اسامحك بشرط انو هسة تتصل على الآمر مالتك و تلغي طلب الروحةللموصل
سيف :شنوهي لعبة ساعة اخابر علي اكله ارد اروح وساعة لا والله بطلت مااريد اروح
فاطمة :والله هذا شرطي وبكيفيك
سيف :اذا هيج لعد لتسامحيني
فاطمة....
سيف رحت لغرفتي كعدت
سيف:وففف وففف لشوكت تضل غبي واثول هيج
لشوكت تضل تعيد نفس الغلطة كل مرة ها لشوكت
كاعد ودك موبايلي باوعت الآمر مالتي فتحت خط
الآمر :مساء الخير نقيب سيف
سيف : مساء النور سيدي
الامر :اتصلت حته ابلغك انو مكدرت ادبرلك روحة للموصل لان الفوج الجديد ماصار اسبوع من راحو
لذلك راح تبقة مجاز 10 ايام
سيف :يعني سيدي ماكو امل نهائيا
الامر :لا مع الاسف ماكو
مع السلامة
سيف :مع السلامة سيدي
اوفف كلش جنت اريد التحق بلموصل بس آخخخخ
نمت وكعدت على صلاة الفجر صليت ودعيت ربي كون يهديني وارتاح
كملت صلاة كعدت العب بلموبايل لانو مااحب انام بعد
طلعت الشمس فتت للحمام سبحت
وطلعت بدلت ونزل للمطبخ شفت ابوي كاعد
سيف:صباح الخير يابة
ابو سيف: ياخير متكلي ياخير يجي من ورا عمايلك
سيف :بسم الله شكو من الصبح يابة فهمني
ابو سيف : تسوي روحك متدري البارحة شمسوي ببنت خالتك هاا
سيف :سويت الي جان لازم يصير من زمان يابة
ابو سيف:وليش بلة متكلي
سيف : اني اكلك ليش يابة لانو هي ضلت تعير فاطمة وتطعن بشرفها
ابو سيف😠😠😠:شلون تطعن بشرفها ها فهمني
سيف :تكول الله يدري ليش شالو رحمها يجوز حامل وهيج صار بيها فاطمة يابة فاطمة الي الكل يحلف باخلاقها تجي وحدة مثل هاي تعايرها واني مااقبلها على اختي
ابو سيف : وحتى لو هيج ياابني ميصير تضرب مرة
سيف واني اتذكر شلون جنت اضرب فاطمة ذاك.اليوم وهو ساكت ميحجي :لعد ليشش مكلت هيج من جنت اضرب فاطمة ها ليش ليششش ( بصياح)
ام سيف هي جتي تريد تهدأ الوضع ولزمت سيف : يمه كول يالله واهدا ميصير هيج تعلي صوتك على ابوك حرا...
سيف عوفيني يمة لخاطر محمد عوفيني ودفعت امي بقوة
مااحس اله اجاني الراشدي من ابوي
ابو سيف :احترم نفسك واعرف شتحجي وهاي امك مو عيب عليك تضربها ها
يلة كوم اطلع برة كوم الله لا يرضى عليك كوم اطلع
طلعت واني صافن على روحي وماادري شلون سويت هيج اني بعمري ماعليت صوتي على ابوي او اذيت امي هذولة روحي من الدنيا شلون سويت هيج الله لا يطيني لا صحة ولا عافية لا وانوب ابوي غضب علية واذا ابوي غضب علية يعني الله هم غاضب علية
ركبت بلسيارة وطلعت رحت للشط الشمس توها جاي تطلع والجو حلو كعدت على مصطبة وكمت ابجي اي ابجي لان عليت صوتي على ابوي لان دفعت امي لان ابوي غضب علية
ضليت ابجي وابجي لحد ما الله كال بس
صعدت بلسيارة واشوف الموبايل محروك حرك بلاتصلات منو فاطمة داكة علية شكو يا ستار
دكيت عليها مردت دكيت بعد.هم مردت شسالفة دكيت عليها فوك ال20 مرة ماكو
طرت للبيت فتت مااحد اكو لا ابوي ولاامي ولا حته فاطمة شصاير يالله
كاعد بلمطبخ دكت فاطمة
فتحت خط ..
سيف :ها فاطمة شكو
فاطمة :سيف الحكك ......
يتبع في البارت القادم ان شاء الله
مع تحياتي لكم انا (بنت العراق )
واسف جدا جدا لان تأخرت لان والله جانو ماعندي افكار والقصة مثل متعرفون خيالية
وشكرا 💙💙
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
