ح 57
طلع للكرهبة مغزل لي قاعد يصير موش بالساهل يتقبلو لعقل... اما هو مستانس بالهموم .. خبط ظهرو للمقعد ... نفخ ع حكايتو ...تليفونو رجع نوڤز... هزو (سينا) ...
-اياس: نعم امي ... شفما!!... شبيها شمس تكلمي!! ... شغل الكرهبة باهي خليك معاها هاني جاي... علق ..اااخ منك يا شمس... زاد فالسرعة.. وصل للفيلا .. وقف الكرهبة هبط يجري... طلع دروج بالخطوتين... -اياس: امي شمس ويني !! .. شنوا صار...
-سينا: ولدي كيفاش تخبي علينا موضوع كيف هذا... احنا عايلتك ومن حقنا نعرفو باش نعملو اللازم
-اياس: ع شنوا قاعدة تحكي موضوع شنوا...
-سينا: هزت الورقة في وجهو ... في بالك مخبيها وحد ماينجم يعرف ... التهاب وصل لقلبك... كون تبقا ع الحالة هاذي باش تموت نسيت شنوا قال الدكتور آخر مرة علاه هكا ...
-اياس: كبس ع شفايفو مغزل... امي انا لباس ماصارلي شي فشقام هذا الكل...
شمس في بيتها راقدة طبيب يفحص فيها ...
-خرج من بيتها يلقا سينا واياس...شمس بخير جوست ضغظها طلع وكهو لازم ترتاح شوي...
-دخل اياس عندها... قعد ع كرسي بحداها شدلها ايدها..
-اياس: شمس حياتي انتي خوفتيني عليك برشا..
-شمس: ايا... س...
-اياس: تبسم كيف سمع صوتها... باسلها ايدها يا روح اياس ... .انا بحداك يا عمري ..
- حلت عينيها بلعقل... عينيها تعباو دموع مدت ايدها وطلعت راسها ..باش تحضنو...
-قربلها هو زادة وحضنو بعضهم بقوة كاينهم عندهم قرن ماراوش بعضهم ... اي هذا هو الحب ... كبشت فيه غرست وجها في رقبتو تبكي ع كتفو...
-اياس: يمسح ع شعرها... قلبو تقطع عليها... شمس يزي مالبكا يعيشك.... تقولش عليا مت... بعد عليها شدلها وجها بين ايديه...مازلت معاك يا روحي ... ومانيش باش نخليك وحدك ...
-شمس: وعدني باش ظل طول عمرك معايا وباش تتعالج وترتاح انا مانجمش نعيش من غير ...
-اياس: باسها ع شواربها بوسة خفيفة باش يهديها..نوعد صاي امسحي دموعك مانحبش نرا فلوستي تبكي...
- سينا؛ دخلت بلعقل... بنتي صيرت مليحة!!...
-شمس: اي امي ايجا...
-قعدت سينا بحداها.. حطت شمس راسها ع حجر امها و مكبشا في ايد اياس... تحس بالراحة عامت في بدنها .. آخر دمعة حصلت في رموشها... تستحلا بجضن امها الدافي وايدين اياس لحنان ...غمضت عينيها رقدت....
-اياس: طلع عينيه يرا سينا موش قد بعضها.. امي انتي تعبتي تنجمي تمشي انا تو نبقى معاها...
-سينا: باهي نمشي نطل ع حكيم قبل مايمشي وخرجت...
قام اياس م فسخ جاكيتو حطو ع الكرسي لي كان قاعد عليه وتسطح بحداها... حطلها راسها ع صدرو .. يخبشلها فشعرها بحنية... حط دقنونتو ع شعرها يخزر للفراغ .. يخمم في وحلتو والهم لي فوق ظهرو ... وشركتو لي ضاعت من بين ايديه... شنوا باش يصير .. وشنوا الحل ... طلع راسو باش ياخذ نفس مانجمش صدرو مكبوس عليه ... كان ينجم يفتح الشباك يشم هوا اما خاف لايفيق حبيبة قلبو لي راقدة بحداه...
...
-سينا: حكيم!! وين ماشي!! ...
-حطيم: يلبس في جاكيتو ... تصلو بيا من المركز لازم نمشي
-سينا: تعدلو في جاكيتو...حكيم عزيزي انت مخبي عليا حاجة... -حكيم: خزرلها.. لا شعندي نخبي عليك...
-سينا: قربتلو اكثر تنفضلو ع كتفو... سمعني كان فما مشكل مقلقك ماتخبيش عليا همك هو همي ... نسيت وقت وعدنا بعضنا نتحملو لحلوة والمرة ومانتفارقوش جملة..
-حكيم: جبد روحو عليها... بكل برودة تصبحي بخير هاني ماشي مانيش باش نرجع الليلا... وخرج ...
-سينا مسحت ع رقبتها مغزلا لهدرجة موش طايقني... تخزر للفراغ الوضع زاد عند حدو... هزت صاكها وخرجت تبع فيه... ركبت في كرهبتها ...
-مدام سينا تحب نوصلك!! ...
- سكرت الباب ومشات حكيم لول وهي تبع فيه...
-سينا: تو نشوفو شنوا مخبي عليا ...
....
حلت شمس عينيها بلعقل حطت ايدها ع كرشها تحس بالجوع لخاطر نهار كل ماكلات شي... هزت راسها اتلقا ياس راقد... قامت بلعقل بحركة منها طيحت الجاكات فالارض... هزتها تلقا الظرف يطل من جيبو ... هزتو تقلب فيه.. خزرت ل اياس رجعت خزرت لظرف...
-اكيد شي يخص مرضو فضولها خلاها تهز pc متاعها وتحط cd في قلبو ... شغلتو الفيديو ... وكانت اكبر صدمة عاشتها في حياتها... صدمة اكبر من حكاية التبني وحكاية مرض اياس وحكاية قتل قيس وحكاية خطفها... تخزر بعينيها ع عرضهم ...شمس راقدة وحسام فوقها يبوس فيها وهي مطاوعاتو (وقت كانت تسرقلو في تليفونو هو حط كاميرا في بيتو لخاطر اميرة خبرتو الي شمس باش تعملو فخ) ... عينيها خرجو من بلاصتهم ... حطت ايدها ع فمها موش مصدقة لي راتو كون يلقاه اياس اكيد باش تكون موتي ع ايدو هو مستحيل يتحمل المنظر هاذا...ايدها ترعش داخلا في حيط همها الوحيد انها تتخلص من cd قبل مايراه اياس جبدتو وقامت من فوق الكرسي ...
-اياس؛ حل عينيه... حبيبي!! ..
-كيف سمعت صوتو ضربت فيها الصاعقة خباتو ورا ظهرها... توتر والخلعة مستحوذين ع تعابير وجها... بلعت ريقها...
-اياس: شمس!! شبيكي!! خزر لبدنها كيفاش يرعش ... عقد حواجبو شنوا في ايدك...
-شمس: اممم اا لا شي بلعت ريقها...
-قام اياس قربلها يخزر في عينيها اكيد.فما حاجة مخبيتها عليا وحاجة خطيرة برشا... قرب بصدرو لصدرها حصرها فالطاولة... مد ايدو ورا ظهرها شدلها ايدها صغرونة ... فسخلها cd...
-اياس: شقاعد.يعمل عندك!!...
-مدت ايدو باش تخطفو ...
-جبد ايدو لتالي ... خزر لل PC ... طلع حاجبو
-اياس: ديجا شوفتي شنوا فيه...
-شمس: اياس امانك عطيهولي cdهذا يخصني ...
-كلامها زاد فضولو اكثر...
-شمس: اياس ماتشوفش شنوا فيه ...
-جبدها بعيد وقعد ع الكرسي فتح pc... وحط cd... تكا للكرسي بظهرو ..
-شمس قعدت ع الفرش طرف الفرش تبكي
أنت تقرأ
اختي عشيقتي N.B (مكتملة)
Acciónتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
