الاب:كوم اوقف
سيف😢😢:والله يابة مو قصدي وماحسيت على روحي من عليت صوتي عليك
آسف يابة آسف ولو اضل للصبح أعتذر ماراح اكفي
فدوة يابة سامحني فدوة اروح لتراب رجليك
الاب:كوم اوقف كتلك
سيف كمت وماالي عين اباوع بوجه ضليت اباوع بلكاع
الاب:باوع بعيني
سيف :مااكدر يابة مااكدر مالي وجه اباوع بعينك واني كلي غلط
الاب :😠باوع بعيني
سيف😟 باوعت على ابوي
ومااحس اله اجاني راشدي فرني اله اشوية
الاب :هذا الراشدي مو لان عليت صوتك علية بس هذا الراشدي حته تصحه حته تتحكم بنفسك وبأعصابك
سيف : استاهل والله وحقك هيج تضربني استاهل
ومااشوف اله ابوي حضني ماكدرت اسوي غير شي بس بادلته الحضن وكمت اشمه واعتذر
سيف :اسف يابة واوعدك ماتتكرر بس ارضة عليه
الاب :راضي بعد ابوك راضي
الله يرضى عليك ويوفقك
سيف بست ايده وراسة
الاب:يلة روح الغرفتك نام جلبت هنا
سيف : ان شاء الله يابة يلة تصبح على خير
الاب :وانته من اهل الخير
سيف .طلعت من غرفة ابوية مرتاح واحس جبل وانزاح من فوق صدري
صعدت لغرفتي ونمت.....
نروح للبطلة
سارة : ماجاي احس بشي جسمي كله مخدر من الضرب مااعرف ياجزء مني صاحي وياجزء مني مكسر بس هذا كله بكوم وشعري بكوم شعري الي اهتميت بي مثل عيني
انكص كدام عيني بكل بساطة بس جاي انتضر يجي الفرج
(خلي نرجع قبل هذا الموقف شوية ليورة ونشوف شصاير )
سارة :جنت كاعدة من النوم هستوني
بابا اخذ ماما وراحو للمراجعه لان ماما رجلها توجع
المهم كعدت سبحت وتريكت وقعدت اقرة كتاب
اجه ابن عمي رحبت بي اني واخوية
كعد شو هذا بده يتأمر علينه
ابن العم :كوم جيبلي جكاير من المحل الي براس الفرع يلة كوم
اخوي ماراد يروح بس اني كتلة روح عيب ضيف جاينه
المهم راح اخوية يجيب الجكاير كعدت اني اكمل الكتاب وهو يلعب بموبايله المهم سألني
ابن العم :اكول سارة شكد جبتي معدل نسيت بلة متذكريني
سارة طبعا حجاها باستهزاء
فأني رديت علي :99.9 ليش شعجب تسأل على معدلي
ابن العم :هيج عجبني اسأل
سارة :هااا اي عادي شكو بيها .. شويةواجه اخوية انطه الجكاي وراح
هو جان كاعد على التخم الي يم الميز فموبايلي جان على الميز فدك الموبايل جان مكتوب استاذ حسام (حسام هو دكتور في كلية الطب يكون ابن صديق بابا ...بابا جابلي رقمه علمود من هسة ينطيني محاضرات حته اضبط المواد ) المهم ابن عمي شاف الرقم واتخبل علية
ابن العم :منو هذا حسام ها ويدك عليج من كولي لج ادبسز
سارة :احترم نفسك ولتغلط افتهمت لو لا
ابن العم :لا اشو اغلط وغصبا عليج ماشي يا سا...
سارة :لا يل بلا احترام اني تكول علية هيج الفاظ
اني مو لازم اكلك هذا منو بس راح اكلك حته افتك منك هذا دكتور بكلية الطب دايدرسني من هسة
ابن العم :لا والله واني مكرن اشوفج تحجي وي الزلم واسكت
وهذا الموبايل وراح وضرب موبايلي بلحايط صار طحين
سارة:الله لا ينطيك العافية ان شاء الله تنكسر ايدك
ابن العم :هسة اشوفج من تنكسر ايدة لج كلبة ونزل بيه ضرب وكتل ومهانة
واشكال الالفاظ والغلط بحياتي مسامعة هيج الفاظ
واني بحياتي ممكتولة يجي هذا هيج بكل بساطة يضربني
سارة :وخر لك وخر الله لا ينطيك العافية وخر لك كلب وخر
ابن العم ؛اني كلب لج هسة اشوفج منو الكلب ياجلبة ونزع لحزام ونزل بيه ضرب ضل يضرب بيه لحد ما صار لمن يضربني ضربة بلحزام كأنما جلدي ينفتح ويطلع دم لحد ماجيرانه مرة جبيرة اجتي وجرتني من ايده
سارة :خالة والله مسويت شي مدري شبي مثل المخبل هجم عليه
جيرانه :لتحجين خالة لتحجين سمعت كلشي بأذني ادري بي مخبل هذا ابن عمج
سارة :اي والله خالة مخبل
جيرانه :يلة خالة اني اروح تردين شي
سارة :لا خالة سلامتج مقصرتي
ضليت مااكدر احرك لا ايد ولا رجل لحد مااجه اخوية
الاخ:سارة هاي شبيج كوليلي منو سوة هيج بيج ها
كوليلي
سارة :لاتخاف حبيبي انت بس خابر بابا بهدوء وكله وين وصلوا
الاخ :ماشي ماشي هسة
اتصل عليهم اخوية وكالو انو 10 دقايق ويوصلون
سارة :حبيبي جيبلي شوية مي
الاخ :اي هسة
جابلي ماي شربت مااكدرت اكعد هلكد ماجسمي مكسر
سارة :حبيبي اني رايحة انام ماشي من يجون بابا وماما مو تخوفهم تمام واذا سألو عليه كول كعدت راسها يوجع شربت مسكن ونامت ماشي
الاخ:ماشي ان شاء الله
سارة :كمت اسحل بروحي بلكوة وصلت للغرفة غسلت وجهي وايدي وبدلت الهدومي وشربت مسكن ونمت
ماحسيت اله لمن انجريت من شعري اشوف بابا معصب والشرار يطاير من عيونه بحياتي ماشفت بابا بهاي الحالة
الاب:لج مو وثقت بيج شلون هيج تسوين بيه ها شلون
سارة :شسويت يابة والله ممسوية شي
الاب :ممسوية شي مو ممسوية شي اني اعلمج
ونزل بابا هم دك بيه كتل واني بابا بحياتي مضاربني .
لحد ماصرت بيده جثة يضرب بيه مااتأثر او اصيح جسمي تخدر
الاب:اني اربيج
جاب المكص وجر شعري جنت مسويته كصيبة كصة من فوق الكصيبة
والله العظيم شكد اتأذيت بلضرب متأذيت بكد هيج اذية من بابا كص شعري وعاف وطلع من الغرفة
ضليت هيج لحدما فاتت اختي للغرفة بلختلة
سارة :ولج شكو ليش هيج بابا معصب
اختي....
يتبع في البارت القادم بإذن الله
مع تحياتي لكم (بنت العراق )🌹
أنت تقرأ
الدكتورة والضابط
Rastgeleقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
