المصور :اخي هاي الصورة فوتوشوب وهاي الصورة الاصلية
سيف :شفت الصور هاي غير وحدة مو اختي
صاعقة ونزلت على راسي ...اختي ضربتها واذيتها وهي مضلومة
ماألي عين اشوفها او اشوف امي الي غلطت عليها انو ماعرفت تربي
ركبت بلسيارة ودكيت على ابوي فتح خط
سيف : اكول بوية شصار على فاطمة
الاب :ختولي هاي السا...ة امك اخذتها للمستشفى
سيف :بوية الصورة مو حقيقية وديتها للمصور وطلعت فوتوشوب والبنية مو فاطمة غير وحدة
الاب :الحمد لله يعني اختي شريفة
سيف :اي يابة شريفة واحنه ضلمناها وبدون سبب
لو اموت فاطمة بعد متسامحني
الاب :الله كريم ابني الله كريم
سيف :يلة يابة اني اروح اودعناكم
سديتة من ابوي واني ميت من القهر واني اتذكر شلون جانت تبجي بيدي وتتوسل حته اعوفها واني مااسمعها وازيد بلضرب عليها
ضليت افتر وماادري وين انطي وجهي
فد شوية وابوي اتصل
الاب : وين انت سيف
سيف :بكاع الله الواسعة يابة
الاب :تعال لمستشفى ال..... اختك فاطمة حتفوت للعملية وامك متقبل ومتقبل تحجي وياي تعال اقنعها
سيف متت خوف :ليش يابة شبيها فاطمة
الاب:تعال وانته تعرف
سيف: ماشي يابة جاي جاي
طرت طير بلسيارة حته اوصل ادري بيها راح تفوت للعمليات بسببي
وصلت رحت يم صالة العمليات شفت ابوي كاعد وامي كاعدة بذيج الجهة ومتحجي وي ابوي
سيف :يمة شبيها فاطمة
الام بدموع :هسة جاي تسأل بعديش بعد ما راح تموت من وراك انت وابوك
سيف :يمة فدوة اروحلج كولي شبيها فاطمة وليش متقبلين اتفوت للعمليات
الام :لك يمة شأقبل متكلي شاقبل واختك يردون يشيلون رحمها لان متأذي من ورة الضرب
تريدني اموت بنتي بلحياة واضل بدون اطفال وزواج وتضل عمرها كلة محرومة شاقبل
سيف :حسيت واحد ضربني على راسي
اختي فاطمة يااما تموت من ورة رحمها يااما تضل بدون اطفال طول عمرها
فاطمة مستحيل تسامحني وحقها والله حقها
سيف:يمة خلي تفوت للعملية احسن ماتموت
رحت وقعت على اوراق العملية ودخلوا فاطمة للعملية جانت مخدرة شفت وجها بي اثار ايدي
اي ايدي الي بعمري مانمدت عليها بس لانو متغلط وماتسوي شي يضوجني هسة بلعمليات من وراي
الام :سيف يكون بعلمك اني غضبانة عليك الا ان تسامحك فاطمة
سيف حقها والله حقها واصلا مااكدر اطلب منها السماح لانو اني مامسامح نفسي
خليت وطلعت والندم راكبني من ساسي لراسي
اتصلت على الآمر مالتي وطلبت التحقت كلي انو الاجازة مصار الها اسبوع كتلة نزل واحد من الولد واني التحق
رحت للبيت واخذت جنطي واني دااطلع شفت دم فاطمة بلممر وعلى الحايط طلعت مابي حيل تأنيب ضمير اكثر من الي اني بي
التحقت وبعدها مانزلت لمدة 8 شهور لانو ماالي عين اشوف امي وفاطمة ......
بعد 8 شهور اتصل ابوي بعد مرة وطلب مني ارجع
هذا ابوي من يوم مالتحقت لليوم يطلب مني انزل واني ارفض لحد ما ...
الاب:سيف اجيت اكلك من الاخير لو تنزل من الدوام لو اغضب عليك اليوم الدين
سيف:يابة انت الوحيد الي تعرف ليش مااريد انزل بيا وجه متكلي يا يابة
الاب :اني هذا اخر كلام عندي ويلة مع السلامة .
سيف استسلمت للامر الواقع ورحت للآمر وطلبت انزل ماعارض ابد لانو عندي اجايز مال 8 شهور
اخذت جنطي ونزلت ب8 الصبح وصلت اول مانزلت فتت للبيت رأسا فتت للغرفة مااريد اشوف امي سبحت وردت انام سمعت ونين من غرفة فاطمة فد اشوية وسكتت
اجة ابوي
سيف:يابة شنو هلصوت
الاب :هاي فاطمة كل يوم تجي المضمدة تسوي جروحها وتروح
سيف زاد تأنيب الضمير عندي
سيف : يابة انت تصالحت وي امي
الاب : اي تصالحت وياها
سيف :يابة امي وين
الاب :بلمطبخ
سيف : متدري اني نزلت مو
الاب :لا محد يدري بس اني
سيف :ماشي
نزلت واني ماعندي وجه اشوف امي بس مااكدر اشتاقيتلها خلي تضربني تطردني ماعندي مشكلة بس خلي اشوفها
نزلت شافتني نصدمت بس راسا غيرت نضرها لغير مكان
الام :شجاي تسوي هنا
سيف :جاي اطلب تسامحيني وترضين علي يمة
الام :اني كلت مااسامحك ولا ارضى عليك الا ان تسامحك فاطمة
سيف وكامت دموعه تنزل : يمة فدوة اروحلج ارضي علي
ركضت وقعت يم رجليها وابجي يمة سامحيني فدوة اروح الج يمة اني اسف واعتذر وشنو تردين اسوي بس ارضي علي
الام:ارضى عليك بس بشرط
سيف 😢😢:كولي يمي أمري شتردين عسى ماتردين روحي انطيج ياه بس ارضي عني
الام :تصعد هسة وتعتذر من اختك وتطلب منها السماح واذا سامحتك اني ارضة عليك
سيف :حاضر يمة حاضر
صعدت واني ماادري بيا وجه راح افوت واحجي وياها دكيت الباب وفتت
جانت نايمة واني اباوع شلون وجها بعدة ازرق من وراية
بدت تفتح عيونها وشافتني ضلت ساكتة وتبجي بهدوء وتشهك واني ابجي واشهك ومحد يحجي بينه
سيف رحت يمها كمت ابوس بإديها :اني اعتذر خوية سامحيني من فدوة اروح لترابج سامحيني شتردين اسوي الج بس سامحيني
فاطمة وهي تبجي وتمسح دموعي :مسامحتك خوية مسامحتك الله يسامحك
سيف : باوعت عليها رأسا سامحتني بمجرد مااعتذرت منها وهي فقدت اعز شي ممكن تملكه المراة وهي الامومة
كمت ابجي بلزايد
سيف:ليش ليشش هيج بسرعة تسامحيني واني سرقت منج حياتج ومستقبلج ليشش
فاطمة :لان انت شفت صور بيدك واي اخ بمكانك جان سوة نغس الشي
بس ها اكلك مااسمحك بلاش عندي مطالب
سيف:أامري ياروحي امري لو تطلبين روحي والله ترخصلج
فاطمة :لا خوي شسوي بروحك اريد ....
يتبع بلبارت القادم
مع تحيات (بنت العراق )
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
