فاطمه : كعدت من النوم شفت روحي بلفراش ماادري شجابني هنا
بديت شوية شوية اتذكر الي صار البارحه
تذكرت الكلام الي كلته لسارة وشلون شكيت بيها وطعنت بيها
وتذكرت من ساعدتني واذيتها بايدي
ندمت ندم بعمري ماندمته
كمت بسرعة من الفراش اريد اعتذر منها بس
للاسف شفت فراشها فارغ وفوك الفراش اكو رسالة
فتحتها مكتوب بيها
:: فاطمه اني رايحه وي عمو للقسم لان بعد الي صار البارحه ماكدر اضل ببيتكم
شكرا على ثقتج بيه وشكرا على حسن ضنج
اتمنى منا ورايح تنسين وحدة اسمها سارة
ولاكأنه تعرفتي عليها
وهاا قبل لاانسه صيري قوية ولاتخافين وسامحي اخوج لان يستاهل
ولان الله بعظمته يسامح منو احنه ومنسامح
مع السلامة
(صديقة عابرة)
فاطمه خلصت الرسالة ودموعي تجري ياالله اني شسويت اكثر انسانه وكفت وياية وساندتني هي سارة
واكثر انسانه جرحتها واذيتها هية سارة
ماراح ادور عليها واعتذر منها خليها بعيدة عني احسن لان اذا تبقة ااذيها اكثر
كمت ابجي وابجي 😢😢😢😢
مطلعت من الغرفة لحد ما
سارة:كعدت من النوم قبل موعد روحتنا اني وعمو بدلت وشلت جنطتي ونزلت سلمت على عمو وخالة
خالة ام فاطمه:ييمه وين رايحه
سارة:خالة ارجع للقسم احسن لان الضاهر اني ممرحب بيه هنا
خالة: لاييمه لاتكولين هلحجي انتي اذا مالج مكان نخليج على راسنه
بس هم حقج ييمه الي كالته فاطمه موشوية
ومااكلج سامحيه لان بنتي ماتستاهل تسامحيه
رغم كل مساعدتج الها ووكفتج وياها وهي غدرت بيج
سارة:خالة هذا الحجي خلص وقته واني راح اروح ديري بالج على فاطمه
مع السلامه جاي اطلع شفت سيف بلحديقة
باوعت علية ومشيت ركبت وي عمو بلسيارة وطلعنه للقسم وصلنه نزلت سلمت على عمو ورحت للقسم
خليت الغراض ونمت لان تعبانه من الطريق
كعدت العصر رحت دورت مكان فارغ بغير غرفة او بنيه تقبل تبدل وياية مكانها
الحمدلله لكيت وحدة قبلت اخذت غراضي ورحت لغرفتي الجديدة طبيت سلمت وكعدت ارتب بلغراض
المهم باجر دوام لازم اروح واطلب نقل لغير شعب احسن
نمت وكعدت
رحت للعمادة وطلبت نقل لغير شعبة
جان عندي واسطه بلعمادة والحمدلله انقلت لغير شعبه بغير بناية حته وهذا افضل
طلعت رحت لشعبتي الجديدة طبيت سلمت حجيت وي وحدة من الطالبات شفت وين واصلين حته اعرف
المهم خلصت المحاضرات داارجع للقسم شفت..
فاطمه:مطلعت من الغرفة لحد ماانفتح باب الغرفة عرفتها ماما طبت
:ها ارتاحيتي ارتاحيتي من هيج سويتي بلبنية مو خطية البنية جاية يمنه ضيفه وهيج تكوليلها
ولج هاي البت الي ساعدتج ووكفت وياج اكثر مني
هيج تسوين بيها اله اموتج اليوم
فاطمه:ابجي واسمع كلام ماما كله صحيح صح
اجت ماما تريد تضربي واني معترضت خلي ماما تضربي احسن بلكي ارتاح
كامت تضربني شوي شوي
فات سيف للغرفة
سيف:لالالا يمه شداتسوين لخاطر الله عوفيها
ماما:ولك عوفني خلي افوخ قلبي بهاي للي ماعدها تربية عوفني
سيف:يمه غلطت وخلص اذا ضربتيها شراح يصير متكوليلي
عوفيها يايمه
امي طلعت وعافتنه ردت اطلع
جان فاطمه لزمت ايدي
فاطمه:ابقة هنا لتروح
سيف:بس انتي تخافين مني
فاطمه:حتى لو اخاف ابقة هنا
سيف:اذا تخافين شعندي باقي هنا متكوليلي
فاطمه:ماادري احس عندك حجي وتريد تحجي
احجي سيف لتضم بقلبج احجي
سيف:شحجي شنو احجي شنو مااحجي
فاطمه اني صح غلطان والغلط راكبني من ساسي لراسي ومااطلب منج تسامحيني لا لان اني واحد ميستاهل السماح اريدج تنطيني فرصة
فرصة وحدة بس اكفر بيها عن غلطي ماريد.غير شي
فاطمه:ماشي راح انطيك فرصة بس بشرط
سيف:أامري
فاطمه:مراح.اتئذي نفسك هاي المرة
ماشي
سيف اشرتوعلى عيوني :من هاي قبل هاي
فاطمه:سيف السوط الي ضربتك.بي موجود
سيف:اي ليش تسألين
فاطمه:لا هيج
سيف:فاطمه شتردين احجي
فاطمه:سيف سارة عافتني وراحت
سيف:حقها وكل الحق وياها
فاطمة:ادري والله ادري
بس مدااكدر اريد اشوفها اريد اعتذر عن الي سويته بيها
سيف:وتعتقدين الي صار ينمحي بلاعتذار
فاطمه:ادري ماينمحي ادري بس اريدها تعرف انه اني ندمانه
سيف:وهسة شتردين
فاطمه:وديني باحر للقسم
سيف:باجر لا عكبة لان باجر اروح للزيارة فحته تجين ويانه
فاطمه :اوك.ماشي
....
سارة:داارجع للقسم شفت احمد اخو نورس يم النادي
مشيت ومحجيت وياه
جان اسمعه صاح اسمي
احمد:سارةة سارةة اوكفي شوية
سارة؛وكفت ودرت وجهي شفته اجه
احمد:سارة ممكن احجي وياج شوية
سارة:اي تفضل
احمد :لا مو هنا خلي نفوت للكافتريا
ونحجي
سارة:...ماشي يلة روح انته واني هسة اجي
راح هوة
واني شوية ورحت وراه
فتت لكيته كاعد
رحت كعدت هناك.على نفس الميز
سارة:اي احمد.شعندك.
احمد:سارة اني اعتذر عن التصرف الي سويته وياج يوم وفاه.نورس صدكيني جنت...
سارة قاطعتة :جنت مو بوعيك ادري وفراك.نورس مو بس جان صعب عليك عليه هم واصلا اني نسيت الموضوع من اساسه
احمد:المهم اني اجيت لسالفة ثانيه هم
سارة:ايي وشنو هية
احمد:البارحه اجتني نورس بلحلم.
كالتلي كول لسارة انه لاتتسرع بشي
ولاتحقد.على احد بقلبها
سارة😢😢 هي هيج كالت
احمد:اي واني مكدرت اتحمل واجيت وحجيت
سارة:شكرا لان كلتلي
ومن رخصتك اريد اروح للقسم
احمد:مرخوصة
سارة رحت للقسم بدلت وحميت الي اكل اكلت وصليت
رحت للقاعة الدراسية قريت وكملت رجعت نمت
اجتني نورس بلحلم
نورس:شونج قلبي
سارة:نورس ليش هيج صار شهور ماجايتني ليش
سارة:جنت حاطتج يم شخص امنتج علي
وهو اذاج
سارة عرفت جاي تحجي على فاطمه:ليش تحطيني امانه
كتلج خلي اجي وياج
مقبلتي ليش خلي اجي وياج.وارتاح مو احسن
مردت عليه واختفت مثل كل مرة
فزيت من النوم وكمت اتذكر الحلم
فكرت شوية وكمت صليت وتريكت ورحت للكلية
وللحكاية بقية
مع تحياتي لكم(بنت العراق)
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
