الدكتورة والضابط

البارت الاول الجزء الثاني

بسم الله الرحمن الرحيم .....
....
...
..
.
سارة :المكان كله دخان وعياط البنات وبجيهم يبعث الرهبة تحس نفسك بيوم القيامه
المشرفات يحاولون يخرجون البنات باسرع وأامن شكل ممكن
والبنات كلها تحاول تطلع

إلا اني جان بالي يمها اريد اعرف طلعت أو لا
لان اني بلطابق الاول وهي بلثالث
المشرفة:يلة ماما بسرعة يلة طلعوا طلعوا
طلعتنا المشرفة من القسم بسرعة وملحكت اعرف طلعت أو لا
بلساحه الي كدام القسم الي هي مليانة بلطالبات عيوني تدور على وحدة شفت البنات الي وياها بلغرفة سئلت مريم
:مريم وين فاطمه شو ماموجودة وياكم
مريم :ماادري هي جانت بلمطبخ من كب الحريق واحنه طلعنه بسرعة ماادري طلعت اولا
سارة:بلمطبخ!!!عزة بعيني هناك الحريق
ضلت عيوني تدور عليها ملكيتها
كمت اصيح عليها:فاطمه....فاطمه انتي هنا اذا هنا جاوبي ....
بح صوتي من العياط
بس المفاجأة لمن سمعت المشرفتين الي يمنعونه من الدخول للقسم
المشرفة:لج عيني يكولون باقيات 2 بنات هناك بلمطبخ مالت الطابق الثالث
سارة:اني رأسا دك يمي جرس الانذار وركض فتت للقسم
المشرفات:وج ماما تعاي وين فايته ممنوع
سارةوهي تركض:ممنوع عليهم  اني صديقتي باقية هناك 
ركضت على  الدرج بسرعة واني اشوف النار والدخان يملىء المكان بس بالي مو يمهن
وصلت للطابق الثالث شفت المشرفة جاي تطلع وحدة مختنكة شافتني تكول
المشرفة:ولج شجابج هنا احنه كوة نريد نفرغ المبنى وين رايحة
سارة:صديقتي ست صديقتي باقية بلمطبخ
رادت تحجي ماانتضرت كملت طريقي للمطبخ
فتت ماشوف شي من الدخان
سارة:فاطمه....فاطمه وينج اذا موجودة جاوبيني او سوي اي شي يدل على انه انتي هنا
سمعت صوت كحة
دورت لكيت بنية واكعه عل  وجهها يم السنك وضهرها يحترك
رحت ركض كمت اطفي النار بسرعة من ضهرها بايدي بدون مااحس احتركت ايدي
بعدين شفت اكو بطانية مال حرائق بسرعة جبتها
وطفيتها
كلبتها على ضهرها واني ادعي مو فاطمه
بس خابت امالي من شفتها هي
كلبتها لكيتها فاطمه
جانت متشوفني معرفتني
سارة:فاطمه اني سارة تسمعيني
فاطمه :سارة كح كح
ضهري يوجع كح كح
سارة:يصير زين عيوني وماي عيوني يصير زين لتخافين سودة بوجهي عليج
كومي خلي نطلع كومي
كومتها سندتها وخليت ايدها على جتفي وكمنه نمشي بسرعة
فاطمه:اخخخخ سارة يوجع اخخ😢
سارة😢وبديت انقهر عليها :تهون حبيبتي كله اجر يم رب العالمين

نزلنة اني وفاطمه
طلعنه من القسم
والمشرفة بدت تحجي عليه
المشرفة:اني مو كلت الي تطلع لتفوت بعد.ليش ماتسمعون الكلام
سارة:ست لو سامعه كلامج ومداخلة جان صديقتي ماتت وجانت الدنيا حتنكلب
ست المهم هسة ماطلبتوا الاسعاف فاطمه ضهرها احترك
المشرفة؛هسة على وصول هم والاطفائية
سارة:وكي ماشي
يلة فاطمه تعالي هنا على صفحه هسة يودوج للمستشفى لتخافين
فاطمه:يوجع سارة هواي يوجع
سارة:يصير زين حبيبتي كلشي يرجع بلتدرج
فاطمه:سارة انتي سامحتيني والله الليل مانامه اذا مااتذكر اني شلون اذيتج وطعنت بيج والله ندمانه
سامحيني ارجوج سامحيني
سارة:يعني بشرفج صاعدتلج للطابق الثالث والحريق يمكم ومهتميت وتكولين سامحيني
يعني اني لو ما مسامحتج جان سويت كل هذا
وهذا الموضوع مو وكته اهدي هسة
اجتي الاسعاف يلة حبيبتي
هسة من ترحين اني ادك على اهلج واكوللهم
وباجر الصبح يجون يمج حبيبتي
فاطمه:احجي وي سيف لا تخابرين امي لو ابوي
خطية ناس كبار بهليل حته ليصعد ضغطهم او شي
سارة:تأمرين حبيبتي
يلة روحي
فاطمه:وين اروح تعاي وياي
سارة؛والله لو بيدي اجي بس منو يقبل
فاطمه:لا يقبلون معليج اني احجي وياهم
حجت فاطمه وي المشرفة وبلكوة وافقت
صعدنه بلاسعاف
ونوموا فاطمه على السدية على بطنها حتى لايتأذة الحرك واني كعدت بصفها
وصلنا ونزلنا بلطوارىء استقبلونا الدكاترة المقيمين هناك
رجع بيه الزمن هناك بذاك اليوم الاكشر من خسرت نورس بنفس المكان سرت بيه رجفه وخفت لا فاطمه هم افقدها هنا
استلموها الممرضات وكالو لازم يزيلون الجلد واخذوها غرفة وحدها
واني تذكرت انه مادكيت على سيف اخو فاطمه
فكلت فرصة ادك علي
طلعت موبايلي ودكيت عليه (رقم موجود من ذيج المرة مامسحته)
:دك دك لحد.ما رد واحد صوته نايم
سيف:الو منو وياي
سارة:الو سيف اني سارة صديقة فاطمه
سيف فز:شكو سارة فاطمه بيها شي
سارة:راح اكولك شي بس اهدأ ولاتخاف ماشي
سيف:اي مو هاي الجملة وراها مصايب احجييي
سارة :وكي
صار حريق بلقسم وفاطمه احترك ضهرها بلحريق واحنه هسة بلمستشفى
سيف؛شنو شنو شلون محتركة وهسة شلونها
سارة:احترك ضهرها بلمطبخ وهسة دا يزيلون الجلد المحترك حته ليصير تسمم
سيف
باجر تعال وجيب خالة وعمو وياك يم فاطمه خطية تخاف
سيف:ياباجر شتحجين انتي هسة جايين
سارة:بس..سدة بوجهي ومخلاني اكمل
رجعت يم الغرفة جانوا بعدهم ممكملين
جنت اسمع عياط فاطمه وابجي على عياطها
لحد ما انفتح الباب وطلعت الممرضة وكالت
:تكدرين تدخلين يم المريضة بس لاتتحرك
وهاا احنه حولناها للخاص من كيفنا لازم منا لباجر تدفعون اجور الخاص
سارة:اي ان شاءالله
دخلت شفت فاطمه ملفلفين ظهرها
ونايمه يمكن منطيها منوم
كعدت على الكرسي القريب منها ودزيت رسالة لسيف مااتصلت حته لتكعد فاطمه
💬فاطمه حولوها على الخاص وباجر يردون الاجور
مكدرت ادفع لان الفلوس بقت بلقسم
سيف💬ان شاءالله
شون صارت
سارة💬انطوها منون يمكن نايمه
سيف💬ماشي
احنه 3 ساعات ونصير يمكم
سارة :مرديت بعد لان نعست
سندت راسي على الحايط وتغطيت بعبايتي ونمت واني ماادري ....