مهاد قالت لي يوسف يا ميامن يوسف قلت ليها مالو يوسف😭❤️! قالت لي طلع عايش وم مات قلت ليها كنت حاسه وقلبي كمان كان حااسس انو يوسف م ممكن يموت ويخليني😭❤️قالت لي تعالي مستشفى.... وبفهمك اي حاجه قلت ليها وااي يا مهاد م مصدقه قالت لي ولا انا في الاخير كلامك وتوقعاتك طلعت صح قلت ليها ح اجي بسرعه واشوفو انا م قادره😭❤️قالت لي طيب تعالي منتظراتك، قفلت منها وكنت برجف وقلبي بضرب بطريقه م طبيعيه ودموعي بس كانت نازله م عارفه كيف كنت قادره امش واطلع بره الصاله طلبت ترحال وداني المستشفى لقيت مهاد منتظراني بره ، قلت ليها مهاد يوسف وين! ولقيتوه وين! وهو كويس! طب مالكم جاين المستشفى اذا هو كويس! الوراك منو انو هو هنا! عايزه اشوفو وديني ليهو😭❤️ قالت لي حبيبييتي اهدي شويه وتعالي قلت ليها عايزه امشي ليهو قالت لي اي ورح معااي ح اوديك ليهو ، مشينا وانا ضربات قلبي كل م هي ماشه تزيد ويديني لسه برجفو وم مصدقه ابدا ، دخلنا غرفه كده كان فيها خالتو موده وافاق ويوسف كان راقد في السرير ومتغير خااالص وراسو كلو ملفوف بي شاش ولونو بااهت ولحيتو كثيفه وكان مغمض عيونو وحالتو صعبه شدددديد💔من شفتو دموعي جو جاارين قربت عليهو وكنت حاسه انو خطواتي تقيله وكانو الارض بقى م فيها توسعني ، ضميتو شدددديد تقريبا قميصو اللابسو كلو اتملى دموع مني ، لمن مهاد جات زحتني منو وقالت لي كفايه م تبكي كده قطعي لي قلبي قلت ليها مشتاقه ليهو يا مهاد وم قادره ابعد منو ولا لحظه😭❤️قالت لي ان شاء الله يقوم بالسلامه ويرجع ليك قلت ليها ان شاء الله ، الدكتور جا داخل وقال لينا عايز اتكلم معاكم بخصوصو افاق قالت ليهو اتفضل قال لينا طبعا يا جماعه الزول ده كان قاعد معانا هنا في المستشفى ليهو سته شهور ونص اساسا عندنا دورايات اسعافيه بتمش محل القرى والحتات القريبه منها فلقوهو واقع قريب لي قريه كدا وجابوه لينا هنا ، طول الفتره دي كان في غيبوبه م كنا عارفين عنو اي حاجه ولا لقينا طريقه نوصل ليكم بيها والليله ياداب الصباح حتى صحى وادانا عنوان بيتو وحاليا هو ح يقعد هنا يومين بس ويطلع معاكم قلت ليهو طيب هو بصحى متين! قال لي بعد ربع ساعه كده لانو المخدر ح يفك وم تخافوا هو كويس واحسن من زمان بكتتتير ، قعدنا النص ساعه دي بفارق الصبر من فتح طوالي خالتو موده حضنتو وبقت تبكي تاني قالت ليهو يوسف انت كويس صاح! قال ليها انا كويس يا امي بس انتي م تبكي قالت ليهو كر علي يا حشااي سته شهور كنت بعيد فيها عني لدرجه اني صدقت انك مت بالجد وهسي بفضل ربنا انت قداامي قال ليها شكلو عمري لسه طويل م تخاافي م بموت هسي😂💔افاق قالت ليهو الحمد لله انك رجعت لينا لانو الحياه من دونك م سمحه نهائي😭💔قال ليها انا م ح اخليكم هسي لمن تموتو انتو حتى اموت😂💔امو قالت ليهو بري تبرا من الموت+حصل معاك كده كيف! وليه لقينا الاشاره بتاعتك مع زول تاني وافتكرناهو انو دا انت💔قال ليها انا م بتذكر كل التفاصيل بالظبط لكن كل البتذكرو اني كنت بتكلم مع زول بالتلفون واخر حاجه قلت ليهو خلاص هانت واهو الشهر خلص وح ارجع تقريبا كانت بت لكن منو هي م عارف قفلت وقلت اغير ملابسي عشان ارجع وانا م لابس الزي الرسمي حتى انا م فاهم ليه عملت كده ، اها لمن غيرت الاشاره بتاعتي وقعت فصحبي المعاي نبهني ليها قلت ليهو امسكها لي في جيبك ومن نصل بشيلها منك وهو خاتاها ، تاني جاءني اتصال والشبكه فجاه طشت وبقت كعبه فمشيت محل بعيدد من المكان الكنا قاعدين فيهو وتاني م حسيت بنفسي الا وانا واقع علي الارض وضارب راسي بحجر💔وم صحيت الا قبيل ووريت الدكتور بيتنا عشان يوريكم اني هنا خالتو قالت ليهو كر علي يا ولدي بس الحمد لله انك كويس وده المهم تاني انا م دايره شي من الدنيا دي😭💔 ، طبعا هنا انصدمت لانو انا نفس الزول الكان بتكلم معاهو وانا نفسها القال لي خلاص هانت واهو الشهر خلص وح ارجع بس معقوله هو م متذكر انو دي انا! ، شويه وانتبه لينا عاين لي مساافهه حتى قال لي افاق ديل منو م عرفتهم افاق قالت ليهو اجيي كيف م عرفتهم يااخ دي ميامن والجنبها مهاد معقوله م عرفتهم قال ليها ميامن! قالت ليهو اي قال ليها والله م عرفتهم ديل صحباتك ولا شنو! سكتت وم ردت عليهو وكانها كانت بتسوعب في البقول فيهو ، أما انا كنت في حاله م يعلم بيها الا الله يعني خلاص يوسف نساني💔افاق مشت جنب الدكتور وقالت ليهو براحه كده دي مرتو كيف م يكون عرفها قال ليها دقيقه ،وقال ليهو يوسف نحنا في سنه كم! قال ليهو في 2016 ، كلنا بقينا نعاين لبعض ونحنا مستغربين الدكتور قال ليهو م عايز اصدمك لكن نحنا في 2020 م 16 ، الدهشه كانت ظااهره على وش يوسف ، قال ليهو كيف يعني 2020! بس انا م متذكر الحصل في الاربعه سنين ديل شنو حاجه م بتتصدق الدكتور قال ليهو كدي قول لي كل المتذكرو وعرفني بنفسك قال ليهو طيب انا يوسف محمد مبارك امي اسمها موده وهندي ليها وديك اختى افاق ابوي متوفي ليهو قريب الخمسه سنه كده ومن مات انا خليت الدراسه واتلحقت بالجيش لانو كان حملو اني ابقى ضابط في الجيش الوطني ولمن بقيت ضابط قررت اني ارجع ويااهو خاطب بت خالتي اسمها براءة وبتذكر اني برضو كنت راجع عشان اكمل السنه الاخيره لي في الجامعه واننا في 2016 بس ده كل البعرفو الدكتور قال ليها للاسف انت م متذكر الحصل ليك في الاربعه سنين ديل شنو قال ليهو يعني في اربعه سنين من حياااتي مفقوده وانا م عارف الحصل فيها ايه قال ليهو على فكره ابوك هسي عده على موتو ٩ سنوات م خمسه💔+ح نعمل ليك فحصوصات وم ترهق نفسك مع الوقت بتتذكر يوسف هز ليهو براسو نظام طيب ، قال لينا انتظرو بره طلعنا كلنا وانا يالله كنت قادره اقيف بعد السمعتو الدكتور عمل الفحصوصات وجا ، قال لينا زي م كنت متوقع الضربه كانت قويه شددديد على راسو وهي الخلتو يقفد الذاكره ونحنا اساسا لمن جابوهو لينا هنا عملنا ليهو عمليتين في الراس لانو وضعو كان صعب وبسبب الضربه بقى عندو فقدان ذاكرة جزئ يعني هو حاليا م متذكر الحصل معاهو في الاربعه سنين المضو ديل وم متذكر انو هو فركش خطبتو وعرسك انتي وم متذكر انو رجع قرا السنه الاخيره ليهو وخلص الجامعه زي م انتو قلتو لي قلت ليهو يعني م ح يتذكر!😭💔قال لي ممكن يتذكر لقدام وممكن م يتذكر لحد م يموت بس اهم شي انكم م تضغطو عليهو وابدا م تحاولو تذكروهو بي الحصل ليهو في الاربعه سنين لانو الحاجه دي ح تاثر على راسو وممكن يفقد حيااتو لانو راسو م ح يتحمل اي ضغط+هو ممكن يتذكر في اي لحظه بكره بعد اسبوع ، شهر ، سنه ، سنتين ،٧ سنين اي وقت او ممكن ما يتذكر للابد💔 ، من الصدمه ماف زول فينا قدر يتكلم او يرد على الدكتور زااتو وانا م قدرت استحمل وحسيت انو الدنيا دايره بي فطلعت بره المستشفى طوالي ، مهاد جات لاحقاني قالت لي ميامن انا شايفه انو احسن نرجع البيت لانو حالتك دي م عاجبني هزيت ليها راسي ، طلبت ترحال ورجعنا البيت حبوبه قالت لينا مالكم اتاخرتو لي الزمن دا وشوشكم لي م بتتفسر كده في شنو! م رديت ليهم بس دخلت الغرفه قعدت في السرير ودموعي م كانت راضيه انها تقيف ، مهاد فهمتهم الموضوع وجاتني ضمتني عليها قلت ليها نساني يا مهاد يوسف خلاص نساني ونسى اني مرتو وتاني م ح يتذكرني ابدا انتي فااهمه فكره انو اسمي م بيعرفو😭💔 قالت لي اخخ بس اخخ💔💔قلت ليها انا م مستوعبه الحصل ده حلم يا مهاد صح! قالت لي يا ريت لو بقدر اقول ليك ايي حلم يا ريت قلت ليها قبل كده كنت عارفه انو عايش وطلع كلامي صح بس هسي م عارفه اذا ح يتذكرني ولا لا حاسه بطعنه في نص قلبي😭💔قالت لي كلو لي خييرر واكيد في حاجه ورا الموضوع ده انتي بس خلي املك في ربنا كبييير وم عليك الا انك تدعي ربنا يذكرو واكيد ربنا م ح يخيب ظنك وزي م حسيتي انو عايش وح يرجع وبالفعل حصل كده ادعي ربنا يرجعو ليك قلت ليها ونعمه بالله بس😭💔مشيت صليت ركعتين وشكرت ربنا لانو رجعو لي ودعيت انو يتذكر في اسرع وقت ، الليل كلو انا م نمت ولا رف لي جفن بس بفكر في الموضوع صباح اليوم التاني وحتى من قبل م الحته تفتح كويس زااتو انا مشيت المستشفى ، كنت ماشه على الغرفه القاعد فيها يوسف كده لاقاتني امو جنب الباب قالت لي ماشه وين ان شاء الله! قلت ليها جوا الغرفه ليوسف قالت لي انتي الظاهر م سمعتي الدكتور قال شنو وشكلك نسيتي انو هو حاليا م بتذكرك وم بتذكر انك مرتو وعارفه كده احسن عشان تتطلعي من حيااتنا وحياة ولدي اصلا كل الحصل ليهو بي سببك حاليا انتي بتعتبري ماضي ولدي النسااهو عارفه انا بتنمى انو يوسف م يتذكر بس عشان م يتذكرك انتي بالذات واحب اطمنك انو هو متذكر انو خاطب بت اختي لكن م متذكر انو فركش وانا م ح اوريهو وانتي كمان م ح تقدري توريهو لانو الدكتور قال لو حاولتو تذكروه وتتضغطو عليهو ح يتاذى وانتي اكيد م عاوزه يحصل ليهو كده ف ح تتضري تسكتي ومنها انا بقدر اعرس بت اختي ليوسف وانتي ح تتفرجي بس وما ح تقدري تعملي حاجه وبعدين انا م عايزه المحك حتى جنبو او قريبه منو نهائي الحمد لله انو نساك لانو انتي بتمثلي خطر على حيااتو فابعدي منو وهسي يلا امشي من هنا م حاابه ولدي يشوفك ، م قدرت أقول حاجه لانو فعلا انا لو حاولت اذكرو ح يتاذى عاينت ليهو بالشباك كان بعاين لي السقف وشارد قلت في قلبي يا ريت لو بقدر اضمك يا يوسف واوريك اي حاجه يا ريت💔💔 ، مشيت البيت وانا فااقده الامل في انو يرجع يتذكر مره تانيه💔...
