ح 27
-صادق: ماتخليش الحب يعميلك عينيك... فيق ع وضعك... شوف حالتك كيقاش ولات وينو اياس لي كلو وهرة وشخصية...
-اياس: شمس مستحيل تعرس بحد... مادامني حي مانجم تعرس بحد
-صادق: تبسم ع جنب شنوا يضمنلك شنوا يطلع بايدك تعملو وانت بين اربع حيوط الشمس ماتراهاش... نفض ايديه ولاشي ...
- وفات الزيارة...
-صادق: عاود فكر في عرضي... باش نزيد نعطيك فرصة اوخرى غدوة نرجعلك نتمنا تحط عقلك في راسك...
-اياس: بكل ثقة شد الصحيح في قرارو... خبط بنيتو ع الطاولة...من غير ماتعب روحك جوابي موش باش يتغير...
قعد اياس ع فرشو راسو بين ايديه كابس عليه باش يفلڨو... كلام صادق يدور في راسو ... احساس غريب اول مرة يتملكو وهو الخوف .. لخاطر كلام صادق منطقي ينجم يصير... ساقو ترعش مالتوتر...عدا بصوابعو ع شعرو طلع راسو هبط بايديه ع لحيتو...نفخ بلقوي...
-ماصاب كون جيت عصفور نجم نطير من هوني لشباك غرفة شمس ماصاب كون تصير معجزة ونخرج من هوني عند حبي وعشيقتي ناخذها ونطيرو لعالم آخر... اما يعرف الي هذا شي شبه مستحيل حب يخرج من هالدوامة ويصحصح مزيان باش يعرف يفكر...مشا لصال دو با ... حل السبالة طبس غسل وجهو كيف هزو يرا شكون واقف لتالي في ايدو سكينة... تلفتلو اياس بحركة منو فسخلو سكين حصرو في الباب وحطلو سكينة في رقبتو... وجهو مبلول الما يقطر من دقنونتو... مغزل...حد مايتجرأ يهز سكينة ع اياس شاكر
-اياس:كابس ع سنيه... شكونك انت!! ...
- مخنوق سيبني...
-اياس: قتلك شكونك انت!! شكون الكلب لي بعتك قولي يجي يواجهني...
-تحلت الباب... تلفت يلقاه من الحاكم ...قربلو
-ايجا معاي اياس شاكر بعد اياس عليه نفض في دبشو
-اياس:لوين!!
-من غير ما يزيد يحكي معاه شدو من ايدو و خذاه لغرفة قفل عليه و خرج ....شوية جاو 3 رجال كل واحد شاد عصا فإيدو
-خزر معاهم اياس و عقد حواجبو و حرك راسو متاع اشفما...من غير ما يقول شي و لا يخلوه يدافع على روحو بداو يضربو فيه من غير لا رحمة و لا شفقة تقولش عليهم مش قاعدين يضربو في انسان رغم الصياح متاعو واحد فيهم ما وقف... صياحو لي ملا كل المكان بعد اقل من نص ساعة شدوه من ايديه يكركرو فيه مش منجم يوقف خداوه و لوحوه فالزنزانة ... طايح فالارض حالتو ... دبشو موسخ فمو مدمدم وجهو مضروب ومجروح... شعرو طايح ع جبينو ... يكح يرد فالدم... يلهث...ملوح فالقاعة مش منجم يتحرك حل عينيه بالسيف يشوف في خيال شمس قدامو هز ايدو فالهواء كأنو يحبها تعاونو و تقومو
-اياس:ش..م...س
طاحت ايدو فالقاعة و رقد من غير ما يحس خاطر وجيعتو كانت اقوى من كل شي...
...
حكيم رجع للفيلا خرج للجردا يلقى شمس قاعدة ع طرف البيسين مغطسا ساقيها تخمم... قعد بحداها
-حكيم: شمس؟!
-شمس:ع سلامة...
-حكيم: يعيشك... شبيك لتو مارقدتيش...
-شمس: بابا حاجتي بيك ...
-حكيم: تفضل شفما...
-شمس: نعرف الي موش وقتو اما... كرم جاني للجامعة و...سكتت...
-حكيم: تبسم ...حط ايدو ع كتفها لزها لصدرو... بنتي شمس كان ع اياس مايسالش نعملو خطبة صغيرة .. وكيف يخرج نعملو حفلة كبيرة... شقولك...
-شمس: لي تراه ...
-حكيم: غدوة نكلم كرم يجيني للبيرو ونتكلمو بالتفصيل... باسها ع شعرها وتو برا اطلعي ارقدي رتاحي...
-شمس: تصبح بخير وطلعت لبيتها..
.....
فتح باب الزنزانة...
-قوم اياس... قوووم!! منجمش يحل عينيه بدنو كل ازرق يوجع فيه من كل بعقة...
-سيدي يمكن مات... خرجوه لضو سيحو عليه سطل ما بارد... تفجع حل عينيه...
-لخاطر سي صادق*** وصانا عليك باش نرحموك ونردوك مع صحابك اما الزيارات ممنوعة لمدة شهر كامل .. -اياس اصلا مش طايق يشوف حد خاصة وهو فالحالة ديكا آخر حاجة يتمناها يقابل حد... حرك راسو نعم...
- هزوه بيناتهم رماهم بين صحابو... جراو هزوه حطوه ع الفرش عطوه ياكل ويشرب ...
....
مشاو شمس وسينا يطلو عليه... شمس توحشتو برشا آخر لقا ليهم كان فلكلينيك وقتها اياس طردها ... قاعدة ع الكرسي تستنا فيه يجي تطلب منو يسامحها... رجع الحارس وخبرهم الي اياس معاقب وممنوع الزيارة لمدة شهر كامل... كلامو كيف الصاعقة عليهم . نهار واحد مانجموش يصبرو شنوا يصبرهم شهر كامل...
...
اياس سيڨارو ورا سيڨارو... قلبو يتقطع ع وضعو وع شمس لي توحشها وتوحش ضحكتها وماينجمش يشوفها ولا يشوف خيالها ...
-اااخ كون تصير معجزة وتختفي شمس من حياتي وتاخذ الحب هذا الكل معاها وتمشي ماعادش نتحمل اكثر من هك... كل مايبعد عليها يزيد يحبها ويعشقها اكثر صار هوس.. هبال... جنون... النوم ديما طاير من عينيه ...يظل لليل كلو مقابل الشباك لين يطلع الصباح... اول كلمة يقولها صباح الخير يا روحي... زعما تكون قامت تو ...
....
لبنات تعيشو ديرو جام كهو نقصو تعاليق
أنت تقرأ
اختي عشيقتي N.B (مكتملة)
Acciónتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
