ح 55
طلع الصباح ع ملاك قاعدة ع الكرسي سيڨارو في فمها... طفاتو ... خزرت للمنڤالا قامت ... غسلت وجها غيرت دبشها... وخرجت... طلعت فالكرهبة ومشات بسرعة كبيرة مغزلة....
.....
شمس حلت عينيها تلقا اياس بحداها... راقد ع كرشو في سابع نوما... محضن المخدة شعرو مفرفش
- تبسمت جبدت تليفونها خذات سيلفي (تلقاوه للوطا👇) بعدت لغطا بلعقل باش تقوم...
- شدها من شعرها جبدها عندو ...
-شمس: اياااس شقاعد تعمل...
-اياس: ماشيا من غير ماناخذ بوسة متاعي...
-شمس: باهي سيبني...
-سيبها وتقلب ع ظهرو... رجعت حطت راسها ع كتفو... طلعت راسها باستو من خدو ع لحيتو...
-اياس: هاذي بركا!! ... تلفتلها شدها لبزلها خدودها شواربهابعدو ع بعضهم( كيف متاع البطريق) ... يضحك ع شكلها... تخبط في صدرو ... عضها من شفايفها بلعقل طوطهم... دخل لسانو في فمها وطلع فوقها...
....
وصلت ملاك للحبس... دخلت لقاعة الانتظار... شوية دخل حسام
ايديه مكلبشين ظاهر عليه التعب...
-شمس: سي حسام لباس!!...
-حسام: موش مهم اذا كنت لباس ولا لا... اقعدي حاجتي بيك...
-ملاك: قعدت ترجف بكلها... بابا شنوا حوالو... -حسام: صادق فلكلينيك البارح طلعلو الضغظ وفقد الوعي...
-شمس: مفجوعة...شنوا قلت ... قامت باش تمشي...
-حسام: قام شدها من ايدها دورها ... انتي لازم طلعينا من هوني يا ملاك ... امشي عند كرم قولو حسام حاجتو بيك كان هو ينجم ياقف معايا... و يطلعنا مالزبالة لي قاعدين فيها خبط الكرسي بالغزول ...
-ملاك: حركت راسها باهي تهنا لازم نطل ع بابا وزطمن عليه... هزت صاكها ومشات... طلعت فالكرهبة... حطت الكيت في وذنها.....
......
كرم مع امجد ولدو فالحديقة عاملين جو... تليفونو نوڤز... شنف يخزرلو (ملاك)، ...
-كرم: نعم!!
-ملاك: كرم انت وينك...
-كرم: تبسم ع جنب مع ولدنا شنوا تحبي!!... قلبت عينيها فالسما
-ملاك: قتلك وينك موش مع من قاعد...
-كرم: في حديقة***...
-ملاك: باهي اقعد غادي... علقت ... زادت فالسرعة...
...
-كرم: رجع تليفونو لجيبو شنوا تحب مني زادة ... امجد اضرب الكورة ...
وصلت ملاك للحديقة ... تلفتت تلقا امجد وكرم يلعبو مع بعضهم...حطت لينات هبطت وطربڨت الباب ... قربتلهم ... كيف راها كرم طلب من امجد باش يلعب وحدو...
-كرم: نعم شفما !!...
-ملاك: كرم حاجتي بيك ايرجو ...
قعدو ع الكرسي... بابا وحسام فالحبس...
-كرم: ملامح وجهو تغيرت شنوا!! يزي مالتفدليك البارح بركا تقابلنا انا وسي حسام ...
-اميرة: اصلا البارح ع 2 متاع الصباح شدوهم
بالكمشة يهربو فالسلعة ع المينا...
-كرم: مالا وحلا طاحت ع روسهم... ڨحرلها شنوا المطلوب مني...
-ملاك: سي حسام يحب يشوفك ... اكيد باش يطلب منك تعاونو باش يخرج من غادي...
-كرم: باهي انا تو نتصرف ...
_ملاك: نعمل عليك...
-كرم: قتلك تو نشوف شنوا يطلع بايدي نعملو...
-ملاك: مشيلو في اقرب وقت ...قامت ومشات من غير ماتخزر لولدها...
-كرم: امجد يالا حبيبي صار لازم نمشيو...
....
قام اياس غسل وجهو وخرج ... يلقا اوراقو ع الطاولة هزهم بسرعة خباهم في قجر ...
-شمس: تلبس في دبشها. شنوا هذا لي خبيتو...
-اياس: شي فيسع امشي لبيتك قبل مايراك حد...
-شمس: باهي ... خرجت من بيت اياس لبيتها... خذات دوش وخرجت لفا بدنها ببشكير... تغني ديسباسيتو... وتشطح فرحانة ع لخر... سرحت شعرها حطت شوي مكياج جبدت روباتها لبستها ... سمعت صوت اياس يكح... ضربت فيها سكتا...من غير ماتتردد مشات عندو ...
-شمس: دق الباب اياس!! اياااس!! ... حلت الباب... دخلت تسمع فيه فصال دوبا يكح طل عليه بلعقل ... حطت ايدها ع فمها ...
-شمس: اااه اياس شنوا هذا فيسع نمشيو لكلينيك ..
- تلفتلها وجهو كلو بالدم ... دزها لتالي وسكر الباب في وجها ورجع يكح يرد فالدم ويغسل في فمو...
-شمس: اياس افتح الباب... اياااس... اففف يا ربي... اياس انت بخير...
-فتح الباب وجهو اصفر لعرق ع جبهتو...
-شمس: لباس !! اياس قول حاجة!! ...
-اياس: مغزل من حالتو ومن كلام شمس لي قاعد يتعاود...شنوا يا شمس بربي خليني فك عليا... فسخ مريولو مطلي بالدم ولبس وحد آخر... فتح الباب وخرج...
-شمس: خلطت عليه اياس ستنا... شدتو من ايدو دورتو عندها... انت لازم تمشي عند الدكتور...
-اياس: تبسملها ڨرصها ع خشمها خايفة عليا ...
-شمس: نطرتلو ايدو تتمقلس عليا... نحكي بجدي راهو حالتك قاعدة تزيد...
-اياس: مافما شي يخوف يا روحي انتي ريحيلي روحك وانا اكيد باش نكون مرتاح... مسحلها ع شعرها ردي بالك ع روحك.. وخرج ...
-شمس ميلت شواربها ع جنب متأسفة لحالتو ... رجعت لبيتها قبل ماتدخل مشات لبيتو دخلت تمشي بلعقل... فتحت قجر... تفتش ياخي لقات وراق فوق بعضهم... هزت تقرا فيهم...
-حطت ايدها ع فمها عينيها عراضو ... باش يخرجو ويثقبو الورقة ... دموعها سبايح ...
-شمس: ا.. اياس... طاحت فالقاعة حطت الورقة في حجرها موش مصدقة لي قراتو ... موش مصدقة عينيها... تحس دنيا دور بيها...
-شمس: نهارت بالبكاء مستحيل مستحيل ... تبكي بالصوت... سندت راسها لطاولة تبكي بحرقة تحس قلبها يحرق
أنت تقرأ
اختي عشيقتي N.B (مكتملة)
Acciónتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
