خرج كرم من غرفة العمليات ... طلعوه لغرفة خاصة باش يرتاح ... صحر الليل كلو بايتا بحداه مافرقتوش لحظة...... -حل عينيه بلعقل... تلفت ع يمينو... صحر راقدة ع الكرسي... -صحر: حركت عينيها... كرم!! فقت!! ... الحمد الله ع سلامتك... تحس لروحك صافا!! -كرم: يعيشك اي صافا لوجع ماعادش نحس بيه ظليتي الليل كلو هوني... -صحر: تبسمت ... مايسالش... -كرم: عطيني نشرب نحس ريقي ناشف... -صحر: خزرت لدبوزة ماء فارغة... نمشي نجيبلك دبوزة ونجي مانيش باش نبطا... خرجت... - كرم يحس روحو خرمن قبل... هز صبعو المقصوص ... -كرم: تنهد اااخ يا شمس قداشني متوحشك ومتوحش ريحتك وضحكتك ... ماصاب كون تذكريني وطلي عليا... دخلت ممرضة... -كرم: صباح الخير .. -صباح النور ... فحصتو بلڤدا ... غيرتلو ضمادات... العملية نجحت ...كلشي مريڨل ع الاغلب بعد 3 ايام تطلع من هوني.. -كرم: تبسم ...نشا الله... خرجت ممرضة... اففف علاه صحر بطات هاكا... .... -صحر: تحاول تفلتلو ايدو... سيبني ... -اياس: كيف الوحش شادلها ايدها سكري فمك يكركر فيها... - وصلو قدام الكرهبة... -اياس: اطلعي ...يدز فيها... -صحر: تصيح... ياناس باش يخطفني هالمجرم... - جبد الفرد ضربها بيه ع راسها مالتالي فقدت الوعي... رماها فالكرهبة مالتالي خزر يمين يسار ركب في الكرهبة وطار... - حلت عينيها... حطت ايدها ع راسها... تتوجع ... تخزر للفراغ... قامت تخزر لشباك... _صحر: وين انا ... تخزر حواليها كان حجر دايرين بيها منطقة مقطوعة وتخوف... خزرت قدامها... تلقى اياس متكي ع الكرهبة يحرق في سيڨارو... فتحت الباب وقربتلو... -صحر: مغزلا تنفض في روحها...شنوا تسخايل روحك شكونك انت حتى تخطفني ... -اياس: نطر سيڨارو... ونفخ لي في فمو... شمس ويني!! ... -صحر: نعم!! ... -اياس: رفع صوتو... قتلك شمس ويني تكلمي يا*** ... -صحر: ع شنوا قاعد تتكلم شمدخلني انا في شمس وين نعرف انا... انتو عايلتها ماتعرفوش وانا باش نعرف مالا حالة ممكن ترجعني لطلينيك كرم مريض ولازم نوقف جنبو ... -اياس جن جنانو آخر حد شك فيه طلع موش هو ... مالا شكون !! شكوووون!! دار في نفس البقعة وخبط رودة(عجلة الكرهبة) بركل وتلفتلها مغزل ... شدها من ايدها يخلخل فيها... -اياس: انتي خطفتي شمس وين خبيتيها تكلمي!! ... -صحر: اياس سيبني انا مانعرش وينها ... -اياس: انتي باش تنتقمي لخوك عملتي هاكا قولي وينها ... -صحر: بربي قولي علاه نخطفها ... ياخي ناقصا مصايب انا حتى نخطف شمس... -اياس: خرج عينيه ... انتي تعرفي الي شمس نقطة ضعفي وحبيتي تحرميني منها... -شمس: اياس وجعتني سيبني... للمرة ل20 انا ماعندي حتى دخل صحيح انا لي شكيت بيك اما والله ماقربت لشمس جملة...نحلفلك الي خاطيني... -اياس: كبس عليها مازال شد الصحيح ...مد ايدو لاخر جبد الفرد وشغل زر الامان بساقو (كبس بالفرد ع صباطو باش حرك زر الامان) حطو في راسها... -اياس: آخر مرة نعيد سؤالي شمس ويني!! حد ماينجم يمد ايدو عليها كان انتي وخوك... -صحر: تبكي ... اياس والله خاطيني امانك ماتقتلنيش والله خاطيني ... -اياس: صدرو تطلع تهبط مغزل ... اذا طلعتي تلعبي معايا راس الغاليا لما ندفنك حية يا صحر... سيبها ... رجع الفرد لوسطو ومشا... ظاهر في عينيها الي مافيبالهاش الي شمس مفقودة عندها 3 ايام... - ترد فالنفس تمسح ع ايديها... اياس وجعها وهو كابس عليها... -صحر: مجرم..واطي... كرم!! اكيد باش يمشي عند كرم تخزر يمين يسار ماتعرش حتى وينا بقعة موجودة فيها... كملت تمشي ع ساقيها .... نحب نسمع توقعاتكم زعما شمس شنوا صار فيها
أنت تقرأ
اختي عشيقتي N.B (مكتملة)
Aksiyonتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
