سارة :بابا ليش مقبلت اروح
الاب:اني راح اوديج لمزرعة جدج
سارة :بس اني اريد اروح وي خالو
الاب:خالج وراح يلة امشي
سارة :استسلمت للامر الواقع وطلعنا اني وبابا بلسيارة وصلنا للمزرعة طبيت نزعت عبايتي وبقيت بلمانتو والبنطرون
طلعت شفت الورود الي زرعتهن هذيج المرة من اجينه
جانن موردات ومفتحات
سارة وهي تحجي وي الورود:آيييي يمه فدوة اروح لوريداتي شلون مفتحات
ولو راح تزعلن بس راح اخذ وحدة منجن وياي للبيت (طبعا هذا الحجي كله بابا كاعد على المرجوحة ويشوف شدااسوي)
مديت ايدي اريد اخذ وحدة مكدرت من ورة البلاستر الي على اصابيعي
رحت كعدت بصف بابا وباوعت للسمه
سارة :ها يابة شنو شاغل بالك كولي احجيلي
الاب:تسألين وانتي تعرفين الجواب
سارة:اي صح اعرف الجواب بس اريد اسمع منك لان ادري بيك متحجي وتضم بكلبك
كول يابة
الاب وهو مايدري شنو يحجي ويباوع على ايدة الي جان يضرب بيها سارة وهي تتوسل بي
الاب:سارة اني مااعرف شكولج ولا شاعتذر منج لان السويته بيج مستحيل احد يسوي اني عذبتج ومو يوم اويومين لا اسبوعين كاملات واني اعذب واضرب وأهين بيج
سارة :من جاي يحجي بابا غمضت عيني ودمعت واني اتذكر كل يوم وكل لحظة وكل ضربة جان يضربها الي
جان يحجي وصوته مخنوك
من شافني ادمع وابجي اخذ ايدي يبوس باصابيعي واحد واحد بمكان الاظافر
سارة :لا يابة لا فدوة اروحلك لتسوي هيج اني مازعلانه منك ولا شايلة بقلبي عليك
الحمدلله على كل حال
الاب:اااااه سارة صدك تحجين بعد كل الي سويته بيج هيج تسامحيني
سارة :يابة اني مامحتاجة غير حنانك وعطفك عليه يابة محتاجة احضنك من زمان محاسة بلامان الي بحضنك حضني ابوي ودفنت راسي بصدرة وصرت اشهك وابجي وابجي لحد مافرغت كل قلبي عل صدرة جنت كلما اشهك يكلي :سمالله عليج ياضوة عيوني
سارة :يلة يابة نروح
الاب :يلة امشينه
طلعنه وافترينا بلشارع اشويةورجعنه للبيت فتت للبيت شفت ماما بلمطبخ شادة راسها صارلي اسبوعين ماشايفتها اسبوعين ماسامعة صوتها وماشامه عطرها فتت للمطبخ شفتها كاعد على الكرسي يم الميز رحت كعدت يمها جانت متباوع بعيني
سارة:ماما باوعيلي فدوة
باوعت علية راسا نزلت دموعي وحضنتهة مكدرت تسوي شي غير انها تطبطب على ضهري
المهم صبينه العشة وكعدنه نتعشى وهاي اول مرة اكل وي اهلي من اسبوعين
المهم كملنه اكل جان بابا يكول
الاب:باجر راح نعزم كل الاهل والقرايب علمود الفصل
سارة 😕يافصل بابا
الاب :راح نفصل وي ابن عمج الشفيه الكلب
سارة :بابا خلي نعزم بيت ام سماعيل على الغدة هم
الاب :ان شاء الله واني مانسي سالفتهم بس نسوي الهم عزيمه الهم وحد علمود اعتذر منهم
سارة :بابا ممكن باجر اني احجي وية الشفية
اريد ابرد كلبي
الاب :حقج يابة حقج ولو اني ادري مايبرد قلبج بس الله كريم
سارة كمنا من الاكل وكملنا جنت دااصعد فوك لغرفتي شفت باب غرفة بابا وماما مفتوح وبابا جاي يبدل بس شنو ضهرة كل اثار ضرب وتعذيب كانما جان بسجن رحت ركض فتت للغرفة وسديت الباب
سارة :بابا هاي شنو ضهرك ليش هيج مشوه ليش مرايح للدكتور
الاب :مابي شي ضهري علمود اروح للدكتور هيج اشياء بسيطة
سارة :بابا فدوة يابسيطة اذا هو ضهرك حته حرك محروك شصاير يابة فهمني
الاب :اييي بس بلنسبة للسويته بيج بسيط وبسيط جدا همين لج اني عذبتج اسبوعين اسبوعين كاملات وتجين ع هلكم جرح تبجين
سارة :شنووو يعني يعني هاي الاثار انته سويتها
الاب:اي اني وراح اضل هيج اسوي الى ان تروح اثار ضربي من على جسمج وتطلع اضافيرج يلة
ضليت مصدومة من الجاي اسمعه معقولة صدك بابا هيج دايسوي بروحه علمود تانيب الضمير الي عنده
سارة :درت ابوي وصار ضهرة على جهتي حضنت ضهرة وكعدت ابوس جروحة شوية شوية حدما تعبت
بعدها طلعت رحت للمطبخ جبت مرهم حته ادهن ضهر بابا بي فتت لغرفة بابا
الاب:سارة هاي شنو بيدج مرهم لا مستحيل اخلي دوا لجرحي مستحيل
سارة :يابة فدوة اروحلك لخاطري اذا عندي ولو شوية خاطر عندك خليني اخليلك مرهم فدوة
بلكوة يلة قبل خلصت ورحت لغرفتي
بدلت ونمت
واني نايمه جان اشوف.....
يتبع في البارت القادم باذن الله
مع تحياتي لكم(بنت العراق )
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
