سارة:مرت الايام والاسابيع واني مااعرف شي عن فاطمه او بلاحرى مااريد اعرف اليوم جان المفروض عيد ميلادي بس اني صراحه بلقسم وما عندي صديقة مقربة لدرجه تعرف عيد ميلادي
بس عائلتي اتصلت بي وعايدتني من الصبح
المهم بدلت وكشخت وطلعت من القسم
رحت للقاعة مالتي كالو انه الدكتور ماجاي لذلك المحاضرة انغلت وجان معدنه غير هاي المحاضرة اليوم لذلك بعد ماعدنا محاضرات
قررت اتغدة بلكفتريا اليوم حته ارجع للقسم وادرس رحت للكافتريا وطلبت بيتزا كالي تطول فد15 دقيقة كتلة ماشي ضليت بلكافتريا انتظر البيتزا
واني كاعدة طبت فاطمه ووحده وياها سويت روحي مااعرفها حته مانتواجه المهم طبت هي وهاي البنية وكعدت على ميز بعيد.عني احسن جهزت البيتزا مالتي وصاح ابو الكافتريا
:طلب سارة محمد جاهز
فاطمه عرفت اني موجودة بس مااهتميت لذلك كمت اخذت البيتزا مالتي وكعدت اكل ومامهتمه
شفت اكو ظل اقترب مني مااعرف منو
رفعت راسي شفت فاطمه
سارة :نعم اتفضلي رايدة شي
فاطمه:اي رايدة
سارة:شنو
فاطمه:رايدة اعتذر من وحده اذيتها وجرحتها كلش
سارة :اي بس هاي الوحدة ماتت وراحت
فاطمه:لا ماماتت ادري بيها موجودة ورا هاي العيون الملينا ألم وكوليلها مااريد تسامحني او شي
بس خلي تعرف اني ندمانه واحب اكوللها كل عام وهي بالف خير
مع السلامه
سارة:الله وياج
راحت فاطمه وماانكر الي كالته اثر بيه بس بعد ماعندي طاقة احد يغدر بيه ويشك بيه
..... نروح نشوف فاطمه شسوت بهاي الفترة
فاطمه:بعد كلامنه اني وسيف رجع كلشي طبيعي بلبيت ودانه للزيارة وهناك آآآآه ياكربلاء جنه الله في الارض
رحنه وزرنه جنت اشوف سيف كلما نطلع من الامام عيونه حمره من البجي المهم رجعنه للبيت وثاني يوم وداني للقسم وبلطريق
.........
سيف :بعدما حجيت ويا فاطمه وقبلت تنطيني فرصة رجع البيت عادي اليوم الورا وديتهم للزيارة رحنه اني وامي وفاطمه
جنت كل ما ادخل للزيارة ابجي وابجي لان محد يسألني ليش تبجي او شي لا لان اني بحضرة الحسين (ع) المهم رجعنه للبيت وثاني يوم وديت فاطمه للقسم
وبلطريق :
سيف:شوكت تنزلين بعد
فاطمه:ماادري بس احتمال بعد اسبوعين ليش تسأل
سيف :لا هيج بس كلت اذا تنزلين وي موعد نزولي حته اغيره خاف تضوجين
فاطمه:سيف لتخربط بلحجي مو حلينه الموضوع بيناتنه حته اذا بعدني ماسامحتك اذا مشفتك شلون اسامحك
سيف :وك ماشي
بقينه ساكتين
لحد ماوصلنه
:يلة وصلنه نزلي وديري بالج على روحج
فاطمه:وانته هم ديربالك
سيف؛اني رايح محتاجه شي
فاطمه:لا مامحتاجه بس سلامتك
راح سيف
ونزلت للقسم ومرت الايام الى ان اجه اليوم الي شفت بي سارة وصار الكلام الي فوك
رجعت للقسم وراها بيومين نزلت للبيت جان سيف بعده مجاي
طبيت سلمت على اهلي وكذا بس شفت ابوي قلق بس ميريد يبين لامي
من راحت امي للمطبخ تقربت من يمه
فاطمه:شبيك يابة قلق اكو شي
الاب:هاا لا ماكو شي
فاطمه:يابة لخاطري كول شكو
الاب:فاطمه اخوج من 4 ايام فقدنا الاتصال بي ولحد الان مجاي اعرف شلون اكول لامج
فاطمه:شنوووو
لايابة لتكول لامي لان اذا درت تتخبل غير...
سمعنا صوت تكسير ورانه
درت وجهي شفت امي واكعه من ايدها الصينية
عرفت سمعتنا شنو كلنا اني وابوية
الام:شنو يعني سيف فقدتو الاتصال بي ها شنو يعني يعني ابني مات
فاطمه:لايمه اسمالله اهدي بس خنفهمج
الام :ولج شتفهميني هااا شتفهميني
وكامت تلطم على راسها رحت عليها اريد اهديها مااكدر لحد مااتخربطت بيدي
شلناها اني وابوي للغرفة شممتها شوية عطر بدت تصحه حاولت تكوم بس ماخليتها
الام😢😢😢😢:ولج يمه فاطمه خابري سيف بلكت يرد
فاطمه:ماشي ماشي..
دكيت .....
مارد دكيت مرة ثانية....
يكلي مغلق ..
الام:ها ميرد مو ولكم يبووو مات ابني
فاطمه :لا يمه ليش تفاولين
ضلت تبجي وتنحب الى ان انطيتها ابرة مهدئة يلة
ضل الوضع بلبيت يومين هيج بجي ونحيب وحته محد ياكل لان محد النه نفس
مر اليوم الثالث هم نفس الحالة
كعدت اليوم الوراة على صوت بجي
نزلت واني مخترعة شفت........
يتبع
بارت قصير بمناسبة العيد
وان شاءالله اكو بارت ثاني بلطريق
كل عام وانتو بالف مليون خير
مع تحياتي لكم (بنت العراق)
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
