Unicode
"မထချင်ဘူး ဝါး...."
Lisa မနက်ခင်း အိပ်ရာပေါ်မှာ အပျင်းကြောဆန့်ရင်း ထရခက်နေသည်။ မျက်စိတွေလဲ ကျိန်းစပ်နေသလို မျက်ခွံတွေဖာင်းအစ်နေတဲ့ခံစားချက်ကိုလဲ သိလိုက်ရသည်။ ခေါင်းတွေပါကိုက်လာတာကြောင့် မနက်ခင်း စိတ်သောကရောက်နေလေသည်။
မနေ့ကည Jane ဆီမှာ ချစ်ရတဲ့သူရှိတယ်ဆိုတဲ့စကားကြားလိုက်ရပြီးနောက် Lisa ဘာမှမဖြစ်ပါလားလို့တောင် မထင်လိုက်နဲ့။ အိမ်ပြန်ရောက်တော့ တီဗီကဟာသကားကြည့်ရင်း မုန့်တွေပါးစပ်ထဲအပြည့်ထည့်ပြီး အော်ဟစ်ငိုခဲ့သေးတယ်။ ညဘက်အိပ်မပြောလို့ မနက်၄နာရီမှအိပ်ပျော်သွားတယ်။ အိပ်ပျော်သွားတာကလဲ ငိုတာအရမ်းများပြီး ပင်ပန်းသွားတာကြောင့်။
"ငါကလျှာရှည်တာပါ ပိုင်ရှင်ရှိတဲ့သူကိုမှသွားကြိုက်မိတာ"
သွားပွတ်တံပေါ် သွားတိုက်ဆေးထည့်ရင်း တစ်ယောက်ထဲ နောင်တရသလိုလို အားမလိုအားမရဖြစ်ကာပြောနေမိခြင်းဖြစ်သည်။ ဒါပေမယ့်လဲ သူ့ကိုခေါင်းထဲကမှထုတ်လို့မှမရတာ။ သူဘယ်သူမှန်းမသိပေမယ့်လဲ သူ့ကိုပျော်ရွှင်စေချင်တယ်။ စိတ်ချမ်းသာစေချင်တယ်။ ကိုယ်က သူ့ဘေးနားကနေဒိုင်းပမာ ကာကွယ်ပေးချင်တယ်။ သူ့ရဲ့ရင်ဖွင့်စကားတွေကိုနားထောင်ပေးချင်တယ်။ သူဝမ်းနည်းရင် ဘေးနားကနှစ်သိမ့်ပေးချင်တယ်။
ဟူး...သက်ပြင်းတွေချရတာနဲ့ ရင်ဘတ်တွေပေါက်ထွက်တော့မယ်။ တော်ပြီ တော်ပြီ။ ဒီအကြောင်းတွေထပ်တွေးနေမိရင် အလုပ်မသွားနိုင်ဘဲ ဘေစင်ဘေးနားမှာပဲထိုင်ငိုနေမိလိမ့်မယ်။ စိတ်တင်းထား Lalisa...။
❄❄❄
ဆောင်းရာသီရဲ့အအေးဓါတ်က သွေးကြောတွေထဲထိပါအေးကျဥ်လို့ ထူထူထဲထဲကုတ်အင်္ကျီအရှည်ကြီးတွေပဲဝတ်ဖြစ်တယ်။ ကိုယ်ကိုယ်တိုင်ကလည်း အဲ့လိုစတိုင်မျိုးကြိုက်တာလဲပါတာကြောင့်ပါ။ အိမ်ကထွက် ဘတ်စ်ကားပေါ်က ပြတင်းပေါက်ဘေးထိုင်ခုံမှာထိုင်ရင်း အပြင်ကရှုကွင်းကိုကြည့်နေမိသည်။
