ح 16
-اياس: شمس ويني!! -سينا: شمس تاعبا شوي طلبت منا نخليوها وحدها... -اياس:عدا يدو على شعرو و نفخ فالهواء .. امم... باهي خلوها على راحتها.. -سينا كانت تحكي معاه و راسها فالقاعة اول ما هزت راسها و شافت حالتو شهڨت -سينا:ولدي شبيك شكون عمل فيك هاكا!! -اياس:جبد كرسي قعد عليه...شي امي متخافش حادث صغير مايتحكاش فيه... سينا:كيفاش حادث صغير مش تشوف في حالتك اياس:قتلك ما فما شي تعاركت مع واحد مايسواش و اكهو... خزر لبوه ... هااا حكيم خير نشا الله قالولي حاجتك بيا... حكيم:كان حبست تضوميرك الماسط نجم نقولك اش حاجتي بيك تلفت لسينا. .. وانتي زادة اقعدي هذا الموضوع يخصنا لكل ... قعدت سينا... سينا:نشا الله خير... حكيم:تعرفوني منحبش المقدمات برشا ...بش ندخل فالموضوع من غير ما نطول و نقصر،،،فما شكون يحب يخطب بنتي شمس... -اياس: تحكي بالحق سي حكيم يخي قاعد تسمع وش يخرج من فمك و شكونو هذا لي تحب تعرسلو بشمس... -حكيم: كرم... -اياس: مش مصدق يخي على شنوا يلوج هالكرم هو جاني للبيرو من قبل وقتلو لا... -سينا: علاه لا ...كرم راجل مزيان انا متأكدة مش بش تلقا كيفو و... -اياس: قاطعها قلت لا يعني لا سكر ع الموضوع قام من الكرسي مغزل وجهو احمر من الغش.. خرج لبرا يشم شوي هواء حاس روحو مش قادر يتنفس فالفيلا هادي كأنها قاعدة تخنق فيه... سند ظهرو للحيط صدرو تهبط بالسيف تطلع... شمس في بيتها تبكي دموعها سيالة مش منجمة توقف بكا.... غارسة راسها فالمخدة و ترعش بكلها كل ماتغمض عينيها تشوف نفس المنظر،،، منظر اياس كيف قتل قيس قدام عينيها من غير رحمة كأنو قتل حيوان مش عبد.... تزيد تقوي فلبكا تمنات كان جات تنجم تمحي هالنهار من ذاكرها و معادش تتفكرو... قعدت تخمم و تبكي لين هزها النوم و رقدت... -واقف لبرا يحس روحو ارتاح شوي كيف شم هواء نقي تنهد تنهيدة من عروش قلبو عبر بيها على قهرتو بعدها رجع للفيلا... يحب يطلع يرقد و يريح راسو... قبل مايوصل لبيتو وقف قدام بيت شمس... حط ايدو ع المقبض باش يفتح الباب يخي يلقاه مسكر... عقد حوجبو و عدا يدو على شعرو بعدها حطها على قلبو لي حاسو قاعد يتعصر على حالة شمس قعد مشوش عليها لخاطر راسها مجروح... تلفت و مشا لبيتو حس روحو محتاج لسيڨارو يهدي بيه اعصابو فتح الشباك و وقف يحرق فالسيڨارو واحد ورا لاخر لين طلع الصباح... سمع باب بيت شمس تحل... جبد آخر جبدا منو و لوحو ومشالها... -اياس: صباح الخير... -وقفت في بقعتها صوتو هبط عليها كالصاعقة ... هزت راسها تخزرلو ... -اياس: قربلها جرحك لباس!!... معادش يوجعك!!... -شمس: تخزرلو... ساكتا في عينيها خوف كبير... عضت على شفايفها و مانجمتش تجاوبو ... خزر للفراغ مغزل رجع خزرلها... شدها من ايدها دخلها لبيتها وسكر الباب... -شمس: اياس علاه عملت هاكا ... - كلامها وجعلو قلبو مكانش متوقع السؤال هذا. حط عينيه لحمر في عينيها ... يخزرلها كاينو اول مرة يشوفها .. عينيه كانت تحكي برشا حاجات من غير ما ينطق،،،، -اياس: لخاطر نحب... قاطعو الباب لكبير يدق... عقد حواجبو شكون باش يجينا فالوقت هذا... خرج اياس بزربة هبط فالدروج اشر للخادمة ماتفتحش ... فتح هو الباب ... -الحاكم:... معاك الحاكم... اياس شاكر!! ... حط ايديه فجيوبو كأنو مش مهتم للحاكم لي واقف قدامو انا اياس ... - انت متهم بجريمة قتل تفضل معانا للمخفر... -شمس: هابطة وراه.. اياس شفما!!... -اياس: هز جاكيتو شدلها وجها بين ايديه... مافما شي ماتخافش... -شمس: كبشت في مريولو امان ماتمشيش تخليني امانك... -يخزر لايديها يرجع يخزر لوجها يمكن هاذي آخر مرة يكون قريب فيها لحبيبة قلبو وعمرو وحياتو وصغيرتو شمس... -اياس: خطفها لصدرو بقوة... اششش مش بش نخليك انا ديما معاك نحبك تعرف ياشمس لي انا نحبك نحبك برشااا.... -سي اياس من فضلك تفضل معانا... سيبها ومشا .. -شمس: تبكي اياااس!! قعدت فالدرجة لولا و تبكي ...خلطت عليهم سينا،، -سينا: شمس بنتي شمفا!!... -شمس: تعصر في عينيها... تبكي.. -سينا: شمس تكلم عيش بنتي علاه تبكي... -شمس: بالسيف تخرج فالحرف من فمها مع خنقة صوتها...اياس خداه الحاكم ... -سينا: حطت ايدها على فمها صدمتها قوية... علاه خداوه اش عمل زادة... -شمس: هذا الكل في جرتي هزت روحها طلعت لبيتها... ....في غرفة التحقيق👮... ضوء مسلط على الطاولة لي قاعدة فيها اياس ... - اياس شاكر انت المتهم الوحيد في قضية مقتل قيس**** لسوء حظك لقينا تسجيلات كاميرا واضح فيها كرهبتك هي الكرهبة الوحيدة لي دخلت لشارع على ساعة لي تقتل فيه الضحية... -اياس: اي صحيح انا قتلتو ضرب ايدو على الطاولة مغزل الكلب ... و مش نادم كان جا عايش نعاود تقتلو بإيديا... -خرج المحقق درج دخلو زوز رجال هزوه بيناتهم ورماوه فالزنزانة... -اياس: يضرب فالباب بساقو وايديه... خرجوني من هوني ... هو يستاهل يموت انا ما عملت كان شي صح خرجوني من هوني...ضرب آخر ضربة عدا يدو على شعرو بغزول ... تكا للحيط بعدها هبط للقاعة و قعد رجل ممدودة و رجل ثانيها و حاط ايدو علاها... يشد في شعرو مالغزول... -اياس: اااه يا شمس وين وصلت في جرتك ماصاب كان ماجيتيش ع الدنيا ماصاب كان ماحبيتكش الحب هذا لكل ماصاب كون ماعرفتكش.... دمعة سخونة طاحت من عينيه لخدو...
أنت تقرأ
اختي عشيقتي N.B (مكتملة)
Aksiyonتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
