الدكتورة والضابط

البارت 24

بعد مرور 3 شهور
فاطمه :المكان الحرم الجامعي
لج سارة يله امشي
سارة :دصبري شوية اتأكد.خاف نسيت شي بلقسم
باوعت على غراضي كاملات
اليوم راح اروح البيت فاطمه وابقة عدهم 3 ايام
خلال هاي ال3 شهور الي مشت مااصار شي
ايام عادي وروتين ممل
بس الي صار انه فاطمه لحت على بابا حته يقبل ابات عدهم واخيرا قبل ابقة عدهم واليوم راح يجي عمو ابو فاطمه حته نروح
وصلنه لبوابة الجامعه شفنه عمو ينتضرنه
راحت علي فاطمه حضنته
وسلمت علي
وصل يمي
ابو فاطمه:شونج بوية اخبارج ان شاء الله بخير
سارة :الحمدلله العمو بخير انته شلونك
ابو فاطمه :الحمدلله تحت رحمته
يعني راح تشرفينه بعد قبل الوالد
سارة :هه الي الشرف عمو اي قبل بابا
ركبنه بلسيارة و4 ساعات الطريق واني من النوع الي نفسي تلعب بلسيارة واتقيء فكلش تعبت
لحد مااوصلنه طلعت روحي
فاطمه :هاي وصلنه يلة هسة ننزل وترتاحين
سارة :ايي واخيرااا هلكت ولج شنو هاي
نزلنه وشفنه خالة ام فاطمه تتنظرنا
نزلنه وسلمنه عليها
ام فاطمه :يمه هلة بيج خالة هلا بيج مية هلا
سارة :بيج اكثر خالة
ام فاطمه :يايمه ليش هيج صفرة شنو مريضة
سارة :لا خالة مو مريضة بس اني نفسي تلعب بلسيارة واشوية الطريق بعيد فتعبت هواي
ام فاطمه :يايمه جان بعلتي حباية مال معدة
سارة :الله وكيلج خالة ماابقيت دوة يعتب عليه مااخذت منه بس كلشي ميفيد
ام فاطمه :الله يساعدج يمه
يلة روحن سبحن وبدلن حته اصب الغدة ونتغدة يلة
سارة:ماشي خالة
فاطمه:يلة سارة امشي
صعدتها فوك لغرفتي
:يلة سارة فوتي سبحي انتي بين مااني ابدل لان مااريد اسبح
سبحت الصبح قبل منجي
سارة :تمام
فتت سبحت حسيت روحي خفيت من التعب
طلعت مشطت شعري ولفيته لان ماابية حيل اشسور
فاطمه :ها كملتي حته ننزل
سارة :اي كملت يلة
نزلنه جوة
شفنه خالة تصب بلغدة
رحنه يمه بلمطبخ
فاطمه:يمه شطابختلنه
ام فاطمه:شون طبختلكم برياني من هذا الي يحبه قلبج
فاطمه:يايابةةةةة يلحمزةة مشتاقة للبرياني مالتج يبووو
سارة :اسم الله شنو يبوو ليش تنعين مو زين
فاطمه:افف سارة انتي هم جنج امي شكد تؤمنين بهاي السوالف
سارة وامي سوة :مو زين ميصلح
ههههه
يلة يمه يله لا يبرد الغدة يلة
كعدنا على ميز الطعام
اكلنه وكملنه
ام فاطمه:يلة يمه كومن صلن وارتاحن يلة
سارة :ايي خالة رحم الله والديج (حجيت بقلبي)
صعدنه صليت وكملت
تمددت على السرير ومحسيت الا ب4 العصر
سارة :يا يابة شكد نمت
كمت شفت فوني
لكيت ماما داكة مرتين وبابا هم
دكيت على ماما وحجيت وياها شوية
بعدين سديته
كمت غسلت وجهي ولفيت شالي ونزلت
شفت فاطمه وخالة كاعدات ياكلن كليجه وجاي
سارة :لا لا ماكووهيج خيانه بعد هم كليجه وهم من ايد خالة ومتكولولي اني هيج ازعل ترة
ام فاطمه:نوم العافية يمه
فاطمه رادت تكعدج بس اني مقبلت كلت خليها ترتاح
سارة :الله يعافيج خالة
يلة اذا هيج الموضوع ماشي اعديها هلمرة
صبتلي فاطمه جاي
شربت واكلت كليجه هم بس مااكلت هواي لان معدتي بعدها تعبانة
سارة :عاشت ايدج خالة
ام فاطمه:الف عافية يمه بس مااكلتي شي
سارة :لا خالة الحمدلله بس بعدها معدتي تعبانه شوية من الطريق
كامت فاطمه ودت الاستكاين حته تغسلهن
ام فاطمه:يمه بدربج كشري بتيته و وقطعيها اصابع
فاطمه: اوكييي مامييي
راحت فاطمه وبقينه اني وخالة
ام فاطمه:اي يمه سولفيلي شون فاطمه زينه بلقسم نفسيتها زينه خو ماجتيها الحالة هواي
سارة :لا خالة الحمدلله فاطمه بنية قوية وكدرت تتعده هاي المحنه
ام فاطمه: الحمدلله
بس يمه اني اريد اطلب منج طلب
سارة :انتي تأمرين خالة من عيني هاي قبل هاي
ام فاطمه:تسلم عيونج يمه
يمه اني ادري بنتي وابني تهموج بشرفج بدون دليل
وادري هاي السالفة هواي تجرح
يس يمه اني اريدج مثل ما سامحتي فاطمه تسامحين سيف وادري حقج ماتسامحي بس يمه سيف عسكري وعلى اقل لحظه ينقتل ويموت واني مااريد يروح من هاي الدنيا واكو بركبته هيج ذنب
واتمنى تسامحي حتى لو لخاطري يمه
سارة : خاطرج غالية خالة
بس ارد.اكلج اني يوم الي سامحت بي فاطمه سامحت سيف هم لان اذا الله ميسامح اني منو ومااسامح فخلي كلبج يبرد من هاي الناحية
ام فاطمه:لج يمه فدوة غديلج شنو من لسان ينقط عسل هيج الله يهدي فاطمه هم وتسامحه والله صارلي 3 شهور ماشايفته غير 3 ايام الله وكيلج يمه
سارة :ماكو شي يبقة على حالة يجي يوم وتسامحه وهذا اليوم قريب والله وتشوفين
ام فاطمه :يمه من حلكج لباب السماء هيج الله واهل البيت وتسامحه يوم عيد يمي
شفت فاطمه اجتي سديت الموضوع
فاطمه:يمه كملت البتيته شسوي بعد.
ام فاطمه:تعاي انتي كعدي يم صاحبتج اني اكمل انتو تعبانين
فاطمه :وك
كعدت يم سارة
سارة ؛فاطمه اني عندي موضوع وياج واتمنى تسمعين مني وماتقاطعيني
فاطمه:اي كولي اسمعج
سارة :فاطمه من يوم الي سولفتيلي عن قصتج واني لحد الان مافاتحه الموضوع وياج
فاطمه امج تعبت وتريد تشوفج انتي واخوج متصالحين
اني اكلج صح اخوج غلطان والغلط من راسة لساسه بس مشت 3 شهور فاطمه 3
صح جرحج بعده مامتشافي بس ماراح يشفى اذا مواجهتي الموضوع
فاطمه زعلكم هذا محد واكع بي غير امج وابوج
منو يدري شكم مرة يشوفوا
المسامح كريم فاطمه
وبلاول والاخير اني وياج وبضهرج
شما تسوين اني وياج ماشي
فاطمه :بس..
قاطعتها :لا تجاوبين هسة الموضوع بينج وبين اخوج فكري واذا ردتي تسامحي اتصلي بي وخلي يجي
وتفاهموا وك
يلة اني اكوم اصلي
فاطمه :كلام سارة صح اثر بيه بس الي سواه وياي سيف مو شوية لان اذاني كسرني واني لحد الان اخاف منه واخاف من فكرة مواجهته
المهم مافكرت بلموضوع هواي لان مااريد ادوخ نفسي
رحت صليت ونزلنه نتعشة جاي نتعشة ودك الباب
كام بابا يفتح الباب ماسعمنه غير صوت بابا يرحب بشخص الصراحه شكيت سيف اجه لان سيف ميدري اني اجيت اليوم
رحت للمطبخ اجيب ماي
من رجعت شفت سيف واكف يم باب غرفة الطعام
ويباوع على ماما وسارة
من دار وجه شافني الصراحه راسا باوعت على سارة شفتها تأشرلي اهدا سمعت كلامها واعتبرته ماموجود وكملت طريقي لحد ميز الطعام خليت الماي وكعدت بصف سارة
لزمت جفها جان اسمعها تهمسلي
سارة :اهدي اهدييي لا تخافين ماراح يسوي شي ابوج وامج هنا اهدي
ام فاطمه:يمه هلا ومية هلا يمه هلا بنور عيني
راحت خالة على سيف وحظنته وهو هم ذب الجنطة من ايدة وركضلها حضنها ويفتر بيها
يبوس بايدها وبراسها حتى على رجلها نزل
وهو يبجي وهي تبجي
صراحه اني هم دمعت كمت ابجي
سيف:يممممه من فدوة اروح لترابج مشتاقلج لحد الموت
ام سيف:يمه اسمالله لاتجيب سيرة الموت من فدوة اروحلك
سيف:حاضر حاضر تأمرين امر يابعد بيتي
ام سيف : تعال يمه تعال اتعشة ويانه شون عشة يخبل يلوك لهل حلك
سيف:لا يمه انتوا اكلوا بلعافية ماريد خاف اضايق فاطمه او الضيفة
جان سيف ينتظر من فاطمه انه تكول لا عادي تعال بس خاب امله
سارة :لا لا مضايقة ولا شي مو فاطمه
نكزت فاطمه بايدها بمعني احجي شي
جان بس تهز براسها بنعم
هو هم جان شكله جوعان حته بدون مايبدل غسل ايده وكعد علة الكرسي كبال فاطمه جان ميكدر يرفع راسة احتمال يخجل من فاطمه او مني محد يدري
جان ياكل واختنك والماي من طرف فاطمه وطبعا فاطمه متريد تنطي ماي كمت اني بساع صبيت ماي بلكلاص وانطيتله هو هم بساع شرب يلة كدر يتنفس
سيف :رحم الله والديج
سارة : والديك والرحمه
المهم سيف الى الان معرف اني سارة
لحد ما خالة ام سيف كالت :يمه سارة متنطيني الخبز من يمج
هو رأسا باوع علية وفك عينه متعجب
انطيت الخالة الخبز
وكملنه
شلنه السفرة
جان المفروض فاطمه تغسل المواعين
بس شفت حالتها ما تسمح كلتلها
:شوفي فاطمه روحي للغرفة وانتضريني
فاطمه:جنت تعرفين مو جنت تعرفين حيجي ولهذا السبب
حجيت وياي علموده موووو (بصياح)
سارة :لا والله العظيم لا مجنت ادري اني حجيت وياج لان شفت خالة....
فاطمه قاطعتها؛لا تكوليلي ولا اكلج انتي اتفقتي وي امي حتى تقنعوني اكيد انتي هم متفقة ويا موو
ذيج الساع اتصلتي بي ولهذا قبلتي اليوم يلة تجين حتى تضربين عصفورين بحجر هم تصالحين سيف وياي وهم تشوفي مو
سارة طراخخ ضربتها راشدي :شوفي فاطمه لهنا وحدج مو اني الي تتهميني على شي اني ماسويته
فهمتي لو لا واني ماالي كعده وياج باجر رايحه للقسم
فاطمه:روحي اي عيني روحي الله يدري ويامن تروحين
سارة😯😯 مراح ارد عليج
درت وجهي شفت خالة وسيف واكفين ويسمعون
ركضت صعدت للغرفة واتصلت عل بابا دك دك دك
لحد مارد
بابا:ها بابا الله يساعدج
سارة :الله يساعدك بابا
بابا اني باجر ارجع للقسم
بابا:ليش بابا مو على اساس تضلين 3 ايام
سارة صاير شي