ح 62
رجع بالكرهبة لتالي ومشا من غير مايخزرلها جملة ... نطر عليها الغبار... عينيها ماترمشوش تخزرلو قلبها يحرق وضميرها يعذب فيها حست كاينو خذا روحها وقلبها معاه يمكن ماعادش تراه مرة اخرى...هبطت عينيها مستسلما للواقع... هي ركعت تحت ساقيه ...وكانت باش تقتل روحها حتى يسامحها شنوا تزيد تعمل... دموعها ماوقفوش .... لمت شعرها ع وجها ...كبشت في جاكيت متاعها ضمتها ع صدرها لخاطر البرد ولمطر تصب .. تخزر لكرهبة اياس ختفت عن الانظار صاي مشا من غير ما يتلفت لتالي اكيد تو كرهني وماعادش يحبني كيف قبل ويخاف عليا... اااه يا ربي شنوا نعمل قاعدة نتعذب ونتقهر... شنوا ذنبي ... مسحت دموعها .. كملت تمشي ع ساقيها... الريح لقوي يخبللها فشعرها ... تخزر لتالي ع امل تلقا طاكسي توصلها للفيلا... ظاهر الثنية مقطوعة ... تتعدا كرهبة فالنهار... كملت تمشي ماتعرش حتى وين باش توصل ...قربت لبحدا شباب مجموعين ع طرف الثنية عاملين جو مع بعضاهم... دبابز الشراب في ايديهم وسيڨارو في فامهم اصواتهم طالعة ظاهر عليهم سكرانين ...
-شمس موش ميتانسا ترا هيك اشكال خاصة وحدها... هبطت راسها ترعش بكلها ... كبرت فالخطواتها كون تطلع بايدها طير ...
- بسسس يا قطوسا وين ماشيا تحبي نوصلوك...
-كاينو لكلام موجه ليها... اصلا مافما خد كان هي وشباب سكرانين... قلبها يدق بسرعة...بلعت ريقها وكملت تمشي بزربة من غير ماتتلفت تحاول تتجاهلهم ...
-قربلها لول شدها من ايدها دورها ...
-شمس: نطرتلو ايدو ظاهر عليها الخوف... بصوت عالي ... ابعد من قدامي...
- قام لاخر نفخ سيڨارو يمشي نافخ صدرو... وقربلها اكثر... شمس رجعت لتالي ...غمز لصحابو لاخرين باش يشدوها ...
- عينيها ع عرضهم... حاولت تهرب من بيناتهم اماوقوتها ضعيفة برشا شدوها كيف الدجاجة ... واحد ع يمينها ولاخر ع يسارها تصيح ع اعلا صوتها... تتخبط بساقيها ...
هوما اكاكا شادينها سمعو كرهبة وقفت...
-هبط اياس كيف الثور الهايج ...
-اباس: ابعد عليها يا ولد *** هز زوز دبابز شراب ضربهم في بعضهم تكسرو... ضرب لول بطشلو وجهو طاح فالارض ... والثاني بطشلو رقبتو مشا خطوتين وطاح فوق صاحبو ... والثالث سيب شمس وهرب...
-اياس اكيد موش باش يفلتو بالساهل ...جبد الفرد وعطاه رصاصة جات في رجلو طاح في بقعتو... شاد ساقو يصيح...
-اياس: رجع الفرد... قرب لشمس مفجوع عليها... انتي بخير!!...
-شمس تخزرلو كيفاش سلكها من ايدين متوحشين كانو باش يغتصبوها...طرشقت بالبكا ...
-اياس: خطفها لصدرو اشششش يمسحلها ع ظهرها... صاي يا روحي صاي اني معاك...
-شمس: مكبشا في جاكيتو غارسا راسها في صدرو لي طول عمرها تتخبا فيه خوذني من هوني ...
-اياس: باهي باهي يالا نمشيو ...
ركبو فالكرهبة ومشاو
-اياس مد ايدو لايدها يحسلها مازالت ترعش وباردين كيف الثلج... طلع عينيه لوجها اصفر كيف حبة الليمون... قطرات عرق ع جبهتها ورقبتها...
-اياس: شمس!!
-شمس مسندة راسها لشباك مغمضا عينيها... زاد فالسرعة وطار بيها لكلينيك...
-هبطها بين ايديه... هي مكبشا في رقبتو راسها ع كتفو ... حرارتها طالعة بارشا...
-اياس: حطها ع الفرش بلعقل... مسحلها ع جبهتها شمس ماتخافيش اياس بحداك
-لو سمحت ستنا لبرا ... اياس خرج من غرفتها سند ظهرو للحيط ... المنظر لي را شمس فيه دليل ع انها مازالت صغرونتو البريئة لي مستحيل تخلي حد يقربلها ولا يقيسها لو كانت وحدة ماتسواش وساقطة كون طاوعتهم وعطات بدنها كيف ماكان يسخايل فيها عملت مع حسام... عدا بايدو ع شعرو ... نفخ ع لحكاية ...عض ع صبعو وخبط بايد للحيط مغزل علاه هاكا يا ربي علاه...سمع باب الغرفة تفتح
- تلفت يلقا دكتور خرج ... سي اياس مبروك شمس حامل ...
-اياس ملامحو لي كانت مكبوسة ترخفت وترسمت في بلاصتها ابتسامة عفاوية ...قلبو يدغدغ فيه مافماش ماجمل من هالكلمة ... خلاه واقف ودخل عندها...
أنت تقرأ
اختي عشيقتي N.B (مكتملة)
Açãoتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
