الدكتورة والضابط

البارت 18

سارة :نمت جان اشوف نورس وهاي اول مرة تجيني من يوم الحفلة
سارة :نورس همزين اجيتي اخذيني وياج فدوة لتخليني هنا
نورس:بعد وكت
سارة:بس اني كلش اشتاقيتلج والله
نورس:الله راح يعوضج بغيري  تصير صديقتج
سارة :بس اني مااريد غيرج اريدج انتي
نورس :لتخافين راح تعوضج عني وراح اخليج بأمانتها
سارة :لعد كوليلي شسمها
نورس :من يجي الوقت المناسب اكلج يلة اني رايحة
سارة :لا فدوة لترحين ضلي هنا
مسمعتني وبدت تختفي لحد ما اختفت تماما
فزيت من النوم
شفت الشمس طالعة
كمت غسلت ومشطت وطلعت للحديقة شفت بابا كاعد بلحديقة
سارة :صباح الخير daddy
الاب:صباح النور حبيبتي
سارة :شنو شوكت كعدت
الاب :كعدت لصلاة وبعد مكدرت انام
سارة :يااا لعد ليش مكعدتني على الصلاة
الاب :فتت للغرفة شفتج نايمه بعمق قلبي ماانطاني اكعدج
سارة :فديتك يالحنون
الاب :ايي شفنا شكد حنون
سارة:ياا بابا مو سدينه هذا الموضوع البارحه وبعد منفتحه يا حبيبي
الاب :الله كريم
سارة :ادنيت يم اذنه كلتله ترة منسيت سالفة ضهرك اليوم ورة الضهر نروح للطبيب
الاب :لا مااروح
سارة :لعد والله ابقة زعلانه عليك ومااحجي وياك واكطع الاكل
الاب :اييي تعرفين بيش تهدديني
سارة :اي مادام تدري ليش متوافق من البداية
حته باجر نروح لبغداد علمود الكلية
الاب :يايابةة شون نسيت سالفة الكلية
اي ان شاء الله باجر نروح دكتورتنه
سارة 🙈🙈فديتك بابا خجلتني
المهم كمنه تريكنه وكملنه وماما بدت بلغداء متخليني اشتغل هواي
صارت ب11 هيج بدو يجون كرايبنه
واني كشخت وعطرت وطلعتلهم ورافعة خشمي
وواكفة بكل قوة كدامهم
صبينه الغدا وخلصنه وشربو جاي بعدين بابا صاحني للاستقبال جانو عمامي وولد عمامي كلهم هناك
المهم طبيت سلمت وكعدت وبدا عمي يحجي ويسولف علمود الفصل
جان يسال بابا انو شيريد فصل جان بابا يكول
الاب :سارة هيه تقرر شنو الفصل لتريده لانه هي الي اتأذت
كولي بابا شتردين
سارة :بابا اني مااعرف بأمور الفصل وهاي الاشياء
انته قرر بكيفك بس عندي طلب واحد
الاب ؛اي كولي انتي تأمرين
سار  :مايأمر عليك ضالم يابة
اريده يجي لهنا وكدام الكل يعتذر منك
الاب :ليش يعتذر مني المفروض يعتذر منج مو مني
سارة :بابا اذا اعتذر منك يعني يردلك اعتبارك ولو اعتبارك محفوظ
بس هذا الي اطلبه
الاب:تامرين
سارة :مايأمر عليك ضالم بابا بس اريد كلشي يصير  كدام عيني
الاب:ماشي
سار:دزو علي اجه فات للاستقبال وميكدر يرفع راسه
فات بقه واكف ماادري ليش المهم جان عمي الجبير يحجي
العم :يله يلشفية فصلنه 20 مليون
وانك تعتذر من عمك هنا كدام الكل
وتبوس ايده واذا ماسامحك تبوس رجله يلة
شفته صار يقلب الوان
اقترب من ابوية
ابن العم :اني اعتذر عمي واتمنى تسامحني
اقترب يريد يبوس ايدة بابا
بس بابا مخلاه كله
بابا :اعتذارك مامقبول والله لا يسامحك
كوم اطلع من بيتي
طلع ركض من البيت
سارة :يلة اني اترخص خاف عدكم شي بيناتكم
الكل ماعدا بابا :مرخوصة
جاي اطلع من الاستقبال جان بابا يصحيني
الاب :اوكفي سارة
سارة :(لا بابا فدوة لاتسويها )كلت بكلبي
سارة :ها يابة أامر
الاب مايامر عليج ضالم تعاي يابة كعدي بعدني ممكمل
سارة :ايي يابة
كعدت بصف بابا جان بابا يكول
بابا :ياجماعة كلكلم تعرفون وعدكم علم بلي سويته بسارة بخصوص هذا الموضوع
واني اليوم اريد اصحح خطئي
باوع علية بنضرة ندم
الاب :وهاي كدامكم اريد اعتذر من سارة وتسامحني واني راضي بأي عقاب هي تخلي
سارة :بابا فدوة لتحجي هيج انته ابوية وتمون عليه
الاب :اي صح امون عليج بس مو لهاي الدرجة
ويله لتغيرين الموضوع واختاري عقاب وخلصيني
سارة 😢😢😢عفتهم وركض للغرفة ابجي
اي لان ممتوقعة بحياتي انه يصير هيج شي بعدها راحو وخلصت العزيمه صارت هيج ب4 طلعت من غرفتي سالت ماما
سارة :ماما وين بابا
ماما:والله يمه فات للمخزن من يوم الاجيتو من الدكتورة وهو يفوت للمخزن يضل بلساعات يله يطلع
سارة :ممممم
طبعا عرفت بابا يعذب روحه بلمخزن
صعدت فوك دكيت الباب مفتح ولا جاوب
سارة :بابا اني سارة افتح الباب وخلينه نتفاهم
مرد عليه بس سمعت صوت المفتاح يعني انه فتح الباب
فتت للمخزن جان اشوف بابا
جاي يخلي الجلابتين على ايده يريد يطلع اضفره من مكانه رحت علي ركض
سارة 😢:بابا هاي شنو فدوة العينك كافي كافي
اخذت من ايدة الجلابتين بلكوة
يلة بابا امشي مو عدنه حجز يم الطبيب يلة
الاب :مستحيل اروح لطبيب
مستحيل انسي
سارة :جان كاعد على الكرس كعدت كدامه بلكاع لزمت ايدة
سارة :يابة فدوة اروحلك ابوس ايدك امشي نروح للطبيب يلة يابة فدوة
هذا الحجي اني ابوس بأيدة واحجي
باوع بعينه بنضرة معرفت شفسرها
ندم على ذنب على اعتذار مااعرف شنو
الاب:كومي من  الكاع بابا كومي
سارة ؛ماا مااكوم اله تكلي راح نروح وتنطيني وعد همين يلة
الاب :اووووفففف اووووفف يلة ماشي وعد بس كومي
سارة :ايي فدوة بابا يلة
الاب :بس مناك راح اوديج فد مكان لازم تشوفي
سارة :اي ماشي شكو بيها 
المهم طلعنه وبدلنه ورحنه للطبيب
وانطه البابا علاج ومرهم
بعدين ركبنه بلسيارة
ورحنه وكفنه كدام بيتنه القديم
سارة :ها يابة شعدنه هنا
الاب:نزلي وانتي تعرفين
نزلنه وبابا فتح الباب فتنه للاستقبال مابي شي والمطبخ والصالة كذلك وبقيت الغرف كلهن على حطتهن وصلنه لباب غرفي فتحت الباب جان انصدم بلي شفته شفت الغرفة .....
يتبع في البارت القادم بإذن الله
مع تحياتي لكم (بنت العراق )
💛💛💛