اختي :لج بابا يكول اختكم مطببه واحد للبيت واحنه مموجودين
سارة :شنووووو شنو مطببة واحد للبيت
اختي :ابن عمج المصون هيج كايله ويكول شفته طلع من البيت عبالي انت موجود سألت ابنك طلع محد موجود بس هي
سارة :عزةة عزة بعينه اي والله فدوة انتي مصدكتني مو
اختي :لج اني اجذب روحي وماجذبج انتي اختي واعرف انتي شنو
سارة :شوفي ترحين هسة على بيت ام اسماعيل جوارينه وتكوليلها تعالي لبيتنا سارة تريدج تشهدين بموضوع الصبح يلة بسرعة روحي
اختي :ماشي ماشي
راحت اختي وجابت ام اسماعيل جوارينه وحجت وي بابا بس بابا هم ماقتنع
بابا :يلة عيني كومي طلعي من بيتي مسألة عائلية مالج دخل
راحت ام اسماعيل لما اشوف اشوية واجه وجه الفكر ابن عمي
ابن عمي :ها عمي شسويت
بابا :والله ماادري مادري
ابن عمي :والله عمي جم مرة كتلك لا تنطيهن مجال ينزلن راسك وخاصة هاي سارة هواي دللتها
بابا:اي والله صدك
طبعا هذا الحجي اختي كالتلي عليه لان بابا قفل علية الباب وراح
.... شوية واجه
كمت
سارة:بابا والله جذب والله ممسوية شي
الاب طراخخخ انجبي وكعدي
الاب :جم مرة نام وياج
شوكت اول مرة لمسج وشوكت عرفتي احجييي لج ساق...
سارة : بابا شداتحجي اني بنتك والله مااسوي هيج شي
بابا:لتجذبين ابن عمج شافه بعينه طالع من البيت وبس انتي بلبيت
احجي جم مرة نايم وياج احجي
ونزل عليه ضرب
ايام مرت واني على هاي الحالة
ضرب واهانة وفشار
حتى بيوم من الايام بابا جاب جلابتين وشلع اضافيري اتخيلو اضافيري شلعهن واحد واحد
وووو.واشياء كومة حرك وضرب
لحد ما
اجت اختي فديوم
اختي :سارة سارة اني عندي حل
سارة :اي كولي ولو ادري بابا بعد ميصدك باحد
اختي :انتي ليش مترحين يم دكتورة نسائية حته تفحصج ونتأكد
سارة :نتأكد يعني انتو هم شاكين بيه مو
اختي :لاوالله مو قصدي ه...
سارة :عرفت شنو قصدج ميحتاج توضحين
اذا اني صارلي اسبوعين بهاي الغرفة شفت الموت ماما مأجت تسأل عليه
المهم امري لاالله اذا هذا الشي يثبت برأتي حته بهذا راضية
المهم راحت اختي وانتضرت يجي بابا حته احجي وياه لليل اجه بابا
.
سارة :بابا عندي موضوع احجي وياك بي
الاب:اسمعيني الي بلاول
باجر يعقد عليج ابن عمج حته يستر عليج بعد ماانكسرتي
سارة انصدمت صدمة عمري مستحيل اقبل هذا الكلب يصير زوجي
سارة :بابا اني مستعدة هسة نروح لدكتورة نسائية وتتأكد انو حجيي صحيح واذا حجيي طلع غلط وهو اكيد ميطلع غلط شتسوي بيه سوي
الاب:ماشي هسة نروح مو علمود نثبت برائتج لا علمود متصيرلج حجه ترفضين ابن عمج علمود تقبلين وانتي الممنونه منه
سارة 😢
المهم رحنه لدكتورة نسائية بابا يعرفها رحنه اني وبابا بس حته من كشفت علية بابا جان موجود علمود يتأكد انو اني ماكوللها شي
المهم خلصت الدكتورة فحص
بابا :ها دكتورة كولي
الدكتورة :بنتك شريفة وطاهرة ومحد لامسها
سارة :شفت بابا انصدم وماعرف شيحجي
طلعنه وصعدنه بلسيارة
ورحنه للبيت
وبابا مكال حته كلمة وحدة من فتنه للبيت
شفت عمامي وخوالي وكرايبنه كلهم عبالهم جايين يتشمتون بس مو بلحيف اخليك تتشموتون بينه المهم عمي الجبير كال
هاا شكالت الدكتورة
ابوي انطه التقرير العمي عمي قراه
عمي :الحمدلله طاهرة مثل طهارة الذئب من دم يوسف
اشوف كرايبي نصدموا.
سارة:هاا شجنتو منتضرين جنتو تردون يقول مو طاهرة علمود تاكلوني مثل الذيابة
ولكم الله واكبر عليكم واحد واحد الله لا يوفقكم
طبعا احجي والكل ساكت لان ماالهم عين يحجون بعد الي سووا بيه
المهم ماعاتبت ولا بجيت لان ميستاهلون ابجي كدامهم
سارة :هاا وينه ابن عمي الي شاف الرجال يطلع من البيت والي صار خوش آدمي براسي لا ويريد يستر عليه وينه ها من صارت السالفة صدك طفر الجبان بس وصلوله الحجي كولوله سارة بعمرها ماسوت غلط وبعمرها مانزلت راس ابوها مثل ماهو سوة
شوو على غفلة سمعت عياط وراية درت وجهي
شفت بابا واكع بلكاع مغمي علي
رحت عليه ركض
سارة :بابا بابا كوم فدوة اروح لك يابة كوم رشيت عليه مي يلة كام يصحة هذا الحجي ورا مراحو كرايبي
شفت بابا كعد خليت ورحت الغرفتي ولاول مرة من اسبوعين انام واني مرتاحة
كعدت الصبح طلعت من الغرفة رحت سبحت واني دااسبح اشوف الاثار الي على جسمي من ضرب وحرك بابا والاصعب من هذا كله شعري شعري الي جان يوصل جوة ضهري هسة صار الكتفي بجيت وبجيت جوة المي لحد مارتاحيت
لبست وطلعت اتصلت على خالي حمزة (هو الوحيد الي صدك بيه )
سارة :خالو ممكن تجي لبيتنا شوية بلكي تطلعني كلش مخنوكة
خالي :ماشي ياحبيبت خالج هسة جاي
اجه خالو وحجه وي بابا بس انصدمت بابا مقبل
سارة :بابا ليش مقبلت اروح 😠
الاب....
يتبع في البارت القادم باذن الله
تحياتي لكم (بنت العراق )
أنت تقرأ
الدكتورة والضابط
Acakقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
