ح 21
-وفا وقت الزيارة...
اكثر جزء يكرهو اياس ...مازال ماشبعش من صغرونتو و حب حياتو يحب يقعد شادلها ايديها لآخر يوم فحياتو... موش كان اللحظة ديكا بركا...
-اياس: طبس باسلها ايديها صغار لي بين ايديه المجروحين ولمخبشين... صار لازم نمشي ... ماتنسيش الي اياس يحبك .... خزرلها آخر خزرة لي كلها حزن وحب ولهفة وشوق وعذاب في نفس الوقت... قام من فوق الكرسي يهز في روحو بالسيف... ساق لقدام وساق لتالي ...
-شمس: قامت دموعها في عينيها ... اياس!!
-اياس: لحظتها باش يذوب قلبو حن كيف سمع اسمو خرج من فمها ديراكت لقلبو ... خزرلها عينيه مذبلين ... يا روحي...
-شمس: بصوت فيه بحا وحزن...ماتمشيش وتخليني ... شدتلو ايدو هيا نرجعو للفيلا مانيش ماشيا حتى ناخذك معايا
-اياس يخزرلها.... اول مرة يرا شمس ضعيفة ومستسلمة لهدرجة... يخزر لعينيها تترجا فيه مانجم يقول شي ... كون الوضع غير هاكا... هو مستعد يتخلا علي قدامو وراه ويمشي معاها لآخر الدنيا الحاصيلو يكون بجنبها وكهو...
-اياس: شدلها من كتافها ...شمس شي يوم باش نخرج من هوني ونرجع للفيلا بحداك انتي وامي ... اما للوقت هداكا نحبك تكوني قوية ... قوية اكثر من هك باش تعطيني طاقة كبيرة ونجم ناقف ع ساقيا شوية صبر يا روحي... قربها لصدرو باسها ع جبينها... هزلها ايدها باسهم مرة اوخرى...واضح كلامي
-شمس: شادتلو جاكيتو مكبشا فيه ... واضح...
-جبد روحو بلعقل ... الجاكات تبعد من بين ايدها بلعقل لين سيبتو دموعها سبايح...
- رجع اياس لزنزانة .. صورة شمس بدموعها ع خدها مرسومة في مخو مانجمش يمسحلها دمعتها ويزرع في قلبها الطمئنينة والراحة ... ماصاب كون يهز همها ويزيدو ع جبل الهم لي فوق ظهرو باش ترتاح شمس... لخاطر تحس روحها هي سبب...افكار كثيرة تحوم في راسو ... نفسو تقطع مانجمش يتنفس صدرو شاعل نار يحرق ويحرق ... يكح بلقوي... سند للحيط بكتفو يكح...يحس لقلبو يطلع ويهبط باش يردو مع الكح لي قاعد يكح فيه... عينيه لحمر زادة باش يخرجو من بلايصهم...... دم خرج من فمو...
- شدو الحارس قعدو ع الكرسي كاينو جثة راسو فالسقف صدرو يهبط من غير مايطلع...كح بلعقل وغمض عينيه... طلبو الاسعاف جات فيسع هزتو وطارو بيه لكلينيك...
راقد ع الفرش والحراس عند راسو...
حكيم وسينا كيف سمعو بالخبر سيبو مافي ايديهم وخلطو عليه قلبهم بين سنيهم خايفين عليه برشا ... ماكفاش خوفهم عليه فالحبس زاد تو مريض...
-سينا: حطت ايدها ع صدرها تلهث.. الخلعة والفجعة لي شدتها فشلتها مانجمتش تاقف...
- شدها حكيم يمشي فيها لين وصلو لغرفتو... دخلو عندو...
- اياس: يحرك في عينيه بلعقل... شمس!!...
-سينا: حطت ايدها ع ايدو ...ولدي يا روحي شنوا صارلك!!...
-اياس: دايخ.... ياخي وين انا! ...
-سينا: مدت ايدها تمسحلو ع شعرو ... انا بحداك... تبكي...طبست باستلو ايدو...
-حكيم مانجمش يتحمل المنظر هذا هبط راسو و خرج باش يتكلم مع الدكتور
-حكيم: دكتور انا بو لمريض.. طمني شنوا طلعلكم فالتحاليل...
-بصراحة وضعو خايب برشا ...عندو التهاب داخلي في صدرو والورم قاعد يطور وينجم يوصل لقلبو ولاسمح الله ينجم يتسببلو في جلطة قلبية لحظتها خرجت سينا سمعت آخر كلمة قالها
-سينا: شهڨت موش مصدقة لي سمعتو ...حطت ايدها ع فمها دموعها هبطو...
-سينا: ياناري ع ولدي... شنوا صار فيك يا اياس دكتور امان ماتخبي علينا شي ... قولي الي اياس باش يرتاح ويرجعنا بخير انا مانجمش نتحمل ...
-حكيم: حضنها يمسح ع ظهرها ...يواسي فيها وهو اصلا محتاج حد يواسيه...سينا عزيزتي طولي بالك... خليه يكمل كلامو... شنوا الحل دكتور كان لزم ناخذو يتعالج ف فرنسا...
- حاليا باش يظل هوني ... لازمو ياخذ علاج متكامل ويبعد ع اي حاجة تسببلو القلق ...ومن الاحسن يبعد ع الشرب والسيڨارو لخاطر توضحنا فالتحاليل الي نسبة الكحول مرتفعة برشا.. وهذا سبب رئيسي فالالتهاب لي عندو
....
شمس فالجامعة قاعدة وحدها تقرا في كتاب صحيح هي موجودة اما عقلها وتفكيرها وروحها عند اياس... نفخت ع حكايتها و غلقت لكتاب تلقا كرم واقف قدامها... ايديه في جيوبو...
-شمس: تبسمتلو... اهلا كرم صافا!!...
-كرم: صافا ...جيت هوني عند اختي صحر قلت نتعدا عندك نشوفك...
-شمس: يعيشك... اقعد ... تفضل
-كرم: مسح ع خشمو جبد كرسي وقعد...سي اياس شنوا حوالو!!...
-شمس: تنهدت هبطت راسها تلعب بصفحات الكتاب ..شوي شوي...
-كرم: طبس راسو يخزرلها... من غير ماتقلقي روحك اياس باش يسلك امورو ويخرج من الحبس في اقرب وقت...
-شمس: طلعت راسها متبسمة كاينها تشكرو ع دعمو اما كلامو ماغير شي ... لمت شعرها لتالي تنهدت تنهيدة من القلب... ماخص يا كرم...الفيلا ماعادش نطيقها حيوطها الكل مرسومين عليهم صورتو مانجمتش
-كرم: شوية صبر ...
-شمس: تحاول تبعد ع موضوع اياس قبل ماطيح دمعتها... وانت شنوا حوالك...
-كرم: مافماش شي جديد كالعادة... عملنا افتيتاح المشروع الجديد وكل شي ماشي مريڨل كيف ماخططلو سي اياس
أنت تقرأ
اختي عشيقتي N.B (مكتملة)
Acţiuneتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
