Unicode
ဒီလိုနဲ့ပဲ Jane ဆေးရုံကဆင်းတယ်။ သေချာအနားယူပြီးနောက် Lisaနဲ့အတူတူ စျေးတန်းတွေလျှောက်သွားတယ်။ ထူးဆန်းတဲ့ပန်းခြံလေးဆီလဲသွားတယ်။ အရင်က အိမ်ဟောင်းလေးမှာ နှစ်ယောက်သားအတူတူပြန်နေကြတယ်။ Jane က Lisa ကိုဟင်းတွေချက်ကျွေးတယ်။ အတူတူထမင်းစားကြတယ်။ Somi ကိုလဲ သူတို့နှစ်ယောက်ကိုကူညီခဲ့တဲ့ကျေးဇူးတွေရှိတာကြောင့် ကျွေးမွေးခဲ့ရသေးတယ်။ အချိန်တိုင်း နေ့တိုင်းဟာ ပျော်ရွှင်စရာကောင်းတဲ့နေ့တွေချည်းပဲ။
Lisaကို Jane နယူးဇီလန်ကိုခေါ်သွားတယ်။ အမေ့ကို မိတ်ဆက်ပေးတော့ အမေက ဘာမှအပြစ်မပြောတဲ့အပြင် နွေးနွေးထွေးထွေးကြိုဆိုတယ်။ Jane အဖေရဲ့အုတ်ဂူဆီလည်း အလည်သွားခဲ့တယ်။ Chae နဲ့ Jisooတို့ အမJiyoungတို့နဲ့လည်း သေချာချိန်းပြီးတွေ့ခဲ့ကြသေးတယ်။ Chae နဲ့ Jisoo တောင်လက်ထက်ပြီးသွားပြီတဲ့။ Janeက အဲ့တုန်းက ဆေးရုံမှာမို့လို့မဖိတ်တာတဲ့။ စကားတွေအများကြီးပြောကြတယ်။ ရီကြတယ် မောကြတယ် အရမ်းစိတ်ချမ်းသာဖို့ကောင်းတယ်။
Lisa လည်းထိုနည်းတူ ထိုင်းကိုခေါ်သွားတယ်။ သူ့မိဘတွေနဲ့တွေ့ပေးတယ်။ Lisa သူ့ကိုစကြိုက်ကတည်းက သူ့မိဘတွေကိုပြောပြထားတာမို့သိပြီးသားတဲ့။ Lisa မိဘတွေက Jane ကိုလဲ သမီးရင်းလေးထက်တောင် ပိုဂရုစိုက်သေးတယ်။ အဲ့ဒီအခါကျ Lisa က မျက်စောင်းတထိုးထိုး။ ထိုင်းအစားစာလှည့်ပတ်စားကြတယ်။ တချို့ဟာတွေက အရမ်းစပ်လို့ Jane မျက်ရည်တွေဝဲကာ မစားနိုင်အောင်အထိ။ အဲ့ဒီအခါကျ Lisa က Jane စပ်နေတဲ့ရုပ်ကိုကြည့်ပြီး အာပြဲကြီးနဲ့ရီတယ်။ Jane လဲ သူ့ကိုစိတ်ကောက်ပစ်တယ်။
၂လကြာတော့ Lisa နဲ့ Jane လက်ထပ်ကြတယ်။ အဲ့ဒီနေ့ဟာ သူတို့ဘဝမှာအပျော်ဆုံးနေ့။ နှစ်ယောက်သား မင်္ဂလာဝတ်စုံအဖြူနဲ့ နတ်သမီးတွေပမာလှပနေလိုက်ကြတာ အရမ်း။ အဲ့နေ့က နှစ်ဖက်မိဘတွေရော၊ ဆွေမျိုး၊ သူငယ်ချင်း၊ မိတ်ဆွေတွေ အကုန် လူစုံကြတယ်။ အကုန်တက်ရောက်ကြတယ်။ အရမ်းစိတ်ငြိမ်းချမ်းတယ် စိတ်ချမ်းသာတယ်။ ပျော်ရွှင်ရတာ အတိုင်းမသိ။ ဘဝကြီးက နေထိုင်ရတာစိတ်ကျေနပ်စရာ။
