ح 18
قام اياس العصب يهز فيه و ينفض هذا اسخف عرض تلقاه في حياتو رجع لزنزانة و قعد: يخمم كيف العادة تفكيرو مستحوذة عليه شمس ... الليل كلو مارقدش عينيه تنفخو وقلبو تعبا وصدرو تكبس عليه... داخل في حيط ... دوامة افكار تدي فيه و تجيب مش عارف شنوا يعمل و شنوا باش يصير فيه و كيفاش بش يكون مستقبلو ... هذا كابوس ولا حقيقة... اسألة برشا قاعدة دور في راسو اسألة معندهاش جواب و اهم سؤال شمس حبيبة قلبو شنيا قاعدة تعمل زعما قاعدة تخمم فيه كيما يخمم فاها هو ... زعما شنوا مخبيلو لقدر و شنوا يستنا فيه و بش ينجم يرا شمس مرة اخرى غمض عينيه قاعد يحاول يتخيل وجها الملائكي لي مهما خزر فيه و ملا عينيه منو ميشبعش ... ... شمس واقفة بحدا الشباك من وقت ما دخل اياس للحبس ما كلات شي و لا ذاقت طعم النوم هي زادة موش اقل من اياس تحس في روحها مش قادرة تتنفس بلابيه توحشتو برشا توحشت ريحتو توحشت وجودو فالدار بينهم... حالتها نفسية خايبة برشا... تنهدت تنهيدة قوية عبرت فيها على وجيعتها و وراها هبطت دمعة سخونة على خدها دمعة حزن و قهر و شوق مشاعرها طلعت اقوى منها مش منجمة تتحكم في روحها مسحت دموعها لمت شعرها لتالي قاعدة تحاول تقوي في روحها... هزت راسها و تخزر لسماء صافية و الشمس طلعت والضو تسلط عليهم... مسحت ع وجها حكت عينيها تحاول طرد التعب والارهاق لي ظاهر عليها ...تعدات لصالدوبان غسلت بش تصحصح وهبطت للوطا... بالسيف لا تمشي تحس لروحها مدڨدڨة .....
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
