ما اهدء فهمتي واليوم انعل اجدادهم واحد واحد مو اني الي يعايرون اختي
فاطمة 😢😢😢ساكته
سيف :لاتبجين فاطمة لتبجين والله اليوم اطلع حكج من عيونهن بس خلي اوصل
وصلنا لبيت خالتي الي عدهم الخطوبة
نزلت دكيت الباب فتت وفات سيف وراية
اجتي امي ووراها خالاتي سلمت عليهم وسلمو على سيف وفتت للمطبخ وهمة ميدرون سيف وراية
فتت للمطبخ سلمت اكو ردو بس البقية لا جان بت خالتي تكول
:ايي جتي العاقر
ماسمعت غير صرخة وراي
سيف:صمي حلكج والصمي احسنلج
بنت خالتي:اااءء سيف هاي انته هنا
سيف :اي هنا اريد احط حد لكل واحد يحجي على اختي
اجتي بنت خالتي( هاي كلش عينها صلفة وماتخاف من احد):اي عيني ليش تعصب ليش هية كالت شي غلط
سيف:سدي حلكج وانجبي احسن لا اراويج شي ماشايفته بحياتج تربيةسزز
بنت خالتي :انته صم حلكك اني مو تربيةسزز على الاقل اهلي ربوني عدل مو مثل اختك الله يدري ليش شالو رحمها والله ناس من برا هالله هالله ومن جوة يستر الله
فاطمة:مااشوف غير سيف واكع عليها ضرب وكتل ودفرات رحت ركض علي اريد اشيلها من جوة ايدة مااكدر فاطمة:لك سيف عوفها فدوة لخاطري
مااحس اله رحت على صفحة من ضربت سيف لاحتني ضربة من ضرباته بس هم رجعت وكوة شلتها من جوة ايدة وانطيتها لامها
فاطمة :يلة يمة خلي نروح يلة سيف امشي
طلعت واني مااباوع بعين سيف
صعدنا صعدت امي ليكدام واني صعدت ورة
ماباوعت على سيف امي ضلت تحجي على سيف وسيف ميرد معصب
ضليت اباوع من الشباك مااباوع علي
وصلنه ونزلت كبل رحت لغرفتي وقفلت الباب ضليت ابجي خايفة
لان اليوم الي شفته نفسه سيف الي ضربني يوم الحادث رجعت اتذكر كل ضربة ضربني ياها وابجي بلزايد حد مانمت بمكاني كعدت بليل نايمة بهدومي كمت بدلت وتوضيت وفتحت القفل مال باب صليت وضليت اقرة قرآن واني اقرة فات سيف للغرفة ماهتميتله ضليت اقرة وبعدها كملت كمت نزعت ثوب الصلاة مالتي وردت اطلع من الغرفة ماخلاني قفل الباب افتهمت انو ميقبل يخليني اطلع
رجعت اتمددت على السرير واتغطيت ودرت وجهي عنه وهو ماايكدر يباوع علية ولا يكدر يحجي وياي
(هسة تكولون شدعوة هيج تسوين بس لان اجتج ضربة لا بس هو حلفلي انو مايضربني بعد واضافة لذلك تذكرت ضرب هذاك اليوم فكنت ضايجة منه)
ضليت على حالتي لحد ماسمعت صوته يشهك ويبجي نقهرت علية وقلبي ماانطاني ماندار علي
انداريت علي شفته مقرفص يم الباب ويبجي بحركة رحت علية
فاطمة:كافي لاتبجي يلة كوم
كومتة وياي وكعدته على السرير وكمت امسح دموعه
سيف وهو يبوس ايد فاطمة :اني ماادري اشلون ضربتج اليوم وماجنت حاس على روحي ادري اني انطيتج وعد مااراح اضربج بعد بس شسوي ماحسيت على روحي الا لمن شفتج تبجين
فاطمة:شيفيد الحجي بعد صارت وخلصت
سيف:ماالي عين اباوع بوجهج واعتذر منج واطلب السماح لان اني مااكدر اسامح نفسي ولهذا اتصلت على الآمر وطلبت منه يدبرلي واجب بلموصل بلكت هيج اروح واموت وتخلصين مني
فاطمة:سمالله حبيبي لتحجي هيج شبيك تخبلت
سيف :لا ماتخبلت بلعكس صحيت الي مثلي مالازم تسامحي وتعفين عنه الي مثلي لازم يموت وبس
فاطمة😢😢لك سيف لتحجي هيج والله اموت وراك غير كافي كافي اني مسامحتك والله مسامحتك
سيف :ااااااااه هم سامحتيني لج شنو من قلب عندج فورا تسامحيني واني ارجع اغلط وترجعين تسامحيني
فاطمة :مو بيدي ماكدر اشوفك هيج مقهور ماتهون عليه
سيف :خلي اهون عليج عاقبيني لتحجين وياي جافيني على القليل ادعي علية عليج الله ادعي علي كون الله مايوفقني
فاطمة قاطعته:لك شبيك من كل عقلك هيج تريد ادعي عليك لك انته قطعة من قلبي اذا تريدني اسامحك من صدك عندي شرط
سيف :كولي كولي انت تأمرين امر
فاطمة :اريدك......
يتبع في البارت القادم بإذن الله
مع تحياتي (بنت العراق)
اعذروني على التأخير بس والله ضروف ومشغولة
أنت تقرأ
الدكتورة والضابط
De Todoقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
