الدكتورة والضابط

البارت 2

راضية عليك ياضناي
سيف :بعدنه دنحجي وفاتت فاطمة للمطبخ كاعدة من النوم
فاطمة :صباح الخي..
شافتني واجمدت بمكانها
فاطمة : سيفففف وركضت علي وحضنتها وهم صارت تبجي واني امسح دموعها
فاطمة اختي الوحيدة صح شوية متشدد وياها بس لان اخاف عليها وهي كلش طيبة
سيف:يمة ابوي ماموجود
الام:لا يمة طلع للسوق
سيف :ماشي اني راح اصعد ارتاح من يجي مو تكولوله اني نزلت خلي يتفاجأ ماشي
فاطمة : ماشي روح ارتاح
سيف : صعدت الغرفتي سبحت وبدلت وذبيت روحي على السرير ميت تعب ماحسيت الا ب3 العصر على صوت الموبايل شفت الآمر مالتي فتحت الخط كلي انو اجازتي شهر لان صار هواي مانازل
سيف : لا ياالله اتأخرت على الصلاة رحت توضيت على السريع وصليت خلصت بعدين شفت اجتني رسالة
مكتوب بيها تهديد مدري شنو اتعودت على هاي الشغلة بحكم شغلي بس الله الحافظ
نزلت جوة اريد اتغدة شفت ابوي كاعد بلمطبخ بس ضهرة علية حضنته من ضهرة اتفاجئ بيه بعدين حضنته وبستة من راسة وايدة
الاب :ولك ليش ماادري انت نازل ليش امك مكالتلي
سيف :يابة اني كلتلها حته افاجئك المهم شلونك يابة احوالك
الاب :انه من شفتك بخير صرت بخير
سيف :اي  الحمدلله يمممة شمسوية غدة يممة وينج يوووم
الام:اجيت اجيت مسوية بامية من هاي التحبها
سيف :الله يممة يله صبي بساع ميت جوع
الام :خسا الجوع يمه هسة اصبلكم لان انه وفاطمة اكلنه اجت صديقتها نبأ واتغدينا سوة
سيف :يمة اني موكلت هاي البنية مااحبها ولا ارتاحلها احسها ملعبة وفاطمة طيبة خاف تخربها يايمة
الام:يمه هي هاي فد صديقة لاختك شتسوي يعني ماتكلي يلة صبيت تفضلوا
سيف تغدينا اني وابوي وشربنة جاي
ب5ونص طلعت للكوفي يم الولد كعدت شوية وشربنة عصير كلمن حاير بحبيبته اكللهم هلكد تحبون لعد ليش متتزوجون يكللولي ذني انكضي بيهن وكتنة واني اكللهم حرام بس محد يسمع المهم ب7 رجعت للبيت
شفت امي تسوي عشة
سيف :يمة ليش انت تسوين العشة وين فاطمة
الام: يمة داتقرة تدري هلسنة تريد معدل
سيف :ماشي يمة اني صاعد من تكملين صيحيلي
صعدت مريت على اختي لكيتها غارقة بلكتب 
سيف :هاي شنو ولج شمسوي بنفسج
فاطمة : والله تعبت من القراية
سيف :مو كتلج خلي اخليج كلية اهلية السنة الفاتت مقبلتي اكليها لعد
فاطمة :خوية اني اريد اصير دكتورة بذراعي مااريد اكعد وي اهل الثمانينات سوة واني حقي اكثر فخليني الله يخليك
سيف: ماشي ماشي
رحت الغرفتي وبدلت صاحت امي واتعشينة فاطمة مانزلت للعشة
الام: ياربي من هاي البنية موتتني صارلها من العصر مماكلة  شي و ين انطي وجهي
سيف : اهدي يوم خليلها اكل واني اوديلهيا للغرفة وخليها تاكل غصب بعد تأمرين على شي يلغالية .
الام:الله يخليلياك حبيبي هاك يمة هاي الاكل
سيف اخذت الصينية وصعدت لغرفة فاطمة شفتها شلون  ماخليتها قبل العشة
سيف: يلة كومي اكلي اليوم غصب تاكلين
فاطمة : خوية والله ماعندي مجال
سيف :كوميي اكليي لاتعاندين بصياح
فاطمة والعبرة ببلعومها :ماشي ماشي راح اكل 😦😦
سيف :عفية
رحت شوية صفحت بلموبايل
امي :سيف يمة باجر عود نزل الهاون الجبير جوارينة يردونة
سيف: ماشي يوم ان شاء الله
نمت وماكعدت اله ب8 شبعان نوم
غسلت وبدلت ونزلت اتريك اتريكت وخلصت رحت للسوق ونسيت الهاون
دك موبايلي شفت هذا ابوية رديت
ابوي : سيف احنه بلمستشفى
سيف : قلبي وقع عبالي ابوي بي شي كتلة يابة شكو
الاب : امك رجلها انكسرت وداانجبرها
سيف : ماشي يابة بيا مستشفى
الاب :مستشفى ال...
سيف : جاي جاي يابة
كلش خفت على امي هاي روحي من الدنيا كلشي ولا يصير بيها شي
دخلت للمستشفى وشفت امي رجلها مجبرة سألت الدكتور كلي 25 يوم  يلة تشيلها
رحت عليها شفتها تعبانة وصايرة صفرة
سيف:يمة شبيج زينة !!
الم :زينة يمة لا تخاف
سيف :كتبلنة الدكتور خروج طلعنا امي وطلعنه للبيت
شفت فاطمة ميتة خوف و واكفة بلباب شافت امي كامت تبجي  كعدنا امي بلغرفة وريحناها وكلت لفاطمة تبدللها بس استغربت فاطمة مردت علية ودارت وجها   المهم اني طلعت من الغرفة فد شوية طلعت فاطمة وهم محجت وياي راحت لغرفتها رأسا رحت وراها لكيتها تبجي كلتلها شبيج محجت
سيف:فاطمةةةة تحجين لو شلون
فاطمة :اطلع منا انت السبب بكسر رجل ماما لو مطلع الهاون قبل متطلع جان مانزلته ماما ووكعت وانكسرت رجلها
سيف :ضجت من روحي لان امي كالتلي بس اني نسيت 
نزلت جوة لغرفة امي شفتها كاعدة تون من رجلها من شافتني سكتت متريد تبين انو هي متأذية
سيف بدموع كعدت يمها : يمة ليش مكلتيلي انو بسبب الهاون انكسرت رجلج الله ياخذني من وراية امي انكسرت رجلها دااحجي وأضرب على راسي لزمتني امي
الام: يمة لاتكول هيج قدر ومكتوب لازم يصير لاتبجي وتضوج نفسك
سيف : آسف يمة اعتذر سامحيني وابوس بأديها
الام : لاتعتذر يمة ليش انت شعليك يايمة
يلة روح ارتاح 
سيف صعدت لغرفتي وبلكوة نمت لان انقهرت
كعدت الصبح شفت جايتني رسالة على الماسنجر  شفت صورة خلت شياطين الدنيا تطلع من عيني
سيف بصوت رج البيت رج :لجججججج فاطممممممةةة اليوم اموتج
يا ترى شنو بلصورة ان شاء الله نعرف بلبارت الجاي
مع تحياتي (بنت العراق )