فاطمة :سيف الحك احنه بلمستشفى بابا ضربته جلطة
سيف :شنووووو
شعور مااكدر اعبر عنه شعور انه اني السبب بأذية ابوية ومن وراية ابوي انجلط هذا شي اكبر من طاقتي
رحت ركض على السيارة وطرت للمستشفى وصلت قسم القلبية شفت فاطمة رحت ركض عليها شو اول ماوصلت ......
فاطمة وهي تضرب على صدر سيف :ارتاحيت هاا ارتاحيت هسة من انضرب بابا جلطة هاا
سيف :ساكت وماحجيت ولا كلمة لان صدك والله حجيها كل صدك
فتت للغرفة شفت ابوي متمدد على السدية ومربطة بي الجهزة مال تنفس وهاي الاشياء والدكتور يفحصه
سيف:دكتور فدوة كلي ابوي شلون صار ها فدوة دكتور
الدكتور :الحمدلله الحجي تحسن ولو متأخرين جان انشل بس الحمدلله جبتو من وكت
سيف :الحمدلله والشكر
طلع الدكتور وبقينة اني وابوي وحدنه
سيف :يابة اني ماعرف شلون عليت صوتي عليك بس والله مامنتبه على روحي ومااقصد
ابوي ماحجه شي بس دار وجها عني .
الام :روح يمه هسةو بعدين تعال ابوك بعده معصب وتعرف ابوك من يعصب ميتفاهم
سيف :اشوفها تحجي وياي ولا كأن سويت شي ولاكأن دفعتها خليت وطلعت
شفت فاطمة كاعدة بلممر يم الغرفة
فاطمة شفت سيف طلع من غرفة ابوي رحت ركض علي
:ها سيف شكال الدكتور على بابا زين مو فدوة اروحلك كلي صار زين
سيف وهو مطأطأ راسه ويمشي باتجاه الكرسي الي بلممر :زين زين الحمدلله
فاطمة :انقهرت من شفت سيف بهاي الحالة واكيد الحجي الي كلته قبل اشوية اثر علي
فاطمة وهي تكعد بصف سيف وتطبطب على جتفه
:سيف اني آسفه على الحجي الي كلته قبل شوية
والله مجان قصدي من حركة قلبي هيج كلت والله مو قصدي
سيف 'اشوفها شلون كامت تحاول تواسيني
:ليش تعتذرين على كلام كله صحيح وحقيقه
فاطمة اني اذيت ابوي.....ابوي غضبان عليه تدرين شنو يعني غضبان عليه يعني الله وملائكتة كلهم غضبانين عليه ويلعنوني
لج اني الي ماافوت صلاتي ولا انسه قرآني هيج اسوي من امداني
فاطمة :لتكول هيج سيف لتكول هيج هسة بابا يهدة وبعدين يسامحك ورضى عليك تدري بابا من يعصب ميتفاهم
سيف :لج فاطمة شيرضى عليه ولج شيسامحني لج حجيت ويا ميباوع بوجهي
بس هم ان شاءالله يصير مثل متكولين ويرضى عليه الله كريم
ضليت انتضر بالممر فاتت فاطمة يم بابا
بس اني ماالي عين احجي ويا
رحت لطبيب سألته على ابوية كال تكدرون تطلعونه اليوم سويت اجرائات الخروجية ورحت للغرفة:يلة يابة سويت الخروجية خلي نطلع
ماباوع بوجهي بس كام ردت اساعده مخلاني فاطمة سندته وطلعنه من المستشفى ركبنه بلسيارة فاطمة كعدت بصفي وامي كعدت يم ابوية ورة
وصلنه وطبينه طببته فاطمة للغرفة ورتبت شغلاته
وطلعت ضليت اني احوس بلمطبخ لا امي جتي ولا فاطمة
صعدت الغرفتي ردت انام مكدرت
نزلت ب2ونص بليل شفت امي كاعدة بلمطبخ كاعدة
تشرب جاي يبين ابوي تعبها فتت للمطبخ
شافتني
الام : ها يمه شمكعدك بهليل
سيف نزلت يم رجليها واني ابجي اريد ابوسهن اريد اعتذر على الي سويته الها البارحة مخلتني
الام :يمه اسمالله شبيك بهليالي
سيف :يمه اني اسف اني اعتذر والله ماادري شلون هيج سويت بيج والله مجنت اقصد
الام :ليش يمه انته شسويته يمه متكلي شسويت حته هيج داتبجي
سيف من حجت هيج مردت قلبي يعني الهاي الدرجه تحبني لدرجة حته مكدرت تتذكر الدفعة الي دفعتها الها البارحة مع العلم جانت قوية : يمه انتي شكد طيبة لدرجه هيج تسامحيني بدون مااحجي
الام:لك يمه انته ابني مااكدر ازعل منك يمه انته ضناي
سيف :يعني يمه انتي راضية عليه
الام :ليش يمه انه اكدر اغضب عليك
لا والله مااكدر
سيف :لعد يمه اقنعي ابوي خلي يسامحني فدوة اروحلج يمه
الام : ماشي يمة ابوك هسة كام من النوم ديصلي صلاة الليل فوت للغرفة ومن يخلص احجي وياه
سيف:ماشي يمه ان شاءالله
فتت لغرفة ابوية شفته يصلي (ابوي يصلي على كرسي الصلاة)
كعدت بصف الكرسي بلكاع انتظر يخلص
خلص صلاته وسلم وكام ديروح للسرير لزمت ليده ابوس ايده :يابة فدوة لتجافيني فدوة اضربني اكتلني اذبحني بس لتغضب عليه
الاب .....
يتبع في البارت القادم بإذن الله
مع تحياتي لكم (بنت العراق )
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
