ح 53
هبط ع ركايبو اصلا موش منجم ياقف ع ساقيه ... حسام لي طول عمرو قوي وعندو نفوذ وسلطة ع رجالو وع لمعاليم لكل راكع تحت ساقين حد عملو فخ ولعب بيه كيف ماحب... قلبو يحرق يحب يفتق عضام عدو ويدفنو في بقعتو ...
-حسام: باش ندمك يا اياس والله باش تندم ع عملتك...
-اياس: تبسم ع جنب... عندك وقت برشا تقضيه في الحبس مع صاحبك صادق... خممو كيفاش تنجمو تنتقمو مني ... شكون يعلم يمكن تنجمو تندموني...
-صادق: طايح هو زادة ع ركايبو هز ايدو ...اياس قاعد تغلط رد بالك...
-اياس: انت بالذات تسكر فمك... قربلو ضربو بركبتو لتحت دقنونتو...
وصلت كرهبة حكيم هبطو هو ورجالو هزوهم بيناتهم ومشاو ...
-اياس رد الفرد في وسطو... واقف يحس لصدرو يحرق... حط ايدو ع فمو يكح لون الدم يميل للاسود... مسح شفايفو بمريولو... طلع في كرهبة ومشا بقود بسرعة كبيرة ...
....
شمس واقفة تخزر للكف لي كلاتو من عند حسام
-شمس: الله لاتربحك يعطيه كسرة ...هزت كريم وتمسح ع خدها ... سمعت فرا متاع كرهبة قريب برشا...
-هبط اياس وطربڨ الباب... طبس راسو يخزر اذا كان فما حد...هبط فالدروج ايدو ع الفرد ... يخزر يمين يسار مافما حد ...
-اياس: شمس !! شمس انتي هوني!!
- تسمع في صوت موش غريب عليها تنجم تميزو من بين الاف الاصوات... صوت مستحيل تنساه ولا تنجم تعيش من غير مايتعدا نهار ماتسمعوش... مشتاق ليه برشا
-شمس: اااه يا ربي وليت نسخايل حتى في صوتو...
-اياس: شمس!!
-شمس: جمدت في بقعتها... اياس!! فتحت الباب وخرجت تجري كيف المجنونة
-اياس يدز فالباب ماحبش يفتح ... جبد الفرد ضربو تفتح دزو برجلو ودخل ...
-شمس: هبطت الدرجة لخرا اياس!! ...
-اياس: عينيه ضحكو ونسا لي تعدا عليه الكل...حبيبي!! يا روحي!!، فتح ايديه ...
-شمس: نقزة درجة لخرا تجري عندو وترمات ع صدرو...بكل قوتها قرب يطيح ...دخلت في صدرو: شوي وتدخل بين ضلوعو... مكبشا في مريولو تبكي...
-شمس: اياس ماتخلينيش ...
-اياس: مسح ع شعرها يحس بدنها يرعش... اششش حبي من غير بكا ... انا مستحيل نرجع نضيعك باش نخبيك في قلبي ماينجم حد يخطفك منو...
-شمس: خايفة يكون حلم بالحق مانيش نحلم...
-اياس: بعدها عليه... اي انا هوني بحداك يا روحي... في بالك باش نسلم فيك... هزلها ايدها باسهم ... انا عملت المستحيلات الكل باش نوصلك ومستعد نضحي بروحي ع خاطرك...
-شمس: لمت شعرها ورا وذنها... وانت كنت متأكدة باش تخرجني من هوني ...
-اياس: عقد حواجبو را في خدها مرسوم عليه كف... شكون عمل فيك هاكا!!...
-شمس: امم مافما شي...
-اياس: مغزل قتلك شكون!!
-شمس: هبطت راسها الكلب متاع حسام ... شلق بيا كيف سرقتلو تليفونو...
-اياس: انتي تعرفي الي هو مجرم خطير برشا علاه قربتيلو...
-شمس: قلت يمكن نجم نوصلك ... انا تواحشتك رجعت حضنتو...
-اياس: غلفها بايده...عينيه يقدحو نار... الحيوان والله لما نربيه نوريلو كيفاش يمد ايدو ع فلوستي ...
خرجو من الفيلا وطلعو للكرهبة...
-شمس: قولي كيفاش نجمت تدخل لهوني...
-اياس: تبسم.. وخزرلها... كيف تكون حبيبي فالحكايا شي مايصعب عليا...
-وجها طلع احمر ابتسامة صغيرة ع وجها...
-اياس: غلبتو الضحكة فرحان ع لخر ... لخاطر حب حياتو بحداه ورجعت لحضنو وبين عينيه.....
وصلو للفيلا...
-دخلت شمس عند سينا حضنو بعضهم بقوة ويبكيو ...كيف سمع حكيم سيب لي في ايدو و خلط عليهم... اياس طلع لبيتو بعد يوم صعيب برشا ... دخل لدوش... عمل دوش خفيف... خرج يفرفش في شعرو بين صوابعو نصو عريان لابس شورط ... طلع عينيه يلقا شمس قدامو ابتسامة ع وجها...
-كيف رات بدنو عينيها طلعو قلوب عضت ع شفايفها هبطت راسها.....
-اياس: شمس لباس!!...
-طلعت راسها خزرت ل ايدو
-شمس: فسخت خطبتك!! ...
-اياس: تبسم ع جنب في غيابك صراو برشا حاجات... مشا فتح خزانتو جبد مريولو...
-حضنتو شمس مالتالي حطت وجها ع ظهرو تحس بدفا وحنية وحب كبير ......
أنت تقرأ
اختي عشيقتي N.B (مكتملة)
Aksiتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
