نرجع للواقع
استملت النتيجة 99 شكد مااني فرحانة شكد مافرحتي ناقصة بس شكول غير لا حول ولاقوة الابالله العلي العظيم
طبيت للحمام حته اسبح وراية حفلة
ابوي عودنة كل سنة من ننجح كلنه اني وخواتي واخوية يسويلنا حفلة سبحت واني اتذكر تعبي وسهري والي الحمدلله الله ماضيعة الي
طلعت شفت خالاتي حضنتهم وباركولي
بعدها اجت مرة خالي جنه نتناكر اني وياها تكول اذا جبتي 99 اجيبلج محبس ذهب
وكفت كبالها متخصرة
ها عيني ست نور وين محبسي
مرة خالي دتعالي لج خلي احضنج
حضنتها وباركتلي
بعدة بابا مجاي من اتصل بي وكلي النتيحة للان مشايفتة
راح حته يتفق وي ابو الكيك والتجهيزات وهاي الامور
ماردت افتح شعري بس خواتي كالو الة تفتحين شعرج اليوم يومج على كولتهم المهم سحبت شعري بلكاوي وخلصت وبابا بلطريق اتصلت علي ماما كاللها اني بلطريق
كلش متشوقة اشوف بابا واحضنه واقول له بنتك وفت بوعدها وماخذلتك
اندك الباب عرفت بابا دزيت اخوية يفتح الباب
وكفت بلطويلة حته بس يفوت من الباب يشوفني
كرايبنه كلهم واكفات باب الاستقبال يصورون ردة فعل بابا من يشوفني
فات اخوية وبيدة الكيك بساع فات للاستقبال وجان بابا يدخل
سارة:الله يساعدك بابا وركضت علي وحضنته وهو هم حضني كمت ابجي مو علمود شي بس فرحانه لانو سويت الي جانو اهلي ينتضرونه مني
بابا:رفعت راسي بنتي
سارة:راسك دوم مرفوع .....بابا
الاب:ها بنتي
سارة:بنتك وفت بوعدها وماخذلتك
مسحت دموعي وكملت تجهيزي واخذت الورقة وفتت للاستقبال بس فتت كلهم هلهلو عبالك عروس خجلت من يمي
سارة:ياجماعة اشكرك على جيتك وعلى وكفتكم وياي اريد اسوي شي قبل مانبدي الحفلة
الضيوف :شتسوين!!!
سارة اريد اقرالكم رسالة كتبتها قبل لا افوت للسادس كتيتها لنفسي اتمنى تسمعوها
فتحت الورقة
هلو سارة شلونج ..شسويتي تعبتي ...سهرتي... وتالي حصلتي الشي الي تردي
حضنتي امج من ابوج خابر وكلج النتيجة
بجيتي .....حضنتي ابوج من اجه
كتيله بنتك وفت بوعدها الك وماخذلتك
هسة اذا جانت اجاباتج كله اي يعني راح اكلج
شونج دكتورة سارة
خلصت قراية واني ابجي وشفت امي تبجي
اختي :اهووو سارة كلبتيها مناحة
يلة كلووووووشش
طرشتني العوبة المهم بدينة الحفلة وقطعت الكيك اكلنه وركصنه وضحكنا صارت ب10 كلمن راح البيته بس قبل ليطلعون عمامي وخوالي رادوني بلحديقة حته يسلمون علية طلعت سلمت عليهم واحد واحد بعدها وكفت بصف بابا وهم يمدحوني ويباركون لبابا
خلصوا المعازيم وخلصنا تنضيف وترتيب خواتي كلمن نامت واني مكدرت انام طلعت للحديقة كعدت على الحشيش باوعت للسما شفت النجوم كمت احجي بكلبي وية نورس
سارة😢😢😢😢نورس يلة وينج ليش مااتصلتي بيه وباركتيلي ها زعلانة عليج خليتيني بهذا الدرب وحدي مو كلتي نبقة سوة مانفترق يلة وينج هاي اني وحدي اليوم بفرحتي انتي وين عني
بجيت وخلصت رحت للغرفة نمت جان تجيني نورس بلحلم
سارة: نورس واخيرا اجيتي جنت منتضرتج من زمان
نورس:جيت اباركلج واكلج اني جنت وياج دائما
سارة:نورس ليش عفتيني وحدي ها ليش
نورس :انتي مو وحدج اني موجودة هنا واشرت على مكان قلبي وبعدها.....
يتبع في البارت القادم بأذن الله
تحياتي (بنت العراق)
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
