ح 66
شغل الكرهبة ومشا لكلينيك ... هبط يجري ... يلقاها قاعدة ع الكرسي راسها بين ايديها... تبكي بالحرقة... -اياس: قربلها ملاك!! ... -طلعت راسها... قامت تجري ترمات في حضنو بقوة تقوي فالبكي ... -اياس: حوطها بايد... اششش يزي مالبكا هذا قضاء الله وقدر يزي ماتعمليش في روحك هاكا... -ملاك: بابا مشا يا اياس مشا معادش يرجع تبكي... -رجع قعدها ع الكرسي ... دموعها سبايح ماحبسوش ... -اياس: نمشي نجيبلك دبوزة ماء باش تغسلي وجهك وتصحصحي... ماتحركيش من هوني ومشا - وقفت كرهبة بحدا كرهبة اياس ... هبط كرم مفجوع ... -كرم: ملاك!! صحيح لي سمعتو ... -ملاك عصرت عينيها للحقيقة المرة حركت راسها نعم طرشقت بالبكاء... - عدا بايدو ع شعرو تنهد تنهيدة من قلبو ... -رجع اياس عقد حواجبو كيف را كرم مع ملاك من وين لوين يعرفو بعضهم ... ملاك ولا مرة حكات عليه ... -اياس: شنوا جابك... -كرم: لازم نطلب اذنك باش نجي لكلينيك ولا شنوا -اياس: عدا بلسانو ع شفايفو... خزر لملاك رجع خزر لكرم من وقتاه تعرفو بعضكم... -كرم: ملاك تكون ام ولدي فهمت تو علاه انا هوني ... -اياس شعرة ماتحركت منو لخاطر زوز كيف هاذم يتوقع منهم اكثر ... لي كانت خطيبتو عندها ولد من يالي كان خطيب عشيقتو... مع انو موش وقت الضحك اياس غلبتو ضحكة ... -اياس: برافو عليكم باهي قرب لكرم حطلو دبوزة الماء في ايدو بالغزول ... رد.بالك ع ام ولدك ماتخليهاش وحدها... خزر ل ملاك ربي يهنيكم... ومشا ... -ملاك: قامت تصيح اياااااس تجري ورا كرهبتو... اياس ماتمشيش انت متاعي ....تنتف فشعرها وتخبط في راسها ااااااا تصيح ... الناس كل تخزرلها ... ... كرم شدها مالتالي يحاول يهدي فيها... فقدت الوعي بين ايدها كاينها جثة هامدة ... هزها بزربة دخلها لكلينيك... -كرم قاعد ع الكرسي ايديه ع ركايبو يرعش... خرجت الممرضة... _كرم: نقز عندها شنوا وضع ملاك... - ع الاغلب عندها حالتها النفسية مدهورة برشا ... -خرج الكتور... سي كرم لازم ننقلو آنسة ملاك لي مركز الصحي للامراض عقلية ... -كرم: شنوا!! - تلقات صدمة خلات مخها يتخلخل من مكانو .... بعد يومين دخلو صحر شمس لمشفى باش يعملو تحليل الحمل... - صحر قاعدة ع الكرسي ترعش بكلها من راسها لساقيها هي بايها تعرف الي مافما لا حمل ولاشي عملت هاكا باش تقلبلهم حياتهم جحيم تخزر لشمس لي واقفة مقابلتها عينيها ماتبدلوش منها - جات الممرضة تفضلي مدام صحر معايا... -قامت صحر باش تمشي مع للمرضة مشات شمس معاها... -صحر: ڨحرتلها وقفت ... مالاحالة باش تدخلي معايا عند الدكتور زادة... -شمس: طلعت حاجبها تستفز فيها ... وينو المشكل الغرفة مشا الله يكفي فيها جمل طول وعرض...
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
