الدكتورة والضابط

البارت21

سارة
درت وجهي شفت فاطمة واكفه ويبين انه سمعت الي صار باوعت عليها بنضرة ها شفتي جنتي غلطانه وحكمتي عليه بسرعة
شفتها تريد تقترب مني خليت وطلعت
طلعت ودعت بابا وعمي راحو اني رحت للكافتريا فتت كعدت اخذت فنكر وبيبسي هيج اكضي وكت
طلعت رحت للقسم الداخلي فتت واني امشي بشموخ وراس مرفوع
فتت لغرفة سلمت ردو بهدوء
ضحكت بقلبي
المهم بدلت وصليت شفت روحي مو جوعانه كلت خلي ادرس احسن
رحت لقاعة الدراسة
قريت ب4 ساعات يلة خلصت نوب رحت طلعت بورك الي وكليته واكلت وية الببسي
كملت وكعدت
لعبت بلموبايل شوية
بعدها صار المغرب صليت وكملت
ماشتهيت اكل لان قبل شوية اكلت المهم كعدت شوية اقرة فد كتاب جبته وياي لاوقات الفراغ قريت بي بساعتين
اامهم صارت ب10 جعت اكلت وكملت
ردت اغفة شفت فاطمة تهلوس وهي نايمه
مردت اكعدها بس صار صوتها يطلع وتبجي وهي بلحلم
جانت تقول
فاطمة:ااا سيف...عوفني فدوة سيف.......لالالا لتضرب الله عليك
المهم جاي اكعدها
سارة:فاطمة فاطمة كعدي هذا كابوس كعدي
لحد ما فزت من الحلم وجانت تبجي باوعت عليها بنظرة باردة وخليت ونمت .....
نروح للبطل شوية
سيف :بعد الي صار كدامي على صديقة فاطمة واني اعرف هذة الشخص الي هوة ابن عمها
جنا سوة بلعسكرية يعني ولد مبي شي
المهم بعد الحجي وكذا اخذت فاطمة ورحنه بلطريق
سيف:فاطمه هاي البنية بعد متحجين وياها ماشي
فاطمة:ميحتاج تكلي اني من يمي بعد مااحجي وياها لان طلعت من برا هالله هالله ومن جوة يستر الله
سيف؛المهم اني كلتلج الي عليه ونبهتج الباقي عليج
فاطمة:ماشي
اكلك سيف شكد صارلك منازل
سيف:شهرين
فاطمة:ايي هسة ماما مشتاقتلنه فول
سيف:اي والله صح
المهم هسة نروح ونشبع منها وتشبع من عدنه
فاطمة:ايي صح
وصلنه ونزلنه دكينه الباب جان يطلع بابا
الاب:هله هله بيكم بوية فوتوا فوتوا امك يم بيت خالكم هسة تجي
فتنه وكلمن راح لغرفته اني رحت لغرفتي بدلت وكملت
ونزلنه اني وفاطمة جوة بلمطبخ حته من تجي ماما تتفاجئ بينه
المهم فاتت للبيت
وكفنه اني وفاطمة واحد بصف الخ
فاتت شافتنه
الام:يمه هلا هلا بعيوني هلا هلا بيكم يابعد بيتي
ركضت فاطمه حضنتها وتبوس بيها خليتها
تكمل لان ممتعودة على الفراق بس اني لا متعود
المهم ضلت ب5 دقايق حاضنه امي
سيف :يلة لج انطيتج مجال هواي يلة شنو بس امج اني هم اريد احضنها.
الام؛يمه من اروح سبع فدوات لوجهك الحلو هذا وليدي
سيف وهو يبوس ايديها:اسمالله عليج يابعد بيتي ياروحي
حضنتها كامت تبجي
سيف:ها يمه ها هم بدينه راح تبدين تبجين وتقهريني بعد مراح انزل حته بعد لتبجين زين
الام:لا يمه مابجي مابجي بس لاتحرمني من شوفتك يروحي
سيف:امرج ياالغالية انتي تأمرين امر
المهم كملنه وتعشينه وتعللنه
وصعدنه اني وفاطمه وكلمن راح لغرفته طبيت لغرفتي نمت على وجهي من التعب هيج ب10 نمت كعدت ب8 الصبح رحت غسلت داامشي من يم غرفه فاطمه سمعت
فاطمه ؛ايي حبيبي واني هم كلش احبك شوكت نلتقي
هيه كالت هيج واني ماادري شصار بيه  دفرت الباب وفتت شلتها من شعرها
سيف:منو هذا لج كح.... منو هذا
فاطمة :اوكف بس خلي افه..
صفكتها براشدي وجه وكفا مخليتها تكمل ذبيتها بلكاع واخذت الموبايل من ايدها
باوعت علي جان اشوفها جاي تقرة قصة
لايلحمزة اني شسويت
خليت الموبايل على الميز وكعدت
فاطمة :هاا شفت منو حبيبي مو عرفت منو
كوم اطلع من غرفتي مو اني وحدةكح...
كوم اطلع
سيف:كمت وطلعت فتت لغرفتي ومطلعت بعد
ماادري شسوي كل مرة اضلم فاطمة واطلع غلطان واعتذر وتسامحني بس مااعتقد بعد الي صار تسامحني لان هواي سامحتني وعبرت بس لا بعد طفح الكيل
المهم باجر تنزل وتروح الله وياها
نزلت اتغدة
مباوعت بوجهي هذا التصرف متوقع بهيج حالة
طلعت افتريت ملكيت نفسي الا واني واكف كدام المسجد فتت توضيت وصليت ركعتين لوجه الله بنية الهداية بلكت الله يهدني كمت سجدت اجه كدام عيني كل ضربه ضربتها لفاطمه نزلت دمعتي واني عل السجادة حسيت براحه انه اني بجيت بحضرة رب العالمين الي ميرد احد من بابه
كعدت احجي بكلبي
ربي انته تدري اني شكد تعبت ربي اني اريد تعيني حته اكدر اتخلص من هاي الصفة ربي انته تكول اسعى ياعبدي واني اعينك اني راح اسعى يارب واريد منك تعيني حته ارتاح
كملت ورحت للبيت فتت للغرفة كلت لامي انه مااتعشى حته لاتنتضرني
كعدت العب بلتلفون
وراها نمت كعدت الصبح ب8
جانت فاطمة رايحة كلت بقلبي(خلي تروح احسن ماتبقى وااذيها وااتذة)
المهم مشه اليوم وخلص ثاني يوم هيج ب10 اجتني رسالة صوتية من فاطمة
فتحتها سمعت كلشي صار بين صديقتها وابن عمها الحجي الي شفتوه فوك
تندمت انه اني وكفت وي ابن عمها واني ممامفتهم الموضوع
حان تجيني رسالة لخ من فاطمة مكتوب بيها
فاطمة💭هاي ثاني مرة تتهم وحدة بشرفها وتغلط عليها ياترى شكم مرة اكو بعد
سيف رسالة فاطمه ذبت جمرة بقلبي هيج اني اذيتها هيج كسرتها حته تقارن نفسها بس اآآآآآه
الله يهديني بس
خابرت على ابن عمها
رزلته رزالة بردت قلبي
المهم نرجع للبطله
سارة:بعد الي صار بليل استغربت حالة فاطمة بكل هاي الفترة مشفتها بهاي الحالة تريد تنزل من الدرج مقدرت نزلتها رادت تركض مكدرت سندتها للحمام تقأيت بس شنو تتقيأ وتبجي كملت وبعدها تخذتها للغرفة
ساؤة :نامي انتي بمكاني واني انام فوك
فاطمة:لا لا اني اصعد
سارة:اششش مداتكدرين تصعدين لاتعاندين اني انام واذا احتاجيتي شي بس دكي من جوة واني انزل وكي
فاطمة:ماشي
صعدت للسرير الي فوق لحد ما نمت شوية حسيت داتضرب على السرير
نزلت بسرعة :هاا فاطمة محتاجة شي
فاطمة :اريد مي فدوة
سارة:ايي هسة ثواني
رحت بسرعة جبت مي لان كلش وضعها معاجبني
انطيتها شربت شوية ومرادت بعد
سارة:هاا شلون صرتي
فاطمة:لا زينه شكرا تعبتج ويايه وصارت زحمه
سارة:لا ولو هذا واجبي
يلة نامي وارتاحي
فاطمة :مدااكدر انام جسمي مكسر
سارة :اشوف قست حرارتها جانت مصخنه
وج هاي شنو مصخنه نار
هسة انطيج خافض حرارة واذا منزلت حرارتج اسويلج كمادات ماشي بس هزت راسها بأي
انطيتها خافض حرارة انتظرت ساعة قست حرارتها بعدها مصخنه
سارة :حرارتج بعدها مرتفعة راح اسويلج كمادات
رحت جبت ماي بارد ووصله
وكعدت اسويله كمادات باوعت الساعة ب4
كمت اسمع الاذان كمت صليت ورجعت شفت حرارتها نزلت بس بعدها سويتلها بعد كمادات ومحسيت من نمت بمكاني يم راسها
كعدت الصبح على صوت احد شفت مريم
مريم:سارة سارة كومي شنومج هنا
كعدت مفزوعة شفت فاطمة مو بفراشها
سارة:وين فاطمه
مريم :راحت للدوام ومكعدتج
سارة:هاا زين ديله حتى اني هم اروح
بدلت بسرعة واخذت كتبي ورحت للكلية فتت للكافتريا اخذت قهوة حتى اصحصح
لان للصبح منمت
رحت للقاعة وبيدي الكتب فتت للقاعة سلمت وعيني بلكتاب كعدت بمكاني
جانت الدكتورة متأخرة
محسيت من نمت
الا على صياح الدكتورة
الدكتورة :سارة سارة كومي شنو جاية تنامين لو تدرسين
سارة:مجان قصدي دكتورة آسفة
الدكتورة:قصدج او لا راح اخصم منج 10 درجات ويلة تفضلي برة بدون مطرود
سارة عيوني غرغرت بلدمع اول مرة انطرد من القاعة بحياتي مصاير بيه هيج موقف طلعت والدمعة بعيني فتت للحمامات متحملت بعد بجيت
غسلت وجهي وارتاحيت
وراها طلعت كعدت على المسطبة بلحديقة ماادري شسوي
عيني على الكتاب وشكد قريت البارحة
واخر شي انطردت
كعدت اقرة بلمحاضرة الي وراها
لحد ماشفت ظل فوقي رفعت راسي
جان اشوف....
يتبع في البارت القادم باذن الله
يا ترى المن شافت سارة
مع تحياتي لكم (بنت العراق)