بسم الله الرحمن الرحيم
......
....
...
..
.
سارة :كاعدين جان يندك الباب
كام سيف فتح الباب سمعت صوت
هذا صوت الامان الي من اسمعه كل مخاوفي تختفي وتتبخر
ابو سارة :السلام عليكم
سيف:عليكم السلام اهلا وسهلا عمي
ابو سارة:هلا بيك بس سارة وين !
سارة:بابا
مجرد ماشفت بابا فورا نزلت دموعي ماادري حسيت انه هاهية انتهى الموضوع
مشيت بسرعة حظنته
وكمت ابجي
ابو سارة:شبيج بابا
سارة:بابا خفت هواي الموقف جان هواي مخيف مرعب 😢😢
ابو سارة:اسمالله عليج بابا حبيبتي شبيج مو اتصلتي وكلشي مابيج
سارة:...بس تبجي
ابو سارة:يلة هاهية خلص خلص اهدي
سكتت سارة
جان تطلع خالة من ورة الستارة
خالة:حياك الله ابو سارة اهلا وسهلا خطوة عزيزة
ابو سارة:الله يحيج خوية ام سيف
سيف:والله مانعرف شلون نتشكر منك ومن بنتك يعني عاشت ايدك على هاية التربية
لان لوما هية وشجاعتها جان اختي الله يعلم بحالها هسة
تصدك عمي هية طبت بنص النار وطلعت اختي وطفتها بايديها
ابو سارة:لا ولو هذا واجب
وسارة من يوم يومها سباعية وكفو
يلة بابا نروح
سارة:اي بابا بس اسلم على فاطمه
رحت ورا الستارة
بست فاطمه
:فطم اني راح اروح صيري زينه ورجعي بساع ماشي
مع السلامه قلبي
فاطمه:الله وياج عمري
ان شاءالله
طلعت من ورا الستارة
يلة بابا نروح
ابو سارة:يلة نروح
طلعنه اني وبابا لازمه ايدة مااريد اتركها
ركبنه بلسيارة
جان بابا يحظني حيلل
بابا:افيششش ياسارة شكد خفت عليج (لزم وجه سارة بايديناته الاثنين بحنية )
حسيت روحي داتطلع من ادك ومتجاوبين
سارة(لزمت ايده وبستها):اسفة لان خوفتك بس تدري اني بيا حال جنت
بابا :الحمدلله الي عدت على هيج ومصار غير شي
شو شوفيني ايدج
(فتحت ايدها)
لامابيها شي ان شاءلله
ووداني للقسم انطاني الفلوس والغراض الي ماما دازتهم وراح وهم كل عادة ضليت ابجي ورا مثل الطفلة
صعدت للغرفة رتبت الغراض واخذت هدوم وطبيت اسبح لان احس نفسي هلكت اليوم
طبيت للغرفة ونمت نومة اهل الكهف همزين جان باجر جمعه ونمت براحتي
.......
نروح للبطل
بعد ماراحوا سارة وابوها
ضليت متعجب
بنية بالف زلمة تطب بنص النار وتطلع فاطمه
وميهمها شيءولا يبين عليها بس من شافت ابوها صارت كأنما طفلة جانت ضايعة ولكت ابوها ارتمت بحضنه مثل الطفل
المهم ورا ماراحوا
كتبوا خروج لفاطمه واني رحت اخذت اجازة الها شهر هم يلة تطيب شوية ورجعنه للبيت لكينه والدي منتظرنه بلباب ويمه القصاب وجايب طلي
لسلامه فاطمه
نزلت فاطمه بلكوة واكفة وذبحوا الطلي جوة رجلها
طببناها للبيت
وصعدتها للغرفة
رادت امي تصعد وياي
:لا يمه انتي ارتاحي شوية اني اصعدها
صعدتها للغرفة ونومتها على بطنها
عدلتها وغطيت بس رجليها هيج كال الدكتور
سيف:فطوم شلون صرتي عمري انتي بعد بيتي
هيج تخوفينا عليج
ماتدرين من صديقتج اتصلت شصار بيه حسيت قلبي وقف
ماارتاحيت غير لمن شفت الدكتور وحجيت ويا
فاطمه:سيف
سيف؛عيونه
فاطمه:راح ابقة مشوهة طول عمري مو
سيف؛اششش شنو هالكلام كولي يالله
ووعد مني بس تطيبين لو اعرف اوديج الاخر الدنيا وادفع حال ومالي حتى يطيبون ضهرج ويرتاح قلبج اله اوديج
ماشي بعد اخوج (وباسها من راسها)
فدوة لكلبلج
فاطمه:صدك😢
سيف:يايوم جذبت عليج
فدوة لقلبج
فاطمه:لا والله فدوة لقلبك الطيب انت
سيف:يلة بعد.روحي نامي وارتاحي اني اروح اسبح وابدل واجيج ماشي
(هو يبوسها من عيونها)
رحت لغرفتي
سديت الباب وانتجيت علي رفعت راسي للسماء
سيف:محمود مشكور ربي ما رجعتنه خايبين
رحت سبحت وتوضيت وصليت ركعتين شكر لرب العالمين
ونمت نومة اخت الجذب
ماصحيت الا على صوت المنبه وقتته علمود علاج فاطمه
رحت لغرفة فاطمه
:فاطمه فاطمه يلة عيني كومي حته تاخذين علاج يلة كومي
فاطمة:هااا هممم يلة كعدت
سيف:يلة كولي بسم الله
عفية بلسباعية عفية
فاطمه :اخخخ سيف يوجعني الحرك
سيف: ادري خوية ادري يوجع الله يساعدج بس انتي مو تكولين الله اذا احب عبدا أبتلاه يطيب روحي انتي يطيب وتصير سوالف
فاطمه:تدري من اجيتوا انته وماما شفت بعيونك خوف ماشيفته قبل
سيف:شلون مااخاف وانتي خيتي وروحي من الدنيا
لج انتي الروح متغلى عليج
فاطمه:تسلم روحك حبيبي
اكول بلكي تسندي اريد اروح للحمام
سيف:ليش اسندج خوب اشيلج
فاطمه:شون تشيلني ظهري يكوم يحرك
سيف:ماشي
يلة كومي
(حطيت ايدها على جتفي وايدي على خصرها )
فاطمه:تدري انته وسارة سويتوا نفس الحركة
بس لو تدري بلاحساس هناك والنار كابة والدخان
بس تدري ماتوقعت قدر ذرة انه سارة تعوف كلشي ورا ضهرها وتخاطر بروحها علمودي
سيف:والله ولا اني يعني بعد كلشي صار نقذتج
والله بنت اصول طلعت
يلة وصلنه
طببتها للتواليت وطلعت انتضرتها تخلص
صاحتني
طبيت طلعتها ووصلتها لسرير
فاطمه:سيف ممكن تنطيني موبايلي على الميز بلشحن
سيف:اي صار
رحت اريد اخذ الموبايل شفته يدك بس صامت
مكتوب سارة
سيف:هاج فاطمه يدك الموبايل
فاطمه :منو
سيف:سارة
فاطمه:سارة شعدها هسة جيبه جيبه
فتحت الخط
سارة📞ها فاطمه شو صار 4 مرات ادك وينج
فاطمه📞لا مو جان صامت ما سمعته اعذريني
سارة📞مو مشكلة المهم اخذتي العلاج دكيت عليج كلت خاف هاي تبقى نايمه وتنسى علاجها
فاطمه📞حبيبتي لا ماناسيته خطية سوسو كعدني
سيف😠😠
سارة📞سوسو منو
فاطمه📞سيف شبيج
سارة📞يااا هيج تكوليلي سوسو
فاطمه📞لج ايي حته هو معصب حاليا عليه
سارة📞يلة مو موضوعنه يلة روحي نامي ولتنسين علاج الصبح
فاطمه📞لا ماانسة
ها سارة اكول
سارة📞كولي عيوني
فاطمه 📞شكرا على اهتمامج بيه
سارة📞لتخليني اغلط وكي
فاطمه 📞ههه ليش تغلطين
سارة📞لان تحجين حجي ما اله لزوم
فاطمه📞اوكي
يلة باي اني اروح انام
باي
سيف:بعيدا عن موضوع سوسو الي راح نتناقش بي بعدين
شتريد منج بهل ليل
فاطمه:تتطمن اذاواخذت العلاج او لا
سيف:والله عمي زين خوش صديقة
اني انصابيت بطلقة ربعي يخابرون يحششون عليه
فاطمه:تجيب سارة على ربعك
سيف:على كولتج
هسة عوفينا من موضوع ربعي
تعالي فهميني شوكت تجوزين من سالفة سوسو
لج نقيب اني شكبري شعرضي اني الي من افوت ال اي مكان ياخذولي تحية
تجين انتي تلقبيني سوسو
فاطمه:اي اني االقبك سوسو
يحقلي لولا هذوالك الي ياخذولك تحية يشتغولن وياك بينما اني اختك تتحملني غصبا
سيف: يابة اتحملج وغصبا عني هم ماشي
اهم شي اشوف هاي الضحكة بعيونج عسى ما تسميني سمسم ماشي
فاطمه:اممم سمسم خوش لقب والله
سيف:لا يالله
خليج على سوسو اشرفلي
فاطمه:هههه
سيف؛فدوا لهذي الضحكة الي تخبل
يلة حبيبتي اني رايح انام انتي هم نامي ماشي
فاطمه:الله وياك
تصبح على خير
سيف:وانتي الخير كله
(باسها من راسها )
.......
سيف(بعد ان راح للغرفة)
:اوفففف اوفف
ليش متروح من بالي
(كام يباوع على انعكاسه بلمراية):سيف اصحى سيف شبيك شلون ترضاها تباوع على عرض غيرك
اصحىى وانساها
يا ربي ليش مااكدر اطلعها من بالي
(وهو يحجي بداخله)
ليش كلما اغمض اشوفها كلما ابقى وحدي اتذكرها كلما اكعد.من النوم تجي ذيج الي مايوم شفت عليها زلة الي مافديوم سمعت عليها شي
الي لمن سويت تحريات عليها ماطلع عندي شي
ابداا كلشي ولاشغلة غلط
ياترى احبها !!
لالالا ممعقولة احبها بهاي السرعة
ليش ممعقولة الحب ميدك باب قبل ليجي
اذا مااحبها لعد ليش سويت تحريات عليها
بس!
من يقول تبادلني نفس الشعور منو يقول راح تحبني واني ماعندي ولا موقف هادىء وبلا عركة وياها
ياترى اذا تقدمتلها حيقبلون اهلها بية
وإذا صارت وقبلوا اهلها بية
منو يقول هية تقبل
اوفف عيونها
اششش سيف شداتحجي لا تتغزل بوحدة مو حلالك
خلي هسة انام والصباح رباح
.......
يتبع في البارت القادم
ياترى منو البنية الي في بال سيف سارة لو وحدة ثانية
خلي ننتضر البارت القادم ونشوف
مع تحياتي لكم (بنت العراق )
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
