ح 39
شمس تحت لغطا تقرا في كتابها... تليفونها نوڤز... -شمس: نعم... -ملاك: اهلا شمس انا ملاك... -شمس: شنفت ... اهلا ملاك خير!!.. تو!! قلبت عينيها فالسما ... باهي انت وينك تو... نحضر روحي ونجي...علقت حطتو ع الطاولة ... رجع نوڤز هزتو(اياس) كبست ع شفايفها مغزلا علقت عليه رماتو -شمس: شنوا يحبو مني هاذو اااف نطرت لغطا وقامت حضرت روحها ومشات ... ... ملاك فالكافي قاعدة كلام اياس فالتسجيل يدور في راسها... اكيد فما حاجة بيناتهم لعصب يهز وينفض فيها... مخها باش يطرشق وشيطانها يلعب بمخها الخامج وقلبها الخبيث ملاك من النوع لي يحب بكل قوة وعنف... اي حاجة توقف فثنيتها تبعدها باسهل طريقة(القتل) من غير ما تقلق روحها... خزرت للمنڤالا -ملاك: شبيها بطات هالهم كاينو ماعندي لاشغلا ولا عملا غيرها ... تلفتت لسارفور... 2 قهوة من فضلك ... حطهم ع الطاولة... ميرسي... مدت ايدها لصاكها جبدت حرابش حطت في فنجانها 2 حبات... زادت 2 اوخرين... - دخلت شمس للكافي لي ماتبعدش برشا ع الفيلا...قربتلها سلمت عليها وقعدت مقابلها... حطت تليلونها بحداها ع الطاولة... -ملاك؛ ماسمحتليش الفرصة باش نتقابلو + قريب نعرس بخوك وانا مانعرف عليه شي... ممكن تحكيلي عليه شوي... _شمس: لسانها تلعثم ... كون تسأليه هو موش خير ... -ملاك: هزت قهوتها شربتها... قهوتك تو تبرد اشربي ... -شمس: ميرسي شربت قبل مانخرج مانحبش نكثر ... _ملاك: ااا شمس باش ترديها في وجهي من اول لقا لينا ... -شمس: تبسمت باهي هزت فنجان القهوة قربتو لفمها... تليفونها نوڤز رجعتو بقعتو... اهلا كرم.. اي ... شفما!! ... ب.. باهي... درج نكون بحداك .. -شمس: سمحيلي لازم نمشي... فرصة اوخرى... هزت روحها وخرجت شدت طاكسي ومشات لدار كرم... -شمس: امانك تنجم تسرع اكثر... ... ملاك لي خططتلو لكل طاح فالما خبطت ايدها لطاولة... -ملاك: كنت باش نتخلص منها ع ضربة الله يلعنك يا كرم... رمات حق القهوة ع الطاولة ومشات مغزلة... حطت لينات ... شدت طاكسي ومشات ... وقفت الطاكسي بحدا دار كرم نزلت شمس ودخلت لدارو ... -كرهبة اوخرى فيها ملاك ... -ملاك: وقف وقف... عضت ع شفايفها ... تخزر لشمس كيف دخلت لدار كرم... يطلع منك يا حلوفة... باش نضرب عصفورين بحجر واحد... مسيو معليش نبعت مسج من عندك... -تفضلي... .... اياس فالاجتماع ... قاعد tabelat في ايدو وصلو مسج لتليفونو... خزر ل وسيم لي قاعد يشرح فطرق الجديدة للمشروع... هز تليفونو فتح المسج... عقد حواجبو... بلع ريقو ولونو تبدل...حط لي في ايدو و قام من غير مايقول حرل وخرج... -وسيم: سي اياس!! ... ركب الكرهبة وطار بيها... حط الكيت في وذنو يطلب في شمس... يخبط فالفولو -اياس: ردي يا سخطة ردي... ماتعمليهاش ياشمس والله باش نقتلكم... يزمر ع لكراهب ويسب... - ملاك فالطاكسي تستنا في اياس يجي ... فجأة وقفت كرهبتو بحدا الباب... -هبط اياس هز لينات من فوق عينيه... يتمنا كون المسج يطلع غالط ومايلقا حد يخزر للباب فما احتيمالين... يا اما يلقى حبيبة قلبو فالداخل واما يطلع المسج غالط ومافماش منو ... قرب للباب نوڤز ايدو معلق فالحيط مهبط راسو قلبو يخبط عض ع شفتو .. تفتح الباب... طلع راسو ... يلقاها شمس بشحمها ولحمها... شواربو بعدو ع بعضهم... حواجبو ضربو في بعضهم... -شمس: بلعت ريقها اياس!!... -دز الباب ودخل ... -خرج كرم من بيتو نصو عريان... -جمد في بلاصتو ينقل بعينيه بين كرم و شمس... -ملاك: تبسمت ابتسامة النصر... مسيو تنجم تمشي تو ... -شمس: اياس ماتفهمش غالط... -اياس: مركز ع كل حرف يخرج من فمو...انتي بالذات صوتك مانحبش نسمعو... - قرب لكرم ... حط جبهتو ع جبهتو ... كابس ع ايدو عروقو باش تطرشق عضلاتو تكبست.. يتنفس بصعوبة ... يخرج هوا من خشمو سخون يغلي يعبر علي في داخلو... -اياس: شنوا عملتها... -كرم: يستفز فيه...لي يخطر في بالك... -اياس صاح في وجهو وحصرو فالحيط يخنق فيه... - وجهو طلع احمر يعصرلو في رقبتو بكل قوتو ... -كرم: يكح وطبس باش يطيح ...سيبني -شمس: اياس باش تقتلو سيبو والله ماصار شي... - تلفتلها اياس قصدي الشيطان لي في داخلو... ضربها كف بظهر ايدو ... جابها مرميا فالارض -اياس: مازلتي تحلي في فمك ... رجع تلفت ل كرم لي شد رقبتو يكح... شدو من شعرو طلعلو راسو عطاه بونيا خبط راسو فالحيط... -قام اياس مسح شعرو بايديه زوز في حالة هيستيريا ... مخو طار وفقد كل ذرة من صبرو...يكسر فالدنيا ويخبط في ايده للحيط قرب يهدو فوق رسوهم... خزر لشمس... يصيح حتى يتقطع نفسو... -اياس: قوووومي... -شمس: اياس صدقني... -اياس: شمس قتلك قومي فيسع ... تبكي قامت تمسح في شفايفها بالدم... -شمس: ماصار شي... -اياس: سكري فمك ... ڨرصها من شواربها بالغزول سكري هالفم سكريه اششش خرج عينيه... مانحبش نسمع صوتك
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
