الدكتورة والضابط

البارت 22

رفعت راسي جان اشوف الدكتورة
كمت فورا
الدكتورة :يلة سارة امشي وياية للقاعة
سارة :شنوو
الدكتورة شنو شنو امشي دااكلج
خلي نرجع للقاعة بعد ما سارة طلعت او بلأحرى نطردت
الدكتورة :والله طالبات اخر زمن
احد الطالبات :لا دكتورة لتحجين هيج يجوز عدها ظروف
الدكتورة :مشكلتها مو مشكلتي
فاطمه:بعد الي صار بليل ووكفت سارة وياي على الرغم من الاتهام الي وجهته الها بس هي بنت اصل وماتركتني وحدي
لمن قعدت الصبح وشفتها نايمه يم راسي ما انطاني قلبي اكعدها وكلت اخذلها اجازة
بدلت وطلعت وصلت للقاعة واني كل تفكيري شلون اصالح سارة
المهم فد اشوية وشفت سارة فايته من الباب وبيدها قهوة
كعدت بعدها عرفنا انه الدكتورة متاخرة بس فد عشر دقايق وشفتها اجت وماحسينا اله تعيط على سارة وصار الحجي الي شفتوه بذلك البارت
نرجع للواقع
فاطمه:دكتورة سارة مو باردتها نامت جانت تعبانه ومكدرت تتحمل
الدكتورة:اي وشعدها تعبانه ويامن جانت سهرانه البارحة
فاطمه:لا دكتورة مااسمحلج سارة اشرف من الشرف نفسه وكل الموضوع انه اني مرضت البارحه وصخنت وهي الي اعتنت بيه اليل كله لا اكثر ولااقل واذا جان اكو احد.لازم ينطرد.فهو اني مو هي
الدكتورة :.....همم طلاب 10 دقايق وجاية
نرجع يم سارة
الدكتورة :وهذا كل الي صار
سارة :هاا
الدكتورة :ليش مكلتيلي على الشي الي صار البارحه
هاا وخليتيني اطردج كدام الطلاب
سارة:ست المثل يكول سوي خير وذب بلشط اذا صدك سويت مثل مكلتي وكلتلج على الي صار البارحه شنو فائدة مساعدتي اذا هيج
الدكتورة :صحيح صحيح بس حتلو هيج جان اجيتي وكلتلي على صفحه
سارة :ماادري دكتورة بوكتها عقلي وكف واستحيت كدام الطلاب وانطردت موقف لااحسد عليه
المهم وصلنه للقاعه يلة فوتي
فتت للقاعة والطلاب كلها تباوع عليه استحيت بس
شسوي بعد المهم كعدت
الدكتورة :طلاب اني كدامكم حابه اعتذر من الطالبة سارة على سوء الظن الي اقترفته بحقها و....
سارة وكفت على حيلي معترضة :لالالا دكتورة ميحتاج لاتعتذرين الي صار سوء تفاهم لا اكثر ولااقل
المهم كملت المحاضرة وخلصنا وعدنه محاضرة بعد نصف ساعة
كعدت بلقاعة مطلعت ماالي خلك
المهم كعدت اراجع بلمادة الي عدنا بيها محاضرة جان يجي الممثل
الممثل:عندي خبر الكم اله بشده بس اريد عزيمه علي
الطلاب:ماشي بس كول
الممثل:الدكتور مريض مجاي واليوم كله بعد ريست
بدت هوسة للطلاب وهذا يهلهل وهذا يصفك ولا عبالك طلاب طب
المهم كعدت شوية جان وحده تكلي
:اكلج سارة احنا نروح للكافتريا تجين
سارة:لا قلبي تسلمين مااريد راح ارجع فد شوية للقسم
المهم راحو كل الطلاب بقينه بس اني وفاطمه وطلاب2
احس انه فاطمه تريد تحجي بس متعرف شلون تبدي
سارة "شكرا
فاطمه :على شنو
سارة :على توضيح الموضوع للدكتورة
فاطمه :مو شي مهم كدام الي سويتي الي
سارة :هذا واجبي كزميلة لا اكثر
فاطمه :زميلةةة يبين قلبج مابرد من ناحيتي
سارة:شنو الي صار حته يبرد قلبي ليش الي صار شوية
فاطمه :ادري والله ان....
سارة :لتكملين ميحتاج احجي بهيج موضوع خلص وانته هو ناسه
فاطمة ؛لهاي الدرجة اذيتج
سارة :الي كلتي انتي واخوج مو شوية لا وكدام كل الطلاب وكل الحرم الجامعي
فاطمه ؛ادري والله ادري وحقج والله العظيم بس اني من سمعت ابن عمج هيج قال مسيطرت على روحي وصدكته
سارة:شفتي عنده دليل يثبت انه اني زانية الزنا ماينحسب زنه اله اربع شهود وانتو صدكتو واحد شراب وابو بنات وسوالف مكسرة
فاطمه:يعني مراح تسامحيني
سارة:مسامحتج والله يسامحج بس مراح يرجع شي مثل قبل لا صداقتنه ولا غيرها
فاطمه:بس اني ارجع كل شي مثل قبل واحسن شلون كوليلي
سارة :ماادري ثقتي نهزت والثقة صعب ترجع
فاطمه:تمام لعد اذا تردين اعتذر منج كدام كل الطلاب
لو اكلج كدام كل الحرم الجامعي ميصير
سارة :بشنو حيفدني اعتذارج بعد الي صار
سامحتج باجر عكبة شمدريني ميجي احد ويعيرني ويقول انتي الي صديقتج اتهمتج بشرفج ها شمدريني
فاطمه:شحده الي يحجي هيج غير اموته
سارة :الحجي سهل بس انتي مامتواجدة وياي اربع وعشرين ساعة
بالله هذا الشخص اجه وانتي ماموجودة شراح اسوي اكله انتظر خلي تجي صديقتي الي اتهمتني تجي تموتك
نزلت راسها وراحت محجت شي رد فعلها متوقع لان اني ماخليتلها مجال تصلح لان تعبت مااريد انكسر مرة ثانية
خلص اليوم وانتهى بس كلش انتابني الفضول انه اعرف
فاطمه ليش جانت تهذي بأسم اخوها وتلكه لاتضربني اهووو هسة اني شعلية
كاعدة جاي اتعشى اشوف موبايل فاطمه يدك كاتبة علي سيف المهم دك دك دك هية جانت مموجودة صحتها
سارة:فاطمةةةةة لجججج فاطمه تعالي موبايلج يدك فاطمو:اجيت اجيت جنت اغسل شافت الاسم سيف رفضت المكالمه دك بعد هم رفضتها ضل يدك وهي ترفض لحد مدز رسالة مكتوب بيها
💭فاطمه ردي عندي موضوع مهم يخص ماما
هية شافت هيج وضلت تبجي
اجتي علية
فاطمه:سارة فدوة اطلب منج طلب وماانسالج هاي الخدمة ابد فدوة
سارة:اي كولي اذا اكدر ليش لا
فاطمه:سارة اني وسيف متعاركين وعركة جبيرة هم ومنتحاجة وهسة دز رسالة انه الموضوع يخص ماما واني مااريد احجي احجي انتي وياه فدوة
سارة :بس....
فاطمه قاطعتني :ادري ادري متردين تحجين وي اخوي وهو الي اتهمج مثل مااتهمني بس فدوة الله عليج احجي وياة بداعة امج
سارة :شنو قصدج انه اتهمني مثل مااتهمج
فاطمه:هسة بس خابري واني افهمج الموضوع من اساسه
سارة :ماشي
جاي نحجي ودك موبايلها هم سيف دايدك
اخذته منها ورديت
سيف:هااا الو فاطمه
سارة:اني سارة مو فاطمه
سيف:سارةة ليش انتي رديتي وين فاطمه
سارة:فاطمه هية انطتني الموبايل تكول مااريد احجي وياه بس اريد اعرف امي شبيها
سيف:شنو شنو عيني كوليليها بلا حجي فارغ خلي هية تحجي وياية
سارة:اني اصلا فاتحه سبيكر وجاي جاي تسمع فلذالك جاي تسمعك بس هي متريد تحجي
سيف:وك
فاطمه اني ادري انتي متردين تحجين وياية بس ارد اكلج ماما مشتاقتلج وتريد تنزلين حته تشوفج
فاطمه شاورت سارة:كليله مااجي اله لمن انت تلتحق
سارة(شون هيج اكله متكليلي)
فاطمه:كولي كولي معليج
سارة:تكول مااجي اله لمن انته تلتحق
سيف:وففف لهاي الدرجه كارهتني المهم اني باجر التحق فاذا تربد تجي خلي تجي
وهم هي ترتاح وهم اني ارتاح
فاطمه اشرت لسارة👍
سارة :تكول وك ميخالف
سيف :ماشي مع السلامه وسد الخط
سارة :يلة احجي شنو المشكلة الي بينكم
فاطمه:راح احجي بس سارة احلفج بالله لتكولين لاحد
سارة :ماشي
بدت فاطمه تحجي السارة عن كلشي من ضربها من ورة الصورة ولمن هي عاقبته الا ان وصلت لاخر نرة ضربها بيهة
فاطمه :وهاي كل السالفة من راسها لاساسها
سارة :فاطمه انتي صدك تحجي يعني هذا الحجي صدك
فاطمه:اي صدك ولذلك اني مااحجي وية سيف
سارة:حقج يابة حقج وانه لو بدالج مو بس مااحجي اقلب الدنيا على راسه بس انتي غير طيبة
جان ماشوف اله.....
يتبع في البارت القادم باذن الله
مع تحياتي لكم (بنت العراق)