من رجعت البيت لقيت رزان ومهاد وحبوبه وجدو كلهم واقفين جنب الباب قلت ليهم بسم الله في شنو مالكم واقفين بره كده رزان قالت لي بتبالغي يا ميامن يعني تتطلعي زي الوقت ده وم تورينا قلت ليها م كان قصدي اخوفكم بس انا م قدرت انتظر لحد م الشمس تطلع عشان امشي اشوف يوسف لكن تقولو شنو حتى بعد ده م شفتو حبوبه قالت لي لي مالك ، حكيت ليهم بالحصل حبوبه قالت لي امو دي شكلها جنت معقوله في ام بتكون كده قلت ليها ربنا يعين بس+هسي خلونا ندخل ، دخلنا جوا وقعدنا مهاد مشت سوت الشاي وجابتو لينا ، مره شهر من الحصل وفي يوم افاق ضربت لي ، رديت وقلت ليها اهلين بالسمحه قالت لي كيفك قلت ليها تمام والله انتي كيفك ويوسف كيف! قالت اي نحنا الاتنين كويسين وحتى انو يوسف طلعو ليهو الشاش قبل اسبوعين وبقى كويس بطلع مع اصحابو يغير جو ويجي قلت ليها الحمد لله😭❤️قالت لي ضربت ليك عشان اكلمك انو بكره عاملين غداء كرامه ليوسف وعايزاكم تجو قلت ليها بس قالت لي امي صح! قلت ليها ايوا م ح ترضى اننا نكون موجودين قالت لي اي عارفه بس البتعمل فيهو امي ده غلط يا ميامن وانا م راضيه بيهو فعايزك تكوني قريبه من يوسف عشان يقدر يتذكرك قبل م امي تنفذ ال في بالها وتخليهو يعرس براءة ، ميامن يوسف بحبك انتي عارفه حتى وهو فاقد الذاكره بسال منك قلت ليها جد😭! قالت لي ايي والله حتى قبيل لمن امي كانت بتكتب في اسماء الناس الح تعزمهم جا هو وقرا القائمه ولقى اسمك ماف فقال لي اعزمك وقال لي امي ليها م كتبتيها هي صحبت افاق وضروري تجي وامي م قدرت تتكلم فيعني يوسف هو الطلب كده وطلب انك تجي فهل ح ترفضي! قلت ليها ابدا قالت لي خلاص معانتو تجي قلت ليها طيب ح اجي عشااانو😭❤️ قالت لي ان شاء الله يتذكر بسرعه يااخ لانو عايزكم ترجعو لبعض+طبعا م شفتي الاسمها براءه دي كل يوم جاايه بيتنا وشغاله تتحكك في يوسف وهو زهجان منها قلت ليها الخسيسه خليها تصبر لي قالت لي مهما حصل يا ميامن م تخلي يوسف لغيرك ابدا قلت ليها اصلا❤️اتكلمت معاها شويه وقفلت وريت ناس حبوبه وقالو بيمشو معااي ، اها اليوم التاني صحيت الصباح بدري كنت متحمسه شدددديد لاني ح اشوفو م صدقت متين جا الظهر عشان نلبس ونمشي ليهم ، لبست لي فستان لونو كحلي ساده وطرحه مشكله وجزمه بيج وكالعاده مهاد اختي اصرت علي وخلتني اعمل شويه مكيب ، المهم اتجهزنا ومشينا بيت ناس يوسف من وصلنا لقينا افاق واقفه بره منتظرنا سلمنا عليها ودخلتنا ، طبعا امو من شافتنا لوت خشمها وشغاله تحمر لينا سااي م اشتغلنا بيها كتتتير قعدنا نحنا مع افاق وجدي فات حتة الرجال براءه وامها برضو كانو موجودين وهي مستغله فكره انو يوسف م متذكر حاجه وعاملها فيها خطيبتو جد ، بقينا نتونس مع افاق كده خالتو موده جات وقالت ليها افاق في ضيوف جو امشي ضيفيهم بدل قااعده مع الما بتسمو ديل😏💔كنت عايزه ارد ليها لكن رزان مسكتني من يدي نظام م تشتغلي ييها ، افاق قالت ليها طيب قلت ليها استني ح اجي معاك قالت لي ورح ، مشينا ضيفنا الناس الجوا وبعدها بدا موال الغداء وم ادرك ، يلا بعد اتاكدنا انو كل الناس اتغدت بدينا نعمل في الشاي والقهوه اثناء م نحنا بنعمل فيهم كده يوسف جا داخل ، واااااااي للحظه كنت ح ادردق من السماااحه كان لابس جلابيه بيضا وبعلييييي منو بس😍❤️قال لي اووو ميامن هنا وانا اقول النور المنور بيتنا ده نور شنو اتاري دي نورك انتي قلت ليهو خجلت والله😂❤️قال لي أساسا الخجل صنعو عشانك+اها م انتهيتو! قلت ليهو لسه فضل القهوه تفور بس قال لي طيب ح انتظر وقعد في الكرسي بتاع الصفره وملص طاقيتو وبقى يمرر يدو في شعرو انا يالله كنت قادرة اثبت قدامو وقدام حركاتو وجمالو ، قال لي معليش بس ممكن تديني مويه قلت ليهو حاضر فتحت التلاجه جبت ليهو مويه واديتها ليهو ورجعت صفيت القهوه في السرميس وختيت ليهو الكبابي في الصينيه هو شالهم ومشى ، بعد شويه انتبهت لي انو نسى طاقيتو شلتها وطلعت بره على اساسا احصلو بس م لقيتو كنت راجعه المطبخ كده لاقتني براءه ، قالت لي هلا هلا بالناس المنسيه قلت ليها هه ظريفه شدديد بس انا م فاضيه لي ظرافتك دي حاليا🙄👊قالت لي بالله! قلت ليها خلصينا وقولي العايزاهو قالت لي جايه هنا ليه! قلت ليها عفوا! وانتي بي اي حق جاايه تساليني قالت لي بحق اني قريب ح اكون مرت صاحب البيت ده قلت ليها في احلامك يا عسل قالت لي استني وح تشوفي احلامي دي محققه+انتي عارفه يوسف لي نساك انتي بالذات ونسى السنين الظهرتي فيها بس عشان هو لي انا، انا وبس انتي كنتي مجرد فتره في حياة يوسف واهو هسى نساك وبكده تكوني طلعتي من حيااتو وبقى لي انا قلت ليها يوسف عمرو م كان ليك ولا ح يكون قالت لي لا ح يكون لانو كلها عباره عن مسالة وقت ويتزوجني يا بييي قلت ليها الظاهر انو حتى وانتي صااحيه بتحلمي+زي م قلتي كلها عباره مسالة وقت ويوسف يتذكرني من جديد قالت لي السمكك قلت ليها ح احاول بقدر الامكان اخليهو يتذكر عشان يعرف خبثك انتي وامو وصدقيني لمن يتذكر م ح يرحمكم ويوديكم ورا الشمس وعلى فكره يوسف متورط بي تخيلي حتى وهو فاقد ذاكره مهمتمي لامري وبيسال مني والليله انا جيت البيت ده لانو هو العزمني فشنو اصحي قبل فوات الاوان حبييتي انا🙂😏💔ومشيت خليتها رجعت المطبخ ، قلت لي افاق واااااي انا بت خالتك دي ح تجيب لي جلطه قالت لي ليه مالها! حكيت ليها الحصل قالت لي دي عواليق سااي م تركزي معاها قلت ليها الله يعين يوسف لانو ح يستحملها لحد م يتذكر قالت لي فعلا الله يعينو🤣❤️رجعنا لباقي شغلنا كده جات خالتو موده وهي بتهرج قالت لي هييي يا الما بتتسمي انتي اتفلت عليها وقلت ليها نعم! قالت لي كيف تتكلمي مع بت اختي بالطريقه دي وبعدين انتي منو اساسا عشان تقولي ليها كده قلت ليها انا مرت يوسف يا ستي😏+اتكلم معاها بالطريقه البتعجبني انا حره قالت لي شوف قليله الادب بتتكلمي معااي انا كده! قلت ليها لانو ده نفسو اسلوبك البتتكلمي بيهو معاااي☺️✊قالت لي بنات اخر زمن لكن اصبري لي كان م خليتك تسفي التراب يبقى م اسمي موده وولدي ده تاني احلمي بيهو حلم وقريب دي ح تسمعي بعرسو من براءه صبرا بس قلت ليها اتاكدي اني م ح اخلي الحاجه دي تحصل قالت لي انا في وانتي في نشوف قلت ليها نشوف😏✊فاتت وانا قعدت في الكرسي افاق جات وقفت جنبي وختت يدها في كتفي قلت ليها م كنت عايزه اتكلم معاها كده بس هي جبرتني💔قالت لي فاهماك يا ميامن فاهماك قلت ليها افاق امك دي لي م بتحبني! ليه كل م تجيها الفرصه في انها تخرب علاقتنا انا ويوسف بتستغلها انا غلطت معاها في حاجه قبل كده! طب ليه هي بتعاملني بالقسوه دي كلها وبتكرهني كاني كاتله ليها زول ليه بس💔!ودموعي جات نازله قالت لي والله انا زاتي م عارفه يا ميامن لي هي بتكرهك بس ربنا كريم واكيد ح يجي يوم وتحبك قلت ليها ونعمه بالله قالت لي دقيقه وارجع ليك قلت ليها طيب ، طلعت بره انا ختيت يديني في راسي وكنت ببكي وبقول لي هي بتكرهني لي الدرجه دي ، كنت كل م اجيهم زياره في البيت تذلني كل م تلقى فرصه وتستهر بي قدام الحريم وتقطع فيني معاهم كنت مستحمله كل ده عشان يوسف وم زلت مستحمله بس في كل مره هي كانت بتشاكلني فيها يوسف كان بيجي ويمسح دموعي ويهديني بس هسي منو الح يعمل كده ويهديني💔! م تميت كلامي كده سمعت صوت يوسف وهو بقول لي مياامن مسحت دموعي بسرعه ورفعت راسي ، قلت ليهو ايوا قال لي شفتي الطاقيه بتاعتي وي.. دقيقه دقيقه انتي كنتي بتبكي! قلت ليهو انا لالا ابدا قرب علي وقال لي واضح من وشك انك كنتي بتبكي قلت ليهو بس انا م بكيت قال لي على فكره م بتعرفي تكذبي+انتي شوفتي انفك لونو احمر كيف من البكى ، م قدرت امسك دموعي اكتر وبكيت ليهو قال لي الزعلك منو! قلت ليهو ولا زول قال لي في زول سالك صح! طب دا منو عشان امشي امسح وشو بالأرض قلت ليهو ماف زول سالني بس مصدعه عشان كده قال لي غيبه انتي في زول عشان مصدع ببكي😂💔!قلت ليهو انا😂💔قال لي طب الدموع م حلوه في وشك فامشي سريع سريع غسليهو وتاني م تبكي سمح! هزيت ليهو راسي بمعني حاضر ، غسلت وشي في الحمام وجيتو قال لي ايوا كده رجعتي ميامن الحلوه وجضمني قلت ليهو يوسف يااخ م تجضمني قال لي خلاص م تكشري وهالك ابعلي دي ح ترتاحي شويه ومدا لي حبة بندول وكبايه مويه شلتهم منو وبعلت الحبه ، قلت ليهو صحي انت كنت عايز طاقيتك مش قال لي ايي قلت ليهو هدي ليهو قبيل نسيتها هنا قال لي اس نسيتها طب هاتيها عشان امشي البسها واعدلها جنب المرايه قلت ليهو ماف داعي انت بس دنقر قال لي شنو! ختيت يدي في راسو ونزلتو لتحت وانا شبيت شويه ولبستو الطاقيه وعدلتها ، كنت قريبه منو شددديد لدرجه حسيت انو هو اتوتر من قربي ليهو زحيت منو وقلت ليهو كده ظابطه قال لي اا قلت ليهو مالك سكت كده قال لي احمم مسح على لحيتو وقال لي ماف شي انتي بس امشي غرفة افاق ارتااحي فيها عشان راسك م يوجعك تاني قلت ليهو حاضر ، مشيت غرفة افاق ورقدت في السرير كنت بفكر في يوسف يعني رغم انو هو م متذكرني بس لسه بيعرف كيف يسمح لي دموعي ويضحكني اخخ متين نرجع يا يوسف لبعض متين بس نمت وانا بفكر فيه ، صحيت بصوت افاق وهي بتقول لي ميامن قومي يا بت انتي من قبيل ناايمه فتحت عيوني وقمت على حيلي قالت لي نومك تقيل شددديد قلت ليها انا وين😂!قالت لي انتي هنا في بيتنا نسيتي ولا شنو قلت ليها اا اتذكرت والزمن كم! قالت لي الساعه ٩ مساء قلت ليها وااي مش مفروص اكون في بيتنا😳 قالت لي مفروض لكن انا لمن شفتك تعبانه قلت لي حبوبتك تخليك تنومي معااي وهي بعد تعب حتى وافقت قلت ليها اها قالت لي ده الاكل جبتو ليك اكلي عشان قبيل م اكلتي عاينت في الاكل كده وقلت ليها م عايزه قالت لي ليه! قلت ليها عاوزه اندومي م دا قالت لي الا من الدكان وهسي الوقت اتاخر م بقدر امشي اجيبها ليك وغير كده انا نعسانه دايره انوم انتي م شاء الله نايمه من قبيل ف اكلي ده سااي😂💔 قلت ليها لا عايزه اندومي قالت لي انتي قايلاني يوسف انا ولا شنو عشان تتدلعي فيني هيي صحي م امش واقول ليوسف يجيبك ليك قلت ليها ومن قبيل مالك م فكرتي كده امشي سريع ، مشت ليهو وجات قالت لي كلمتو وقال لي ح امش قلت ليها اححي انا من يوسف ربنا يخليهو لي بس😌❤️ قالت لي امين امين😂ويلا تصحبي على خير انا دايره انوم ، رقدت في السرير ونامت وانا زااتي كنت لسه نعسانه فرجعت نمت معاها😂💔...
_______________________________________________________
كنت قاعد في غرفتي وشغال بتلفوني جاتني افاق اختي ، قالت لي يوسف قلت ليها عيونو قالت لي ذي م عارف ميامن بايته معانا هنا وهي قبيل م اتغدت وهسي لمن اديتها الاكل قالت م عاوزهو عاوز اندومي والزمن اتاخر وانا م بقدر امش برااي عارفني خوافه😂💔 فعاوزاك انت تمش تجيبها ليها قلت ليها طيب ، مشيت الدكان جبت الاندومي وقلت اعملها واوديها ليها مره واحده ، م كنت عارف انا لي بتصرف مع ميامن دي كده او لي انا متهمي بيها لي الدرجه دي حتى دموعها م قدرت اتحملها مع اني م حصل اتكلمت معاها غير مرتين واللي هم قبيل طب لي انا قلبي دق لمن كانت قرييه مني وبتعدل لي في الطاقيه وليه قلبي هو الكان بيقول لي اعمل معاها كده وامسح دموعها ، سويت الاندومي ووديتها ليها لمن دقيت باب الغرفه م فتحتو لي دقيت تاني كم مره بس برضو م فتحتو اخر حاجه اتضريت افتح الباب واخش لقيتهم نايمين ، قربت قريب من ميامن اخخخخ من شكلها وهي ناايمه تقريبا عديت سااعتين وانا بعاين في شكلها وبتاامل في ملامحها وما كنت قادر اشيل عيوني منها وكانو في زول عمل لي تنويم مغناطيسي ، بالعافيه قدرت انطق وبقيت اصحي فيها قلت ليها ميامن الاكل جهز قومي قامت عاينت لي كانت مفتحه عين ومغمضه التانيه😂💔دعكت عيونها وقالت لي امم في ايه قلت ليها الاكل قالت لي انا عاوزه انوم وبس ، ودايره ترجع تنوم كده مسكتها من يدها وقلت ليها لا اول شي اكلى حتى بعد داك نومي م ردت علي قلت ليها شكلك لسه نعسانه انتي ف ح اكلك انا هزت لي راسها ، بديت اكل فيها وهي زي الشافعه الصغيره بتاكل يعني حرفيا شكلها في اللحظه ديك يهبل الزول شعرها المنكش ، عيونها المغمضه ، طريقه اكلها ،منظرها دا بيوديك عالم تاني م فيهو غير الامان والاطمئنان ، لمن خلصت اكل خمشها كان مليان قشيتو ليها وكنت عايز اقوم من السرير كده مسكتني وضمتني عليها شددددديد انا لحظتها قلبي كان بيضرب بسرعه وم عرفت اتصرف كيف قالت لي يوسف انت عمرك م ح تخليني صح😭❤️!.....
_ذلك الحضن هو الحضن الذي احتجه منذ اشهر ، حضن ينسينى مرارة الايام التي عدت دونك ، حضن يبوح لك عما ما بداخلي ، حضن يستمر لمده❤️❤️.
اشوفكم❤️.
