Unicode
"အွမ်း Somi ရ..."
"ဘာပြောတယ်!!! အင်းအင်း ငါလာခဲ့မယ်"
Lisa အိပ်ရာပေါ်မှ ကုန်းရုန်းထကာ အမြန်ပြင်ဆင်ပြီး တစ်နေရာကို ကားနဲ့မြန်မြန်ထွက်သွားတယ်။ စိတ်တွေလဲလောကာ ပူပန်တကြီး။
"အဲ့လိုဖြစ်ရမှာ မဟုတ်ဘူးလေ အဲ့လိုဖြစ်ရမှာမဟုတ်ဘူး"
စီယာတိုင်ကို အားနဲ့ဆုပ်ကိုင်ကာ စကားတစ်ခွန်းထဲကိုသာထပ်တလဲလဲပြောနေမိတယ်။ ကားအရှိန်ကလဲပြင်းလာတယ်။ တစ်နေရာရောက်တော့ ကားပေါ်ကအမြန်ဆင်းကာ Somi ဆီကို အမြန်သွားလိုက်တယ်။ မြင်ရတဲ့ မြင်ကွင်းကြောင့် လက်တွေရော ဒူးတွေပါတုန်နေမိတယ်။ ရင်ထဲလဲဆို့နင့်လို့ ဘာစကားမှမပြောနိုင်။ ငိုသံတွေ ကယောင်ခြောက်ခြားအသံတွေနဲ့
"Somi ဒါဘယ်လိုဖြစ်ရတာလဲ"
"အိပ်ဆေးအပြင်းတွေနဲ့ အရက်အပြင်းတွေတွဲသောက်ပြီး သတိလစ်သွားတာ ဆရာဝန်ပြောတာတော့ Janeကအရမ်းအားနည်းနေတော့ အသက်အန္တရာယ်ရှိနိုင်တယ်တဲ့"
Somi စကားကြောင့် ဒူးတွေချောင်ကာ ခွေကျသွားတယ်။ Somi က Lisa နားရောက်လာပြီး ဆိုဖာပေါ်တွဲတင်ပေးလိုက်တယ်။ ပြီးတော့ ဆက်ပြောလာတယ်
"မနေ့ညကမှ ငါပြန်သွားတာအကောင်းဟာ..မနက်ရောက်တော့ ငါသူ့ကိုဖုန်းခေါ်ကြည့်တာ ဖုန်းမကိုင်တာနဲ့ နေများမကောင်းလို့လားသွားကြည့်လိုက်တော့ ပါးစပ်တွေမှာလဲ အမြုပ်တွေထပြီး အိပ်ရာပေါ်လဲနေတာတွေ့တာ အဲ့ဒါနဲ့ ငါအရေးပေါ်ကားလှမ်းခေါ်လိုက်တာ"
Lisa တစ်ယောက် Somi ပြောသမျှကိုသာနားထောင်နေမိတယ်။ ပြီးတော့ တစ်ချက် Somi သက်ပြင်းချကာ ပြောလိုက်တဲ့စကားက
"ဟင်း...ပထမအကြိမ်ကလို သေကြောင်းကြံတာပဲနေမှာပေါ့ သူသာဒီတစ်ခါပြန်သတိမရလာရင် သူ့အသက်လုံးဝဆုံးရှုံးရပြီ"
Lisa Somiစကားအကြား အသက်တောင်မရှူနိုင်ဖြစ်သွားရတယ်။ စိတ်တွေလည်း မငြိမ်သေး။ ခေါင်းတွေလဲ ပူထူနေ။ ပြီးမှ အသက်ကိုပြင်းပြင်းရှူကာ စိတ်ငြိမ်အောင်လုပ်ပြီး Somi ကို
