قلت ليهو فعلا ده المهم وانا ما دايره حاجه تاني الا انك تكون معااااي قال لي صاح يا ميامن انا م متذكر حاجه بس حاسس اني كنت بحبك شدددديد وم كنت بفرط فيك وعشان كده بوعدك اني ح احاول اتذكر واضغط على نفسي قلت ليهو انا م عايزاك تضغط على نفسك كفايه انك معااي وممكن نبدا من اول وجديد انا كل يوم ح احكي ليك حاجه عننا كنا بنعمل شنو وبنحب شنو وحياتنا كانت كيف بس المهم انك م تضغط على نفسك عشان م تعرض حياتي للخطر قال لي حياتك! قلت ليهو اي لانو حياتك انت هي حياتي انا قال لي حبيييي❤️قلت ليهو طيب هسي امش ادوش وغير ملابسك عشان ح اخليك تحضر حاجه+ح تلقى ملابسك في الدولاب قال لي حااضر ، مشى الدولاب شال ملابسو ودخل الحمام ، وانا كمان شلت ملابسي ومشيت استحميت في الحمام التاني لقيت صعوبه لانو يدي م كنت بقدر احركها كتتير ، يلا لمن كنا قاعدين هنا انا وناس مهاد بتذكر في يوم غسلت ملابس يوسف كلهم وكويتهم وريحتهم فهسي جا لقاهم جااهزين ، استحميت ولبست لي فستان تحت الركبه بشويه وطلعت يوسف كان لسه م خلص حمام شلت الابتوب من الدولاب ومعاهو ال سيدي تبع عرسنا والقسيمه❤️يلا اساسا البيت كان نضيف لاني يوم جيت اشيل حاجات من هنا لمن جدو كان عيان نضفتو معاي ، اها جبت لي بخور وولعتو ريحتو عجبتني شدديد فبخرت من شعري كنت شايلاهو ولافه وبغني في " هو انت جيت مننين! حبيتك بالتلاته وساهرنا بتاع يومين عايزاك وباستماله💃❤️مبسوطه حبتين لا حبتين تلاته💃❤️لا الموضوع ده يخض ، من غير اي اتفاق علقي ف ثانيه انت اخدتو تاه مني وما فاق مش ثابت زي عادتو ملهوف كل اشتيااق بيروحك وبإيردتو ومن الفرحه مش بيرد💘 " اثناء م انا برقص وبلف وماسكه البخور بي يدي السليمه كده لقيت يوسف واقف وراي وببتسم عاينت ليهو ووقفت في حتتي قال لي كملي كملي مالك وقفتي انا مستمتع قلت ليهو انت كنت هنا من متين!🤦💔قال لي من لحظه اخدت عقلك😂💔قلت ليهو يوسف يااخ م تشغلها لي🙇🏻♀️💔قال لي خلاص بس انتي كملي وانتبهي لي البخور م يقع من يدك وانتي برقصي😂💔قلت ليهو قلنا بطل تشغيله+اقعد في الكرسي داك عشان عندي ليك مفاجاه قال لي واللي هي! قلت ليهو شيل الصبر واقعد😂💔قال لي ماشي يا ستي اها وقعد ، ختيت البخور من يدي وجبت الابتوب والسيدي قعدت جنبو وقلت ليهو طيب عان دي القسيمه بتاعت عرسنا شالها وبدا يقرا فيها قلت ليهو وهسي ح اخليك تحضر العقد انت كنت مصورو لي🙈💘وبعد العقد ح تحضر عرسنا قال لي طيب ، بعد انتهى من قرايتها شغلت ليهو العقد كان بحضر بي تركيز كانو بحاول يتذكر اي حاجه منو ، اثناء م نحنا بنحضر في فيديو العرس كده تلفوني اتصل كانت دي مهاد رديت ومشيت بعيد من يوسف عشان كان بيحضر وبتركيز شددديد ، قلت ليها اهلين قال لي هلا وين انتي اتاخرتي العشاء قرب ياذن قلت ليها مع يوسف في بيتنا م جايه🙈❤️قالت لي بيتكم وين انا م فاهمه شي قلت ليها نحنا عندنا كم بيت!قالت لي واحد دقيقه دقيقه وااي يعني يوسف اتذكر! قلت ليها لا قالت لي كيف يعني وهو هسي معاك في البيت حكيت ليها القصه كلها ، قال لي اخخ على الاقل انو معاك وامو م نجحت قلت ليها الحمد لله قالت لي بس البت الاسمها براءه دي اصلو م مطمناني قلت ليها حتى انا حاسه انها بتخطط لحاجه قالت لي المهم هسي م تركزي معاها ركزي مع يوسف😉❤️قلت ليها اصلا يا بيبي قالت لي يلا ح اكلم ناس حبوبه معاي قلت ليها سمح وقفلت ، بعد قفلت منها مشيت المطبخ قلت اطبخ وكنت عايزه اعمل دمعه بس يدي م خلتني ناديت لي يوسف جاني وقال لي مالك قلت ليهو كنت عايزه اعمل دمعه لكن يدي 🤦💔قال لي انا اساسا لو عرفت انك كنتي ح تطبخي م كنت خليتك قلت ليهو لكن انت م جعان! قال لي جعان لكن انتي مفروض ترتاحي وخصوصا انو يدك مفصوله قبل شويه لمن كنتي بتكلمي مع مهاد انا طلبت اكل قلت ليهو م عارفه اقول شنو بي بالجد شكرا قال لي انتي هبله ولا شنو كيف يعني تشكريني عشان جبت اكل قلت ليهو م عرفت اقول شنو😂🤦❤️قال لي غبيه😂💔+طول التلاته اسابيع او البقو اسبوعين ديل م تشتغلي حاجه انا ح اعمل الاكل وانضف وبعد مرات بطلب قلت ليهو حااضر😢❤️عدينا نص ساعه كده والاكل وصل المهم بعد خلصنا اكل انا مشيت الغرفه قعدت الكرسي في التواليت اتمسحت وهو جا رقد في السرير مشيت رقدت حنبو ، كان شغال بي تلفونو قلت ليهو يوسف نحنا بكره ح نمش الشركه قال لي ايي قلت ليهو امم طيب قال لي يلا تصبحي على خير قلت ليهو وانت من اهل الخير خت تلفونو من يدو وغمض عيونو ، فكرت شويه في وضعنا بعدها كنت على وشك اني انوم كده حسيت بيهو قام استغربت هو مشى وين تاني قلت احتمال مشى الحمام بس عدت مسافهه طويله وهو م جا راجع ، قمت على حيلي زمشيت دقيت باب الحمام لكن م كان في زول في الحمام استغربت زياده طب يا ربي بكون مشى وين! طلعت بره لقيتو راقد في الكرسي بتاع الجلوس حق الصاله ونايم ، تلقائيا عرفت انو هو لسه م اتعود على واكيد م ح يتعود بسرعه على انو متزوج واكيد ح يخلي بينا حواجز لانو هو م متذكر حاجه يعني فجاة ينصدم بي انو معرس اكيد م ح يتقبل الحقيقه دي بسرعه رجعت الغرفه وانا بفكر فيهو لحدي م نمت ، صحيت صلاة الصبح بصوتو وهو بقول لي ميامن قومي الصلاه قلت ليهو قايمه حببيي قايمه ، قمت لفوق عين مفتحه والتانيه مغمضه وهو بيضحك في منظري مشيت اتوضيت وجيت لقيتو فارش المصالي ، صلى بي بعد انتهينا بدا يدعي دعيت معاهو لحدي اخر حاجه بعد داك من دون م اشعر ختيت راسي في كتفو ونمت ، صحيت المره التانيه براي مشيت استحميت ولبست ملابس الشغل وطلعت بره لقيت يوسف محضر الشاي ومعاهو كيكه شوكولاته قال لي المره الفاتت قلتي لي انك بتحبيها من يدي وانا عملتها عشانك م عارف هل ح تتطلع زي البعملها زمان ولا لا بس ان شاء الله تعجبك قلت ليهو كونك عملتها عشاني وبكل الحب ده اكيد ح تعجبني ، شلت منها قطعه وضوقتها قلت ليهو كالعاده يعني حلوه بتشبهك قال لي تسلمي يااخ❤️شربنا الشاي وطلعنا على الشركه ،طبعا من وصلنا الناس كانت بتعاين لينا بي استغراب نظام ميامن ويوسف جو مع بعض من وين المهم في الاجتماع العملو يوسف بخصوص الشركه الامارتيه وكده اخرو وراهم انو نحنا متزوجين وكده ، بعد الاحتماع مشيت مكتبي الاء جات لاحقاني قالت لي واااي طلعتو متزوجين م قادره اصدق من الفرح اساسا انتو شبه بعض واستاذ يوسف م شبه التافهه الاسمها براءه ديك قلت ليها حبييي والله قالت لي طبعا ياداب عرفت لي براءه كانت بتتكلم معاك يوم الرحله بالطريقه ديك ليه! وانتي لي دايما بتحبي انك تكوني قريبه من يوسف فرحت ليكم شددديد ربنا يسعدكم يااخ 😍❤️قلت ليها امين ويسعدك يا رب ابتسمت لي وقالت لي اها ويدك هسي بقت كيف قلت ليها احسن من الاول بكتتتير قالت لي الحمد لله+بجيك تاني هسي وراي شغل قلت ليها سمح ، مشت هي وانا خلصت شغلي بعدها مسكت تلفوني وفتحت الواتسب لقيت مهاد مرسله لي رديت ليها قالت لي بعدين خليك جااهز قلت ليها ليه قالت لي اجي م ح نمش لي دكتور ناصر الليله التلات قلت ليها اها تصدقي نسيت قالت لي عرفتك ح تكوني نسيتي عشان كده ذكرتك🙂💔قلت ليها زاكره ماف معلش معلش😂💔قالت لي خلاص ابعتي لي اللوكيشين بتاع الشركه وانا من اخلص جامعه بجيك ظط! قلت ليها ظط ، رسلت ليها اللوكيشين وانتظرت لمن اخر الداوم هي جاتني في المكتب بتااعي قالت لي الله مكتبك حلو قلت ليها حلوه عيونك قالت لي نمش ولا عندك شغل قلت ليها لالا انا انتهيت قالت لي سمح ورح ، طلعنا من المكتب كده لقينا يوسف في وشنا مهاد سلمت عليهو قال لي ماشه معاها البيت ولا شنو قلت ليهو لالا ماشين المستشفى الليله المقابله حقت يدي قال لي ايي الليله التلات انا كيف نسيت مش قلت ليك ماشي معاك مهاد ضحكت وقالت ليهو الاتنين نساينين دي برضو كانت ناسيه زيك الا هسي انا زكرتها😂💔ضحك وقال لينا طيب انتظروني تحت اجيب مفتاح العربيه واجي قلنا ليهو طيب ، نزلنا تحت وقفنا وانتظرانهو لمن جا ، ركبت ورا جنب مهاد عشان دايره اتكلم معاها في الشارع كده قلت ليها وااي طبعا ح نشوف دكتور ناصر😍❤️قالت لي الود دا مكسرني قلت ليها اخخ اسكتي بس💘قالت لي يا ربي بكون متزوج! قلت ليها م عارفه لكن كان متزوج بختها مرتو😍😂💔قالت لي غايتو انتي تقول م معرسه قلت ليها انبرشت اعمل شنو اححي منو ومن اناقتو وزوقو😍💔مهاد ضحكت وقالت لي م عارفه اقول ليك شنو بس😂💔قلت ليها كان م معرس طوالي شركي ليهو او على الاقل عرسي واحد يكون زيو قالت لي م قادره عليك قلت ليها ولا ح تقدري حبيييتي ، طبعا انا كنت بتكلم بصوت عالي وناسيه يوسف السمع كل كلامنا وحمر لي بي المرايا من شفت تحميرتو سكت عشان م يقوم يرميني من العربيه لحظتها😂💔 ، لمن وصلنا ونزلنا انا البسمه طوالي اترسمت على وشي يوسف قال لي بطلي تضحكي واقفلي خشمك ده عليك انتي جايه المستشفى م جايه تشوفي زول هنا قلت ليهو غلطان انا جايه اشوفو قال لي نعم يا ماما🙂!! قلت ليهو اا ولا شي حمر لي تاني احترمت نفسي وقفلت خشمي ، انتظرنا دورنا ودخلنا من شافني قال لي اوو المشاغبه ضحكت وقلت ليهو انا م مشاغبه على فكره قال لي لو م مشاغبه م كان في زول لوى ليك يدك😂💔عاينت ليوسف وقلت ليهو م كده بس قال لي بهظر بهظر😂💔طبعا الساعه ديك يوسف قرب يكفتنا الاتنين ، فكيت الارم وهو شافها وضغطتني فيها قال لي وجعتك! قلت ليهو شويه بس قال لي ده بيعني انها اتحسنت يلا انتي بعد كده لازم تمسحيها بي المرهم صباح ومسا وتحاولي تريضيها وتحركيها قلت ليها حاضر قال لي وتجوني يوم التلات الجاي اشوفها بقت كيف ولو احسن تاني ماف داعي تلبسي الارم قلت ليهو طيب شكرا ابتسم وقال لي العفوا ، طلعنا منو قلت لي مهاد وااي أنا من ضحكتو مهادقالت لي ميامن يوسف ح يقتلك بلاش تنبرشي م شايفاهو مكشر كيف قلت ليها بعدين لمن نرجع البيت ح انبرش ليهو😂💔قالت لي ح يطلقك في لحظتها😂💔قلت ليها م ح يقدر ، وصلنا مهاد البيت ونزلنا معاها سلمنا على جدو وحبوبه ورزان واخدنا ونستنا معاهم ورحعنا بيتنا طبعا يوسف كان ساكت ساي وكل م اجي ماره بجنو يحمر لي اخر حاجه قال لي ح نغير الدكتور دا قلت ليهو ليه يا اخويا!قال لي م عجبني قلت ليهو م ضروىي يعجبك انا عجبني وشايفه انو دكتور كويس وشاطر قال لي م ح نتناقش وح اغيرو واعلى م في خيالك اركبيهو قلت ليهو وانا م ح امش معاك لي الجديد وح امس مع مهاد لناصر قال لي اسمو دكتور ناصر وليس ناصر🙂😑👊 قلت ليهو اها هو م صحبي ولا راجلي عشان اقول ليهو نااصر نسيت😂💔قعد يضحك وقال لي انتي ليه بتعلقي في الحاجه كده! قلت ليهو لانو اي حاجه بتقولها انت تاني بتعلق في راسي قال لي الله الله لكن برضو م ناسي وح نغيرو قلت ليهو لا قال لي فالحه تعايني ليهو وتضحكي وكمان لالا انا م مشاغبه على فكره وقلت لي عجبك وشغاله تنبرشي فيهو وواننن😑🙂👊قلت ليهو دا انت غيران اوي يا بييي قال لي اي غيران لكن ح اغيرو اصبري بس قلت ليهو م ح نغيرو😏💔فضلنا نتاقش وم لقينا نهايه لنقاشنا اها هو يقول نغيرو وانا اقول لا بليل لمن جينا ننوم برضو يوسف كرر حركه امبارح ومشى نام في الكرسي ، اليوم التاني بعد جينا راجعين من الشركه مشيت البلكونه كنت عايزه اشوف حاجه لقيت انو الشتله بتاعتنا ماتت💔💔شلتها ومشيت لي يوسف وانا ببكي قلت ليهو يوسف شوف قال لي بسم الله مالك بتبكي قلت ليهو الشتله مااتت😭💔قال لي ميامن م جاده بتبكي عشان شتله! قلت ليهو انت م متذكر الشتله دي بتعني لينا شنو عشان كده بتستهتر😭💔قال لي برضو م لدرجه انك تبكي قلت ليهو لا لي الدرجه دي عارف انو الشتله دي انت هديتيني ليها في يوم عرسنا قال لي كيف دا! قلت ليهو يوم عرسنا بعد العقد انت اصريت الا تشوفني وقلت لي انتي في يااتو كوفير وانا ابيت اوريك الا انت قلت لي جايب ليك هديه قلت ليك شنو ابيت توريني ليها ولمن اصريت شدديد وريتك انا في ياتو كوفير وانت جيت وجبتها لي معاك يااخ انا ضحكت فيك ضحك اليوم داك وقلت ليك دي هديتك ومن قبيل صارعني بيها قلت لي انو الشتله دي ح تكبر معانا وتذكرنا بي حبنا وبعدين جبناها معانا البيت دا وبقينا كل يوم نزقيها مره انت ومره انا لكن الليله ماتت😭💔قال لي بكره بجيب ليك وحده بدلها قلت ليهو لا انا عاوزه دي زااتو قال لي شبهها م ينفع! قلت ليهو لا م بينفع😭💔قال لي طيب اعمل ليك شنو عشان توقفي بكى قلت ليهو انت اصلا م هاميك يلا ، مشيت منو الغرفه وتميت بااقي بكيتي واليوم كلو انا ببكي ومزاجي كان ضارب ونفسياتي اتغيرت💔 ويوسف قدر م ح حاول يراضيني ابيت ليهو......
_أحببت فيها كل شيء الحب ، والأحلام ، والقلب الوفي مازال يجمعنا معا هذا الجنون يا حبيبتي واني قد اكتفيت بجنونك ولا شي سوا ذالك❤️❤️.
اشوفكم❤️.
