ح 2
حوطها بايديه هبط بيها للوطا ... يخزر لبقعة الدم لي نزفو من بوها ... كبس ع راس شمس متأسف... وخرج ... الاسعاف مشات للكلينيك... سامية في ثنيتها للمخفر تعطي اقوالها ومن ثم للحبس... قلبها وعقلها عند شمس لي خلاتها وحدها في صغر سنها وفالوقت لي تكون في امس الحاجة ليها مشات وخلاتها... اما عندها احساس الي شمس باش تعيش حياة سعيدة واحسن من الحياة لي كانت باش توفرهالها هي... اي هذا احساس الامومة اقوى احساس فالعالم... .... بعد يوم طويل ومتعب برشا...رجع حكيم للفيلا ... هز شمس في ايدو ... راسها ع كتفو راقدة... اياس فالجردا يقرا في كتاب باللغة الفرنسية... خرجت سينا هز قهوتها في ايدها... قعدت بحدا اياس... -سينا: حبيبي شقاعد تعمل!!.. -اياس: غلق لكتاب ... نقرا في كتاب جابهولي بابا... بابا لتو ماجا!!... -سينا: خزرت للمنڨالا وقتو ع الاغلب تو يجي... سمعو الباب تحل... -سينا: يمكن هو لي جا نمشيو نستقبلوه... _شدلها في ايدها ومشاولو ابتسامة ع وجوهم كيف كل مرة... -اياس: يجريلو...بابااا حبيبي... -حكيم: اياااسو ... طبسلو ... حضنو بايد وحدا ... -اياس: بابا!! شنوا هذا... -سينا: ع سلامة عزيزي... مستغربة حكيم شنوا هذا لي في ايدك... -حكيم: قنبلة .. بربي شنوا قاعدين تشوف فيها... بنية صغيرة ... عفيفة!! اعملي حليب لصغيرة... - حاضر... دخل لصالو ... اياس وسينا خلطو عليه... شمس حلت عينيها... حطها بحداه... تخزرلهم بالواحد تفركس ع وجه سامية من بيناتهم... قوست فمها للوطا ... عينيها تعمرو دموع... باش تبكي... _حكيم: هزها ... اششش ماتبكيش يا روحي... -سينا: ع اعصابها...حكيم قول حاجة شكونها هاذي ومنين جبتها... -حكيم: اليوم لقينا القبض ع امها لي تسببت في قتل بوها ع الاغلب بوها انسان متخلف وحاب يتعدا ع الصغيرة ... -سينا: حطت ايدها ع فمها اللطف يا ربي ... -حكيم: وكوني لمعلم انا لي باش نتكفل بيها .. باش ظل لليلة هوني غدوة ناخذها لمركز رعاية الاطفال ... -سينا: خزرتلها بشفقة سخفتها ... ياروحي مسكينة ... -تفضل سي حكيم لحليب.. -سينا: اعطيني انا نشربها... هزتها سينا فرحانة بيها ع لخر وزعلانة ع حكايتها لي تبكي لحجر في نفس الوقت.... شربت شمس حليبها ودموعها في رموشها... -اياس بين ايدين حكيم... مشا بحدا سينا واقف ع راس رجليه...يطل ع شمس ... -حكيم: نمشي نبدل دبشي ... -سينا: باهي... خزرت ل اياس... حبيبي عجبتك هالصغرونة شوف ايديه قداش صغار ... -اياس: حرك راسو اي... نجم نهزها... -سينا: لا... اما تنجم تلعب معاها... حطتها ع الفوتاي ...قعدو يلعبو معاها... شمس ماحبتش تضحك وقاعدة كان تخزرلهم بعينيها لكبار زرق لي ياخذو لعقل تحك فيهم باش تبكي... هزتها سينا طبطبلها ع ظهرها... بحركة من شمس قاستها ع الجرح... _سينا: اااه تقسحت... -حكيم هبط فالدروج يرا سينا تتوجع ... خطف شمس من ايدها... -حكيم: عزيزتي انتي عملتي عملية لازم تردي بالك ع روحك... بربي ماتخلينيش كل مرة نعاود كلام الدكتور... -سينا: باهي يا روحي ماتغشش... - اياس يلعب بالقطار عامل جو مع روحو... -سينا: اياس عزيزي ... طير لفرشك غدوة تقوم بكري... -اياس: حاضر ... تصبحو بخير..طلع يجري كتاب في ايدو... -حكيم: سينا انتي زادة تعبتي برشا... -سينا: مسحت ع جبهتها اي صحيح... عفيفة!! -نعم مدام... -سينا: حضري فرش اياس لقديم باش ترقد الصغيرة ... - حاضر ... حطها حكيم ع الفرش... راقدة كيف الملاك... سينا واقفة عند راسها تخزرلها... -سينا: ابتسامة ع وجها...ريت ماحلاها ...وماحلا برائتها ... يا روحي... مسحتلها ع شعرها... -حكيم: الظاهر فيك حبيتيها... -سينا: خزرتلو اي والله برشا زادة دخلت في قلبي كاينها قطعة مني... تسخف مسكينة صعيب تواجه الدنيا من غير ماتسند ظهرها لحد... دخل حكيم تحت لغطا يخزرلهم... -حكيم: عزيزتي ايجا ارقدي لازم ترتاحي... -غطات شمس و دخلت تحت لغطا... حطت راسها ع ايدو... -حكيم: الجرح ماعادش يوجعك!!... -سينا هبطت راسها... دمعة سخونة خرجت من عينيها ... -حكيم: سينا علاه لبكا تو!!... -سينا: حكيم انا معادش نجيب صغار جملة ... طرشقت بالبكاء... -حكيم: سينا يا روحي... صحيح ستأصلولك الرحم اما هذا موش يعني مانجموش نزيد صغير... -سينا: اما كيفاش !! ... -حكيم: نجمو نتبناو بنية ولا ولد... -سينا: تبسمت تحكي بجدك!!... -حكيم: اي كان حبيتي بالطبيعة... -سينا: حضنتو اكيد نحب... بعدت عليه نحب ع لبنية لي راقدة غادي ... نحبها تكون بنتنا واخت اياس ... -حكيم: لي تقول عليه مرتي الغاليا .... . رجع حضنها من غدوة نبدأ فالاجراءات
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
