فاطمة شرطي هو انه كلما اضربك انته هم تضربني حته اني هم اعرف منو اصادق والمن اصادق
سيف :لالالاا اني مااكدر اضربج بعد الي سويته وياج اريد اتعاقب حته اتوب حته اتعلم وبعد مااتسرع
فاطمة :واني كلتلك شرطي ومااعاقبك الا توافق
سيف:عادي اروح اني اعاقب نفسي واكيد راح يكون عقابي اقوة من عقابج
وكمت اريد اطلع من الغرفة وصلت للباب وصاحتني
فاطمة :لالالا تعال امري لالله اضربك احسن مما تضرب نفسك وادري بيك هواي قاسي على نفسك
سيف :ماشي اجيت
رحت عدلت كعدتها على الكرسي وانطيتها السوط ونزعت قميصي والفانيلا وبقيت بلبنطرون كتلها يلة
فاطمة :خوية هاي شنو انته مو معاقب نفسك بعد شكو يا خوية متكلي
سيف :اي بس هاي اني سويتها متأذي اريد هسة انتي تضربيني حته هم يبرد ضميري وهم يبرد قلبج
فاطمة 😢😢:خوية حسبالك يبرد قلبي بضربك واذيتك لاوالله لا انه اتأذه بلزايد بس شسويلك امري لالله بس والله والله اكثر من5 ضربات مااضرب خلي يكون بعلمك ماشي
سيف :ماشي انتي بس ضربيني وانه راضي بكلشي
شالت السوط وقبل لاتضرب كللها :ضربي بقوة فاطمة بقوة مو بضعف اريدج قاسية علية
فاطمة😢😢😢ضربت بضربة بلنسبة الي قاسية بس هو قال :هاي مامحسوبة هاي مو قاسية اقسي اكثر
ضربته ضربه كلش قوية
قال :اني آسف فاطمة آسف اتمنى تسامحيني اعتذر منج
وكملت ال5 ضربات و ورة كل ضربة يعتذر مني
لما خلصت دموعي خلصن
راد يلبس قميصة كتله :لا سيف لا هسة تأذيك تعال
لاتلبس عاف القميص واجه يمي كعد اني على الكرسي قاعدة وهو قاعد على القاع
فاطمة :سيف اريد اطلب منك طلب
سيف:فاطمة انتي تأمرين أمر مو تطلبين
فاطمة :هسة وكت المرهم مال رجلي جيبيلي ياه بلمجر المرهم الاحمر
سيف :حاضر رحت جبته اخذت رجله حته ادهنلها
مقبلت كالت انطيني ياه
اخذته وكامت تدهن على جروحي اي فاطمة تعالج جروحي حتى لا اتأذة
ردت اوخر
فاطمة:سيف انته كلت تأمرين فخلي اخلص شغلي
سيف 😢😢 ماشي
خلصت وكتله اريد انام اخذني لفراشي شالني خلاني بلفراش وغطاني وهو فرش بلقاع يمي كتله تعال نام يمي مو زين عليك
سيف:لج فاطمة انتي شكد طيبة واني شكد حقير
صعدت يمها هي ادنت وطبت بحضني صارت تتلمس جروحي كتلها:فاطمة عوفيهن
فاطمة :لا مااعوفهن وجروحي اخوية وبكيفي
سيف :اخوج وجروحه وروحه هم بكيفج خوية
صارت تبوسهن وحدة وحدة لحد مانامت واني نمت كعدت على صلاة الصبح لكيت فاطمة بعدها بحضني
وخرتها فزت من شافتني يمها رأسا غطت راسها خايفة مني :ها سيف شكو شتريد 😢
سيف:اهدي خوية موجنت نايم يمج البارحة
فاطمه واتذكرت الي صار البارحة
فاطمة 😢😢😢الله يكسر ايدي الله لايوفقني شسويت بيك هيج وكامت تضرب ايدها حيل بلسرير
اخذت ايدها وبستها كتلها :لا تزعلين انتي سويتي اكثر شي ممكن يكون مفيد الي
وكمت حته اصلي
فاطمة :سيف....هااا...اتمنى تنسى كولشي ونبدى حياتنه من جديد ماشي
سيف :تأمرين
فاطمة :يلة لعد تعال وديني حته اتوضة واصلي
وديتها توضت ورجعتها
كامت تصلي اني كملت صلاة هي بعدها ممخلصة
خلصت بس شوية طولت
سيف:هاي شصليتي هنة كلهن ركعتين
فاطمة:لا مو جنت ناذرة بس تجي اصلي ركعتين لام البنين على سلامتك
سيف:سلام الله عليها
فاطمة :اكول سيف ترة الامتحان بعد اسبوعين وانته توصلني للامتحان ماشي
سيف :على راسي وعيني
فاطمة :سالم راسك
سيف يلة لعد رجعي نامي
فاطمة اي راح انام لان ب9 عندي جلسة علاج فيزيائي
سيف :ماشي ماشي .......
يتبع في البارت القادم
مع تحياتي ( بنت العراق )
أنت تقرأ
الدكتورة والضابط
Randomقصة فتاة عادية عايشة حياتها بكل هدوء حتى دخولها كلية الطب ياترى شصار وياهاا (القصة خيالية )
