمح ليك نتناقش فما تتكلمي معااي رجاء قلت ليهو بس....م استناني تميت كلامي وطلع ، شويه وجا شاايل صينيه اكل في يدو قعد جنبي وبدا يااكلني ، اثناء م هو بياكل فيني كده دموعي نزلو هو طوالي وقف مسحهم لي قلت ليهو يوسف اتكلم معااي م تسكت كده قال لي ميامن انتي ليه عملتي كده! ليه دسيتي علي انك حااامل💔! قلت ليهو لانك م كنت شغال بي لمن عرفت اني حامل وكنت مهتمى ببراءه ، عارف انا عرفت متين! لمن جاتني مهاد هنا ولقتني تعباانه وودتني المستشفى انا كنت مفتكره انو مجرد ارهاق ولاني م كنت باااكل بس وقتها الدكتور قال لي انتي حاامل كنت فرحانه شددديد وم مصدقه نرجع البيت متين عشان اوريك بس تاني اتذكرت انك بقيت م قاعد تجيني ووقتها مهاد ودتني بيتكم لكن برضو انت م جيت وسالتني عيانه عندك شنو! بحجه اني كنت ناايمه وفي نفس اليوم شفتك وانت بتبوس في براءه ، كيف كنت دايرني اوريك بس كيف يا يوسف💔!قال لي ميامن انا اسف قلت ليهو يوسف انت لي عملت كده!! ولي بستها!!😭💔وبقيت بضرب فيهو هو ضماني عليهو شديدددد وبقى يهدي فيني وانا بس بضرب فيه وببكي وشغاله ليهو بستها ليه يا يوسف😭💔؟! قال لي مياامن حبييي هش م تبكي قلت ليهو اخخ يا يوسف اخخ م ممكن نرجع زي زماان!!!😭💔قال لي ممكن❤️ورجع تاني مسح لي دموعي وقال لي خلينا من دا هسي اكلي عشان بتنا الفى بطنك قلت ليهو وانت كيف عرفت انها بت؟! مش ممكن يكون ولد! قال لي حاسس كده قلت ليهو لا ح يكون ولد انا امو وعارفه قال لي نشوف قلت ليهو ظط ، غشى لي خشمي وقال لي حبوبك وين! قلت ليهو في بيت ناس حبوبهه قال لي اممم ح امشي اجيبهم واجي قلت ليهو طيب منتظراك ، ضماااني مساافهه طووويله وبعدها مشى جاب الحبوب❤️.......
