ح 29
صارلو اكثر من جمعتين مارقدش...يمشي بخطوات ثقال... شد بلاصتو هز سيڨارو وقعد يحرق فيه بلهفة ... يحسب فالدقيقة بالدرج...
....
-وصلو اهل(ام و بو) كرم للفيلا ...رحبو بيهم سينا وحكيم ترحيب يليق بيهم...دخلو الصالو...
-هبطت شمس لابسا روبا حمرا طايحا ع الكتاف تتكركر شعرها لمتو ومكياج خفيف طالعة تحفونة ع لخر... سلمت عليهم وقعدت بحدا حكيم...
- ابتسامة ع وجوهم الفرحة خارجة من عينيهم يخزرو ل شمس لي قاعدة مهبطا راسها حشمانة.....
-شمس ساعاساعا... تخطف خزرة زوز لكرم لي طالع ياخذ لعقل بكوستيمو وشوميزتو لي طالعين ع بدنو جوست... بعدما حكاو فالتفاصيل ... جبدو خواتم...
- شدلها كرم ايدها حط الخاتم وباسها ع خدها...
- هي زادة هزت خاتمو وحطتو في صبعو..
-حكيم: كلش مبروك لعقوبة للعرس نشا الله...
-كرم: يبارك فيك سي حكيم صيرنا عايلة وحدة... ..
....
تعداو الايام ...وفا شهر سبتمبر وعقوبة اياس وفات معاه... واقف فالمرايا يقد في لحيتو...سمع صوت يناديلو...
- اياس شاكر...
-اياس: خزرلو نعم...
-عندك زيارة...
-اياس: حط المقص مسح ع لحيتو وشعرو بايده زوز نفض دبشو ومشا معاه...واخيرا ... دخل لغرفة زيارات...
ستقبلتو سينا بحضنها لي مافماش ما ادفى منو بالدنيا... حضنها هو زادة باسها ع جبهتها ...
-اياس: يزي مالبكا يعيشك امي هاني بخير... خزر للفراغ شمس ماجاتش معاك!!...
-سينا: تمسح فدموعها... لا ماجاتش...
قعدو ع الطاولة...
-اياس: شمس بخير لايكون صايرتلها حاجة ومخبينها عليا...
-سينا: لا يا عمري بالعكس حالتها تحسنت صارت خرمن قبل...
-اياس: ردين بالكم عليها!! ...
-سينا: اي هي بخير قاعدة تحضر...
-اياس: قلبو تكبس... شعندها تحضر...
-سينا: تبسمت...نسيت ماخبرتكش شمس تخطبت والشهر الجاي تعرس ب كرم...
- اياس جمد في بقعتو يحس لي دايرين بيه لكل جمدو... يمكن حتى منڨالا لي في ايدو جمدت نفسو تقطع وذنيه تصمو بدنو تشل... لسانو تلعثم... قلبو سكت... روحو بردت كاينو تكب عليه سطل ماء بارد... شواربو بعدو ع بعضهم صدمة قوية مانجمش يستوعبها ويتقبلها حس روحو في كابوس... لي قال عليه صادق لكل باش يصير شي بشي... جبد ايدو من فوق ايد سينا... ...
-اياس: ش..شنوا!
-سينا: الشهر لي تعدا جا كرم خطبها...وبالطبيعة نحن وافقنا لخاطر كرم انسان مافماش منو...
- حط راسو بين ايديه ... يحك في راسو بصوابعو مغزل دمعة ع الحافة باش طيح ...قلبو يحرق كلام صادق يتعاود في راسو مخلط مع كلام لي سمعو قبل بشوية ... خبط الطاولة مغزل وقام خرج...من غير ما ينطق بكلمة
-اياس: نجم نعمل مكالمة مهمة...
-الحارس: في ايدك 2 د... -اياس: هز تليفون الحبس وطلب صادق... نعم معاك اياس... انا موافق ... موافق نعرس ب ملاك اما بشرط تطلعني من هوني اليوم قبل غدوة ... باهي وعلق...
-ايدو معلڨة شادا فالتليفون... مهبط راسو عض ع شفايفو باش يخرج من رحمة ربي قلبو يغلي ...شيطان واقف مش اياس لي تعرفوه جملة طلع راسو غلغل صوابعو في شعرو ونفخ من قهرتو.. رجع مع صحابو ...
....
شمس كيف ماتعرفو تحضر لعرسها... خرجت مع كرم عملو جو تغداو... وشد صحيح باش يرجعها للفيلا قبل المغرب... هبطت شمس من كرهبتو .. هبط هو زادة ...شادين ايدين بعض...
- دقت الباب... درج وتفتح الباب... طلعت راسها عينيها طلعو قلوب😍...
-شمس: اااه حلت فمها... اياس!!...
-بلع ريقو بالغزول خزر ل كرم هبط عينيه لايديهم لمشبكة...
-كرم: ع سلامة اياس الحمد الله ع سلامتك... كلش مبروك...
-شمس تخزرلو لقاتو يخزر لايديهم...جبدت ايديها عدلت شعرها...
-سينا: اااه شمس ...عسلامة كرم علاه واقفين عند الباب تفضلو...
-تعدا اياس من بيناتهم بوجهو للكرهبة...
-شمس دورت تخزرلو حتى مشيتو كيف الثور الهايج... كيف طربڨ باب الكرهبة تنفضت ... ...
-يخبط فالفولو بايدو مغزل ... حالتو تو مايعلم بيها كان لي خلقو... منظر شمس وكرم مع بعضهم خلاه يتحرق بالحق في نار الغيرة ماخلات في عقلو حتى طرف... باش ينفجر ... باش يتجلط... باش يموت ماينجمش يقعد يتفرج فيهم من غير مايتحرك... وقف الكرهبة ع جنب الكياس...طفا ضو الكرهبة قاعد فالظلام ... كابس ع الفولو باش يطيرها من بقعتها... خبط راسو للفولو طرشق بالبكا خرج لي في قلبو الكل...
....
قعدو لكل مجموعين ع الطاولة...
-شمس: اياس مشو جاي ع العشا!!...
-سينا: ماظنيتش كولو من غير ماتستنوه ع الاغلب باش يقابل صحابو يبدل الجو ويتأخر فالرجعة......
-شمس: امم.... 😏مايسالش الحاصيلو تو بجنبنا...واخيرا كملت فرحتي بعدما خرج اياس مابقا شي يقلقني...
-كرم: الحمد الله واخيرا ريت ضحكتك ...
-حكيم: ياخي لتو ماقررتو وقتاه نفرحو بيكم ... مشكلة اياس تحلت تنجمو تحددو يوم العرس باش نحضرو نكونو جاهزين
-كرم: عمي حكيم انا جاهز في اي وقت... خلي شمس ترا اليوم لي يناسبها وانا نتكلف بكلشي...
-شمس: تبسمت حشمانة... باهي...
كملو سهرتهم يضحكو وعاملين جو...
-كرم: حط فنجان ع الطاولة و قام ...صار لازم نمشي...
-حكيم: ميرسي ع السهرة بالحق حلوة... عاودها عاد...
-شمس: خليني نوصلك للباب...
-كرم: تصبحو بخير... مشا لبحدا الباب يلبس في جاكيتو...
-قربت شمس تعدلو الكول وتقد فيه ...
- دخل اياس يلقاهم فالوضع هذا... الصعقة هبطت ع قلبو...
-شمس: اياسوو واخيرا تفكرتنا دخلت تحت ايدو ... تواحشتك
-اياس جامد كاينو تمثال مش حاسس بلي حواليه حتى لهوا معادش ينجم يدخلو لخشمو...
-كرم: شمس ردي بالك ع روحك نتقابلو غدوة... سي اياس تصبح بخير..
أنت تقرأ
اختي عشيقتي N.B (مكتملة)
Acciónتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
