Unicode
ဟိုတယ်မှာအားတဲ့အချိန်တွေ သူ့အခန်းမှာ ရစ်သီရစ်သီသွားလုပ်မိတယ်။ တခါတလေ သူ့အခန်းသန့်ရှင်းရေးဝင်လုပ်တဲ့အခါတို့ဘာတို့ဆိုရင် တံခါးပွင့်နေတာကြောင့် သူ့အခန်းရှေ့မသိသလိုဖြတ်သွားရင်း ချောင်းချောင်းကြည့်မိတယ်။ ကြည့်မိလိုက်တိုင်းလဲ သူကဧည့်ခန်းမှာပဲ ငူငူငိုင်ငိုင်ကြီးထိုင်နေတတ်သလို မှန်အကြည်ကိုကျော်ကာ အဝေးကတိုက်တွေကိုလှမ်းမျှော်နေတတ်တယ်။ မန်နေဂျာကလဲ သူ့ကိုတောင်းတောင်းပန်ပန်ပြောထားတယ်ထင်ပါရဲ့ အရက်တွေသောက်တာသိပ်တော့မတွေ့မိဘူး။ အရက်အစား စားပွဲခုံတွေမှာ စီးကရက်တွေကနေရာယူလာတယ်။
🌃🌃🌃
ညတာဝန်ထပ်ကျပြန်တော့ လုပ်နေကျအတိုင်း အစားအသောက်တွန်းလှည်းကိုလုယူပြီး သူ့အခန်းဆီပို့ဖြစ်တယ်။ ပို့တာများတော့ ဟိုဝန်ထမ်းလဲဘာမှမပြောတော့ဘဲ လှည်းကိုလက်ထဲထိုးထည်ပေးတယ်။ အရင်တုန်းကလိုပဲ တံခါးခေါက်တော့ သူကဝင်လာခိုင်းတယ်။
အသံရှိရာလှည့်ပတ်ရှာလိုက်တော့ သူကအိပ်ခန်းထဲမှာ။ မှန်အကြည်ပေါ်ကနေအဝေးကအဆောက်အအုံတွေကို ကုတင်ပေါ်မှာထိုင် ဆေးလိပ်ဖွာရင်းငေးနေတယ်။ ဆေးလိပ်သောက်တာမကောင်းဘူးဆိုပေမယ့် သူသောက်နေတာကြည့်လိုက်တော့ ဘာလို့ဒီလောက်တောင်စတိုင်ကျနေရတာလဲတောင် အောက်မေ့သေးရဲ့။ ကုန်ခါနီးဖြစ်တဲ့ဆေးလိပ်ကို ဘေးခုံပေါ်က ပြာခွက်ထဲဖိချေလိုက်မှ ဘီယာပုလင်းတွေနဲ့ အရက်ပုလင်းတွေကိုတွေ့လိုက်တယ်။ဘယ်သူ့ကလာပို့ပေးထားလဲမသိဘူး။
"ဘာလို့ အရက်တွေသောက်နေရတာလဲ"
ဒေါသထွက်လို့မျက်ခုံးတွေကိုတွန်ချိုးပြီး မေးလိုက်တော့ သူက ဟက်ခနဲမြည်အောင်ရယ်တယ်။ ပြီးတော့ ကုတင်ပေါ်က သူ့ဘေးနားကိုလက်နဲ့ပုတ်ပြတယ်။ လာထိုင်တဲ့။ ဘာမှမပြောတော့ဘဲ သွားထိုင်လိုက်တော့ လူကိုငေးကြည့်လာတယ်။ ဘေးချင်းကပ်လျက်ကနေ သူကမျက်နှာချင်းဆိုင်ထိုင်လိုက်တယ်။မနေတတ်တာနဲ့ ဟိုကြည့်ဒီကြည့်လုပ်နေလိုက်တော့ ရုတ်တရက်ဝုန်းကနဲ သူအရှေ့တိုးလာပြီး လူကိုလှမ်းဖက်တယ်။ အရက်နံ့တွေကလဲ တထောင်းထောင်း။ ခဏအကြာ ပခုံးပေါ်စိုထိုင်းထိုင်းခံစားမှုကြောင့် ကြောင်နေရာမှသတိပြန်ဝင်လာပြီး သူငိုနေမှန်းသိလိုက်တော့တယ်။ တစ်ချက်တစ်ချက်တစ်ကိုယ်လုံးတုန်သွားသလို ရှိုက်သံတွေလဲထွက်လာတယ်။ ငိုသံတွေကြားကနေ ပြောလာတဲ့စကားသံ
