الدكتورة والضابط

البارت 1

السلام عليكم
كعدت ساعة 8:30 علمود ادرس حاليا احنه بشهر 9 من 2018كاعد احضر للسادس من هسة حتى اجيب المعدل الاريدة والي يرفع راس اهلي
الدكتورة سارة هذي جانت اكثر كلمة اتمنى اسمعها والي هسة كاعدة علمودها
عندي امتحان رياضيات بلمحاضرة الخصوصي وكلش خايفة هسة تكولون ليش خايفة !!!هي خصوصي بس اني لانو كاعد اتعب اهلي واصرف واقساط ومدري ايش مااريد اخذ درجة قليلة حته لا أعرض اهلي للخذلان
صارلي اسبوع اقرة بهلفصل علمود اضبطة وهسة داألبس شالي حته اتحضر للامتحان 
اندك الباب وعرفت هاي نورس صديقة عمري من عمر 6 اسنين إلا الان واحنه سوة ماافترقنا
الشهادة لله هي اشطر مني بس اني ماأغار او شي هذي صديقة عمري تستاهل وفرحي من فرحها
لكن هاي الايام نفسيتها تعبانة لأن خالها الله يشافيكم مصاب بلسرطان والبارحة بلأ نعاش ويلة رجع للحياة
رحنة وامتحنة والحمدلله جبت 100 رجعت للبيت اول مادخلت لكيت ماما تنتضرني حته تعرف شكد جبت وكلتلها يلة ارتاحت
رحت بدلت ومددت حتة اتصفح بلاأنستغرام فتت على صفحة عسكرية
هذا الشي ماذكرتة انو اني اعشق شي اسمه عسكرية واحلم اتزوج عسكري ليش!! لان العسكري راح يحبني مثل مايحب وطنه ولذلك ماراح يخوني لان العسكري ميخون وطنه
بعدها صبينة الغدة وصليت بعدها غسلت المواعين لان مواعين الغدة علية والباقي على خواتي
ب2 بديت اقرة من جديد ......

نروح لبطلنة سيف
جنت نازل من الواجب صار 3شهور مانازل للبيت ومشتاق لأمي لدرجة متنوصف
ماكلتلها انو راح انزل لان راح ضل اليوم كلة قلقة لحد مااوصل
وصلت ساعة 9الصبح دكيت الباب صاحت امي منووو
مجاوبت  دكيت بعد  بس بقوة اجتي وهي تدردم
الام:شكو هيج تدكون الباب غير افتهم منو مات
فدوة اروح لصوتها فتحت الباب وشافتني اتصنمت بمكانها والدموع كامت تجري
الام :يمة ابني يمة وحيدي 😢😢
وضميتها لصدري وكنت اشم عطرها عطر الجنة وهي تبجي وتشهك واني ابجي فتنة للبيت واني حاضنها كعدنا بلمطبخ
كعدتها على الكرسي وكعدت كدامها بلكاع وامسح دموعها وابوس بأديها وهي تبجي بعدين صارت تعاتبني
الام:ولك يمة شلون هنت عليك هيج 3 شهور لاأني طايلة السمة ولاأني طايلة الكاع
سيف :عذريني يلغالية بس والله شغل وانتي تدرين
ادري اني مقصر بواجبي تجاهج كأبن واتمنى ماتزعلين مني وهاي راسج وايدج ابوسهن بس ارضي عني
الام:راضية عليك يمة راضية ياضناي