الدكتورة والضابط

البارت 23

جان مااشوف اله فاطمه وقعت بلكاع وترجف وتصك على سنونها عرفت انشمرت فورا فتحت حلكها وخليت بي المخدة حتى لا يتأذة فكها وجبت بصل شممتها حته توعي على روحها شو اشوية بدت تهده
بس هذا كله وهي حاضنتني لحد ماهدأت واني امسح على رأسها
سارة؛اهدي اهدي تمام تمام خلصت
فاطمه:راح يضربني راح يجي يضربني فدوة ضميني سارة ضميني يمج راح يجي يضربني
سارة :ميجي والله ميجي تردين هسة اخابرة واكله لتجي فاطمة يمي متكدر تكتلها
فاطمه:تمام خابري حته ننام
سارة :وكي قلبي هسة ادك عليه ونتأكد ماشي
فاطمه:ماشي
سارة :اخذت موبايل فاطمه واخذت منه رقم اخوها اني بنسبة الي مااريد احجي وياه بس حالة فاطمه متسمح
سارة :فاطمه اروح للمطبخ اجيب ماء واجي ماشي وانوب اخابر اخوج
فاطمه :واذا اجه والله يضربني والله راح يموتني
سارة :لا ميكدر يضربج تمام اني موجودة دقايق واجي
فاطمه:تمام بس لتتأخرين ماشي
سارة :ماشي
رحت للمطبخ ودكيت على اخوها بدون متدري
فتح خط انهديت علي
سارة :انت فد واحد وحش وحقير وماعندك ذرة انسانية او حب بكلبك انت وحش
سيف : هوب هوب اول شي منو انتي ثاني شي منو سمحلج تحجين هيج الفاظ وثالث شي اني اعرف اربيج بطريقتي
سارة :اني سارة صديقة فاطمه فاطمه سولفتلي كلشي صار بيها من وراك ومن ورة صغر عقلك وهمجيتك تدري فاطمه قبل شوية انشمرت تدري شنو يعني يعني كامت ترجف وتصك على سنونها وهاي الحالة اذا تكررت وهي بوحدها راح تموت من وراك تدري لو لا
سيف:شنوو انشمرت شنو وليش وشلون اكيد من حقدج عليها ضغطتي عليها حته تحجي وتتوتر واتشمتي بيها اكيد
سارة :مو اني الي اتشمت باحد مظلوم من اقرب الناس
تدري فاطمه صارلها ساعة تبجي بحضني وخايفة اعوفها لان تخاف انت تجي وتضربها تكلي خابري كليلة ليجي يضربني بهيج حالة شكدر اسوي ها شكدر كول احجي شنو انربط لسانك
سيف:شنو احجي واني على كولتج وحش
سارة :متكدر تحجي صح اني هسة رايحه للغرفة وراح ادك عليك كدامها ومن اكلك لاتجي على فاطمه وتضربها تعرف شتجاوب مو
سيف :اي اعرف.
سارة :باي
وسدت الموبايل بوجها
ورحت للغرفة شفت فاطمه شابعة بجي
رحت عليها ركض
سارة:ها فاطمه هاا اجيت قلبي
فاطمه :راح تعوفيني راح تعوفيني وحدي ويجي يضربني والله راح يجي
سارة :لا مستحيل اعوفج اني مو صديقتج اكو وحده تعوف صديقتها هاا اكو
فاطمه"لعد.ليش تأخرتي هلكد.ها ليش
سارة :مو رحت للحمام ولج خية صرت اسهال من اكل النواشف بليل
شفتها ابتسمت
ايي هيج ابتسمي ولتبجين بعد.ماشي حته نخابر اخوج وتبينين قوية ماشي
فاطمة:ماشي
يلةا
اتصلت على سيف
سارة :الو سلام عليكم
سيف:وعليكم السلام منو وياية
سارة :اني سارة صديقة فاطمه اتصلت حته احجي وياك
سيف:تفضلي
سارة :اني ادري انته مراح تجي تضرب فاطمه بس هي متصدك
اخوية انته مراح تضرب فاطمه
سيف:انتي فاتحه سبيكر
سارة :اي
سيف:وهي تسمعني لو لا
سارة :اي تسمعك
سيف :ماشي
فاطمه اني ادري انتي خايفة مني وحقج لان اني واحد وحش ولاتخافين بعد اخوج اني اكسر ايدي ولاامدها عليج بعد
اني باجر التحق وانتي تعالي للبيت مو ذنب ماما انو احنه متعاركين وماتشوفج تمام يلة مع السلامه
وسد الخط
سارة :شوفي مو كتلج.ميكدر يكتلج بعد
فاطمه حضنت سارة بقوة ؛شكرا شكرا جدا.مااعرف شلون ارد.جميلج
سارة :انتي صيري قوية ولتخافين واني مااريد غير شي
فاطمه :راح اصير قوية راح اصير مثلج قوية لدرجه تساعد.الانسانه الي تهمتها وطعنت بيها راح اصير مثلج
سارة :لالالا بعد هذاك.الموضوع سدينه وخلصنا منه ماشي
فاطمه: صدك يعني سامحتيني
سارة :اي
فاطمه:اي بس الصبح هم كلتي سامحتج بس منرجع صديقات
سارة:لا راح نرجع صديقات واحسن من قبل تمام.
فاطمه:تمام تمام 😃
يلة امشي ننام حته باجر ورة الضهر اروح.للبيت
سارة :تمام يلة امشي
رحنه نمنه وكعدنه الصبح بدلنا وكملنا ورحنه للجامعه سوة من بعد شهرين
لزمت ايد فاطمه وفتنا للقاعة
سلام عليكم
عليكم السلام
المهم خلصنه محاضرتين رحت للكافتريا اشتريت عصير وكيك الي ولفاطمه
رجعت للقاعة شفت فاطمه ترجف بمكانه والبنات يمها
سارة :ها ولكم شكو
احدى الطالبات :صارت عركة بين الولد وهي من يمها رجفت
سارة:خليت الغراض على صفحه
ورحت بسرعه حضنتها
وامسح على راسها
سارة :تمام تمام اهدي اهدي
فاطمه حضنت سارة بقوة
فاطمه:تعاركو تضاربو هسة يجي يضربني الي هم
سارة :لا مايجي مستحيل اخلي يجي يمج
ضلت بلربع ساعة حاضنتني لحد ماهدت يلة هدتني سارة :شون صرتي هسة
فاطمه:زينه قلبي
سارة :يله راح تصير ب12 امشي نروح للقسم حته نرتب غراضج راح ترحين
فاطمه: يلة
رحنه للقسم ورتبنا غراض فاطمه واجه الخط وراحت
واني ماانزل هلشهر لان اتعب بلطريق
بليلة خابرتني
فاطمه:ولج والله شتاقيتلج
سارة :اني الاشوق قلبي شونج زينه
فاطمه :اي زينه بس..
سارة :شنو بس احجي
فاطمه:الغرفة تذكرني بلحادثة كل اشوية اتذكر الي صار واتخيل راح يفوت ويجرني من شعري.
سارة :تمام هسة راح احجي واريدج تنفذين الحجي الي اكوله بلحرف الواحد تمام
فاطمه :تمام احجي
سارة :هسة اريدج تطلعين من الغرفة وتتجهين لغرفة اخوج تمام
فاطمه:هاا مو اخاف
سارة؛لتخافين اني يمج حتلو بعيدة راح احميج
فاطمه:ماشي تمام
طلعت من الغرفة ووصلت لحد غرفة سيف
فاطمه:سارة اني باب الغرفة الله عليج خلي ارجع هسة حيطلع يكتلني
سارة :ماراح يكتلج ميكدر ماشي
هسة فتحي الباب وكولي بسم الله وفوتي
فاطمه:هاا مو ...
سارة :لا مو ولا شي يلة فوتي
فاطمه :تمام حفوت
فتحت الباب وكلت بسم الله وفتت بس فتت والخوف مالي قلبي
باوعت ماموجود رجعت باوعت بلحمام هم ماموجود
فاطمه :لج سارة مموجود ماموجود
سارة :ايي شفتي يعني البارحه من كال راح التحق صدك التحق
فاطمه:اي  صح ملتحق يعني ما موجود يعني ميكدر يضربني
سارة :حتلو موجود مراح بضربج تدرين ليش
لان انتي بريئة وهو ندمان ويريد تسامحي ويجي يوم وتسامحي
فاطمه :مااعتقد راح يجي يوم واسامحه على كل هاي الأذية
سارة :خلي نعيش يومنه والله كريم
فاطمه :اني اروح انتي اخذي راحتج ازعجتج بما فيه الكفاية
سارة :والله والعباس اذا عدتي هذا الكلام مااحجي وياج باي 😈
فاطمه :لا ...
سدته بوجهي
اهوو هسة تزعل مني
خلي اخليها تهدأ بعدين اصالحها
باوعت شفت روحي بعدني بغرفة سيف
باوعت حواليه ايي ياسيف شفت وين وصلتنا عصبيتك وتسرعك
والله سامحتك على كلشي وكلت هسة بعد ميعصب وميتسرع بس بعد الي صار اخر مرة مااكدر صعب كلش صعب
المهم نزلت للمطبخ شفت امي كاعدة
حضنتها من ورة ؛بيش تفكر احلى ام بلدنيا
امي :بهذا الوليد اخوج شوكت يزوج ماادري
فاطمه:شنو رايج نعوف القهر ونطلع اني وياج للسوك صار هواي مطالعين سوة هاا شتكولين
امي:يلة روحي بدلي خلي نطلع وهم تشترين ملابس للجامعه
فاطمه:اوكيي
رحت بدلت ونزلت طلعنه اني وماما افترينه شوية صار هواي مطالعه هواي يعني هواي مو شلون مجان
طبينه يم محل مال ملابس شفت فستان فد مرة  سارة شوفتني اياه كالت تريد تاخذ منه من تنزل للبيت فقررت اخذه الها كعربون شكر واعتذار على كلشي مضى
اخذته الها وامي سألتني ليش اخذته
فاطمه:ماما بلبيت افهمج موضوع عميق شوية
ضلينه نفتر ونشتري صار المغرب رجعنا للبيت
جبنه عشة من برة تعشينه وصلينا بعدها
كعدت  كعدت سولفت لامي على كل الموضوع من بداية اتهامي لسارة ولحد اخر موضوع مال غرفة
الام:جا يمه ليش ضلمتوا البنية انتي واخوج خطية
فاطمه:تكدرين تكولين حكم مسبق
المهم هسة اني وياها تصالحنا
ورجعت الماي لمجاريها
اتصلت بيها دك دك دك راد.ينسد يلة ردت
سارة :الو نعم تفضلي
فاطمه:مرحبا  بس ردت اتعرف ممكن
سارة :لا مو ممكن
فاطمه:اويي هاي ليش انتي عصبية هيج خلي عدج شوية انوثة
سارة :والله عيني منين اجيب انوثة واني مصادقتلي
وحدة عوبة وثولة هم
فاطمه:انعم الله عليج سويتيني عوبة وثولة
سارة :اي عوبة وثولة ومتفهمين بلكلام
اكلج اني اختج تكليلي اشكرج
اكلج اني ممسوية شي مسوية واجبي تكوليلي ازعجتج بما فيه الكافية وتطلعين مو ثولة
فاطمه:تمام آسفة اعتذر مو قصدي😢
سارة :ادري مو قصدج بس حته بعد.متعيديها
فاطمه:تمام بعد مااعيدها
سارة :عفية بنتي بارك الله بيج تربيتي
فاطمه:تسلمين مامي
سارة :اي خلينه من هذا الموضوع شسويتي ماسويتي
فاطمه:ماسويت شي بس طلعت للسوك فتريت اشوية
ورجعنه اني وماما
سارة:عفية اريدج هيج قوية ومتهتمين
وتعيشين حياتج .
فاطمه:اي  اكلج اني راح اجي بعد يومين
سارة :شعدج مستعجلة اشبعي من اهلج
فاطمه:مااكدر اخاف تضيع عليه ايام هواي وتدرين بدراستنه
سارة :ايي ادري ادري بدراستنه ضيمم وقهر
يلة اني اروح باي
فاطمه:باي اني هم اروح
سديت التليفون من سارة
رحت سبحت ونمت كعدت على الصلاة صليت وقريت قرآن ماادري ليش اجه على بالي سيف
دعيتله ودعيت الله يهدي ويهديني ويساعدني اسامحه
لان اخاف يصير بي شي واني مامسامحته
خلصت باوعت على موبايلي شوية ونمت من جديد
... يتبع
نلتقي في البارت القادم بإذن الله
مع تحياتي لكم (بنت العراق )