Unicode
ဒီနေ့ Lisa ဆေးရုံဆင်းတာတစ်ပတ်ပြည့်တဲ့နေ့။ Lisa မိဘတွေလဲ လာပြီး ပြန်တောင်ပြန်သွားကြပြီ။ အလုပ်ကိစ္စတွေနဲ့ကြောင့် ကြာကြာမနေဖြစ်တော့ စိတ်မကောင်းဖြစ်မိတယ်။ အလုပ်ကလဲ ခဏနားထားတယ်။ သက်သာမှအလုပ်ပြန်ဆင်းလို့ပြောတဲ့၊ သဘောကောင်းတဲ့ CEO ကြောင့် Lisa ကံကောင်းရပြန်။ ခေါင်းကလဲ သက်သာလာပါပြီ။
Jane ကလေ ချစ်သူတွေမဖြစ်ခင်က Jane နဲ့ လုံးဝတခြားစီ။ Lisaကိုအရမ်းလဲ ဂရုစိုက်သလို Lisaသူ့ကိုလေသံမာမာနဲ့ပြောရင်တောင် မှိုင်ကျသွားတာမျိုး။ အရင်က ကလေးနည်းနည်းဆန်တယ်ဆိုတဲ့ အတွေးကိုလုံးဝရုတ်သိမ်းတယ်။ တကယ်တမ်းကျတော့ ကိုယ့်ထက်၂နှစ်ကြီးတဲ့ ကလေးကြီးကို ရည်းစားတော်မိတာ။ ဆေးကိုလဲ သူကအချိန်မှန်မှန် ကိုယ့်ကိုတိုက်ပါတယ်။
"Jane"
"ဟင်"
"ချစ်တယ်"
ဝရံတာကိုမတ်တပ်ရပ်ကျောမှီပြီး ခုံပေါ်ထိုင်ကာ သိုးမွေးထိုးနေတဲ့ Janeကို ပြောလိုက်တယ်။ သူက ကိုယ့်ကို တို့လဲ Lisaကိုချစ်ပါတယ်ဆိုတဲ့အကြည့်တွေနဲ့သာကြည့်တယ် ဘယ်တော့မှထုတ်မပြောတတ်။ ပြီးမှ
"တို့လဲအတူတူပါပဲ"
ချစ်တယ် ချစ်တယ်လို့ ကိုယ့်ပါးစပ်က အကြိမ်ကြိမ်တဖွဖွပြောပေမယ့်လဲ သူကချစ်တဲ့မျက်ဝန်းတွေနဲ့သာကြည့်ပြီးပြုံးတယ်။ အဖြေပေးတုန်းကလဲ ကြည့်ပါလား "အင်း တို့လဲအတူတူပဲ"တဲ့လေ။ ဒါပေမယ့်လဲ မတတ်နိုင် ကိုယ့်အချစ်သာလက်ခံပေးလို့ ကျေးဇူးတင်ရမယ်။
❄❄🌅
သာယာသောမနက်ခင်းကိုရွှင်လန်းခြင်းများစွာနဲ့နိုးထလာခဲ့တယ်။ အိပ်ရာပေါ် သူရှိမလားကြည့်လိုက်တော့ မရှိ။ ကုတင်ဘေးကိုကြည့်လိုက်မှ သူ....
ကော်ဖီလေးသောက်ပြီး ပြတင်းပေါက်ကနေ နှင်းတွေကျနေတာကြည့်နေတဲ့သူ။ အဲ့ပုံကိုတွေ့တော့ ဆေးရုံမှာသူ့ကိုလူနာစောင့်ရင်း ဆိုဖာပေါ်ကနေငေးမိတာကိုမှတ်မိသေးတယ်။
ဒါနဲ့အခုနောက်ပိုင်း သူ့ဆီမှာ ဆွယ်တာ အနွေးထည်တွေဘယ်လောက်ရှိရှိ ကိုယ့်ဆိုဒ်ကြီးတဲ့ဟာတွေပဲယူဝတ်တဲ့သူ။သူဘာဝတ်ဝတ် အမြဲလှနေတာလဲသူ။ ဆံပင်တွေရှုပ်ပွနေတာတောင်မှလေ။
