Unicode
*ဒေါက် ဒေါက်*
တံခါးခေါက်လိုက်တော့ သူကတံခါးဖွင့်ပြီး အပြင်ထွက်လာတယ်။ အရင်နေ့ကယူလာပေးတဲ့ ဂျင်းဘောင်းဘီအပွနဲ့ တီရှပ်အဖြူဝတ်ထားပေမယ့် ရိုးရိုးရှင်းရှင်းနဲ့လှတယ်။ အဲ့ဒါကို အပေါ်က အညိုကုတ်အင်္ကျီအရှည်ကြီးဝတ်ချလိုက်တော့ လူကကုတ်အင်္ကျီထဲမှာပျောက်သွားရော။ သူကကိုယ့်ထက်လူကောင်သေးတာကိုး။ အိမ်မှာလဲ သူနဲ့တော်တာဒါတွေပဲရှိတယ်။ ကျန်တဲ့ဟာတွေက သူနဲ့ဆိုအရမ်းကြီးနေလို့။
"ဘယ်သွားမှာလဲ"
"ညနေပိုင်းဖွင့်တဲ့ လမ်းလျှောက်ညစျေးတန်းသွားမယ်။ ရှင့်အတွက် အဝတ်အစားတွေလဲ ဝယ်ပေးရအုံးမယ်လေ"
"ကိုယ့်ပိုက်ဆံကိုယ်ပါပါတယ်"
"အဲ့ဒါဆို ကိုယ့်ဘာသာဝယ်ပေါ့ ထပ်ငှားရမယ်ဆိုရင် အိမ်မှာလဲ ဝတ်ဖို့အင်္ကျီတွေမရှိတော့ဘူး"
အမြင်ကပ်လို့ရွဲ့ပြောလိုက်ခြင်းသာဖြစ်သည်။ ဟိုတယ်အရှေ့ရောက်တော့
"ကားမပါလာဘူးလား"
""ကျွန်မတို့လို သာမန်လူတန်းစားအတွက် ဘတ်စ်ကားပဲသုံးတာကြောင့် ကားဂိတ်ကိုလိုက်ချင်လိုက် မလိုက်ချင်နေခဲ့"
ဆိုပြီး ရှေ့ကနေလျှောက်သွားတော့ အနောက်က ခပ်သွက်သွက်လမ်းလျှောက်လာတယ်။ မလိုက်မှာလဲ မဟုတ်တာကြောင့် ကြိတ်ရယ်မိပြီး ခေါင်းတွင်တွင်ခါမိတယ်။
ဘတ်စ်ကားပေါ်လိုက်ပါလာခဲ့ပြီး ဆင်းကာ စျေးတန်းတစ်လျှောက် နှစ်ယောက်သားဟိုကြည့်ဒီကြည့်နဲ့လျှောက်ကြည့်နေမိတယ်။
Oops! This image does not follow our content guidelines. To continue publishing, please remove it or upload a different image.
