الدكتورة والضابط

البارت 9

نروح للبطلة واخيراا
سارة :اليوم تطلع النتائج واني كلش خايفة بحيث مااكدر اكعد واكفة صارلي ساعة انتضر اتصال بابا
واخواتي كلمن كاعدة تدور بلانترنيت بس النت ضعيف وامي كاعدة تدعي 
اشوية ودك الموبايل منو!!بابا دايتصل
جاوبت اختي
سارة :ها بابا الله يساعدك (هاي الكلمة اني واخواتي نتسابق من يجي بابا منو يكولها اله)
الاب:مستعدة تسمعين النتيجة
سارة :بابا راح يوكف قلبي فدوة احجي
الاب:اهلا وسهلا بيج دكتورة سارة 99
سارة :بابا كال 99 مكدرت ارد
يلة يابة مع السلامة
الاب هه الله وياج
الام:ها شكال ابوج
سارة :كدامكم حاليا حضرة الدكتورةةةةة
الام:كلللللللووووووش
خواتي كامو يحضنوني واني ابجي وامي تبجي بس اني فرحتي ناقصة تدرون ليش !!
خلي نرجع بلزمن قبل 4 شهور
جنة دا نرجع اني ونورس من الحاضرة الخصوصي
جنة نسولف
نورس :عزةة لج شفتي شكد حلو الممثل
سارة :اي والله زين
نورس :يا زين غير يجنن
سارة :دمشي انشي هو انتي بوخة من تشوفين ولد على بعد 3متر تموتين من الخجل عبالك راح ياكلج
نورس:اي والله صدك
دانمشي ومااحس الة ونورس طايرة بلهوة ووكعت بلكاع وانترس وجهي دم
نورس جانت تمشي واجه ماطور سريع طيرها بلهوة كدامي
ذبيت الكتب ورحت عليها ركض
سارة :نورس نورس تسمعيني نورس ردي علية
اجوي شكم رجال بلشارع شالوها وهي لازمة ايدي بقوة
نورس وبلكوة تحجي :لتعوفيني سارة اني خايفة
سارة وهي تمسح دموعها : مااعوفج مااعوفج قلبي هياتني اجيت
صعدت بلسيارة الي بيها نورس (هسة تكولون شلون صعدت بسيارة غريب بهاي السهولة احنه منطقتنا واحد يعرف الثانية وناس ماخذين من ناس فلكل قرايب )
وديناها للمستشفى دخلوها للطوارئ
طلعت الموبايل من الجنطة خابرت بابا
الاب :هاسارة
سارة😢😢:بابا فدوة الحكني اني بلمستشفى
الاب :خير شكو بابا بيج شي
سارة :نورس سوت حادث بابا فدوة الحكني ماادري شسوي
بابا تعال وجيب ابو نورس وياك
الاب:جاي جاي بابا لاتخافين ماكو شي
سديت الموبايل وطبيت للطوارئ لكيتها تبجي
نورس :سارة فدوة لحكيني راح اموتتت
سارة :جيت قلبي جيت لاتخافين هسة راح يجي ابوج وابوي لاتخافين قلبي
شو مااشوف غير جهاز القلب كام يطنطن
والدكاترة التمو عليها يسوللها انعاش وتنفس صناعي واني واكفة جامدة بمكاني مااحس بلي يصير حوالي
وماحسيت الة لمن كال الدكتور
الدكتور :سجلو ساعة الوفاة....
فقدنا المريضة وغطوا راسها بلجرجف
سارة :لالالالا نورس متكدر تتنفس جو الجرجف
هسة تختنك فدوة دكتور نورس عايشة والله عايشة
الدكتور :البقية بحياتج اخر الاحزان .وخلة وراح
وكعت بلكاع واني ابجي ماادري شصار بلمح البصر ضاعت نورس ماتت وهي بحضني
شوية وطب ابوية وابوها بابا شافني كاعدة بلكاع
وابجي اجة علية ركض شالني من الكاع
الاب:بابا سارة شبيج
سارة :بابا جانت اكو بصفنا وحدة اسمها نورس وهسة ماكو ماتت ماتتت بابا ماتت نورس ماتتت
وحضنت ابوي وكمت ابجي بحضنه وبعدها ماحسيت بنفسي اله واني على السدية بلطوارئ وماما يم راسي هي واخوية
الام:يمة سارة الحمدلله من كعدتي لج يمه صارلج 5ساعات نايمة
سارة.....
الام :البقية بحياتج يمة
سارة كمت ابجي بس ابجي مااحجي او اسوي اي شي بس ابجي طلعونة من المستشفى واني دمعتي على خدي راد بابا يوديني للبيت
سارة :بابا وديني لبيت نورس
الاب :بس بابا انتي بعدج تعبانة
سارة :بابا فدوة اذا تحبني وديني لبيت نورس
الاب :ماشي ماشي
وصلنة ونزلنه اني وامي
الباب جان مفتوح
طبينه للالستقبال جان ماكو هواي ناس بلعزة لان الساعة تقريبا ب5 او6 العصر
شفت امها وكامت تبجي واني ابجي بصوت عالي ركضت وكعت بحضنها حضنتني وكامت تبجي بصوت عالي بجينه هواي كامت تنعي واني ابجي على صوتها
بعدين امي كالت :يلة سارة هم يلة نروح للبيت
ام نورس :خية ام سارة خليها يمي اليوم بلكي تملي علية وحشتي باول ليلة
ام سارة :والله ماادري ابوها يقبل لو لا
ام نورس انتي خابري خلي يجي واني احجي ويا
خابرت ماما بابا فد اشوية واجه بابا طلعت خالة ام نورس حجت وياه وهو ماكسر بخاطرها قبل بس كال صيحولي سارة
طلعت حته احجي وياه حضني بعدها كال
الاب :بابا ديربالج على روحج ماشي اني باجر ب9ونص اجي عليج
سارة :ماشي بابا الله وياك
رجعت فتت يم خالة ام نورس صبوا العشة
خالة ام نورس قالت اني مااكل
سارة :لعد اني هم مااكل
ام نورس :يلة لعد اني وياج ناكل وحدنه
سارة ماشي خالة
خلص العشا والصلاة وفرغ البيت بس اني وخالة ام نورس
خالة بس تبجي واني ابجي وياها شفت اخو نورس احمد صعد للغرفة وسد الباب
ام نورس :من الصبح ليهسة وايدة تنزف ضربها بلجام وميقبل يضمدها ولو مو مناسب بس بلكي تصعدين وتقنعي مابي حيل اني اصعد
سارة :ماشي خالة راح اصعد
صعدت واني متوترة بحياتي ماحاجية وي ولد لوحدنه صعدت دكيت الباب
احمد :منو
سارة :اني سارة  احمد لازم تضمد جرحك مو زين
احمد :معليج انتي روحي منا
سارة :احمد ترة خالة جاي تبجي وهواي حزنانة لتزيدها عليها هاي علبة الاسعافات خليتها بلباب
درت وجهي داامشي اريد انزل انشلت من شعري
احمد :انتي منو وتعلميني شلون اتصرف وي امي ها
سارة :هاي شنو احمد شداتسوي
ركعني بلكاع وضربني راشدي ودفرني وفات
سارة :مااستغربت تصرف احمد نورس اختهم الوحيدة وفقدها اكيد اله تأثير عليهم
نزلت غسلت وراح الاثر من خدي يلة فتت للغرفة شفت خالة هم كاعدة تبجي سكتتها وغطيتها ونامت
واني مكدرت انام طلعت للحديقة كعدت على المرجوحة جنا اني ونورس نكعد عليها نقرة
جانت تحب تكعد من جهة الشجرة كعدت على مكاني المعتاد ولميت رجلية لصدري وكمت ابجي بهدوء مديت ايدي على مكانها جان بارد حيل
سارة  😢😢ها نورس هنت عليج هيج تعوفيني وترحين موقلتي انتي اختي مو قلتي انتي رفيقة دربي موقلتي اني ادخل طب بغداد تعاي وياية واني اكلج اني اروح للمستنصرية تعالي والله اجي وياج لجامعة بغداد بس تعالي
بجيت وبجيت غفيت حسيت احد يريد يخنكني اريد اوخر ايدة من رقبتي مااكدر لحد ما سمع صوت راح فات للبيت ركض .....
يتبع
تحياتي (بنت العراق )