ح 20
-سينا: وسع بالك عيش بنتي متعملش في روحك هكا ...نوڨز تليفونها شافت شكون تلقاه حكيم هزت عليه -سينا:حكيم!! بربي قول لي انت نجمت تشوفو... تبسمت ...بالحق !!باهي باهي تو نحضرو رواحنا درجين نكونو بحداك ... علقت ...شمس واخيرا باش نشوفوه ونطمنو عليه فيسع بدل دبشك و خلينا نمشيو... طلعت شمس تجري راسها اعلى من ساقيها و اخيرا بش تشوفو قداش توحشتو ،،،بدلت دبشها وهبطت ... -هبطت سينا تلقاها تستنا فيها... مشاو ... -حكيم: سي صادق خيرك ماننساهش... بفضلك الام بش تشوف ولدها متصورش قداش يعنيلنا الشي هذا ...يمكن زيارتهم تخفف عليه وتعطيه القوة بش يتحمل شي لي قاعد يعيشو،،،، وصلو شمس وسينا للمركز متشوقين بش يشوفوه .. دخلو لغرفة الزيارات... قعدو متحمسين يستناو فيه بالدقيقة و الدرج .. شمس عينيها مرشوقين ع الباب قلبها يدق تحسلو بش يخرج من بين ضلوعها ...دقايق و دخل اياس شعرو مفرفش عينيه حمر منفوخين... ظاهر عليه التعب والارهاق... موش منجم ياقف ع ساقيه...اما مش حاب يبينلهم شي خاصة لشمس لي طول عمرها تشوفو قوي وراسو مرفوع... -سينا: ولدي اياس!!... -هز ايديه لمكلبشين دخل امو في وسطهم حضنها... دقنونتو ع كتفها... عينيه ع شمس قلبو يرعش يحب يحضنها ويشم ريحتها -شمس: خويا اياس شنيا حوالك!! قربتلو حضنتو بكل قوتها... -كلمة خويا هبطت عليه كيف الصاعقة اخر كلمة يحب يسمعها منها هي هادي... مش منجم يتقبل حقيقة انها اختو مانجمش يهز اديه و يحضنها ...اللحظة هادي كان مستنيها على نار و كيف وصلت مكانش كيف ما توقعها جبدت عليه ... يخزرلها غايس فيها و يملي في عينيه منها... تنهد و عدا لسانو على شفايفو -اياس:(في قلبو)اااه يا شمس لهدرجة عميا ماتراش لهدرجة مش حاسة بيا و بالوجيعة لي في قلبي -اياس: امم انا لباس متقلقوش عليا قعدو على الطاولة... -اياس:شمس شنيا حوالك !! -سينا: كيفاش تحبها تكون وانت بعيد عليها... لاهي تاكل لاهي تشرب حتى الجامعة معادش تروح... -اياس: عقد حواجبو... شمس صحيح لي سمعتو!!... -شمس:مافماش منو الكلام هذا... امي قاعدة تزيد عليه... -سينا:صدقني مش قاعدة نزيد عليه هذي لحقيقة راهو ... -اياس: نفخ على قصتو و ضرب ايدو على الطاولة ...شمس!! -خافت و تنفضت... -اياس: ياخي بش تهبلني يا طفلة علاه تعمل في روحك هكا!! -مهبطة راسها مش منجمة تخزرلو بالكل -اياس: نتكلم معاك هز راسك اغزرلي... -هزت راسها بشوية عينيها مغرغرين بدموع كان ترمشهم بش يهبطو... اول ما راها فالحالة هادي قلبو تكبس و حن علاها،،حاسس انو شمس و دموعها هما نقطة ضعفو ماينجم يعمل شي قدامهم... قرب ايدو و شدلها ايديها الصغار... -اياس:ماتعملش في روحك هاكا... خلينا نوعدو بعضنا..انا نوعدك باش نطلع من هوني في اقرب وقت ع خاطرك ... وانتي توعدني ترد بالك على روحك وعلى صحتك وقرايتك باهي.. -تخزرلو و في عينيها برشا وجيعة و حزن وخيبة امل كبيرة ودموع باش تفيض... كبس ع ايدها يترجا فيها... اياس:وعدني خليني نرتاح يا شمس... موش قاعدة تشوف فيا نتعذب يزيني عذاب الحبس متزيدنيش عذابك انتي زادة حركت راسها توافق في كلامو و جاوبتو من فوق قلبها -شمس: باهي نوعدك ... -اياس: امي يعيشك ماتخليهاش وحدها... - شمس طاحتلها دمعة ع خدها... -قلبو تقسم ع زوز... هز ايدو مسحلها ع خدها... عينيه مرشوقين عليها يحفظ في تفاصيل وجها باش يترسمو في مخيلتو ويونس روحو بيهم فالزنزانة لي تستنا فيه... -ضرب بالعصا على الباب... وفات زيارة... -اياس: امي الغاليا كيما وصيتك رد بالك على روحك و على شمس ... خليك بجنبها -سينا:من غير ما توصي ماتقلقش علاها رد بالك على روحك عيش ولدي ... كل ما يسمحلولنا بزيارة بش نجيو نطمنو عليك تمسح فدموعها و تغزرلو ما صاب تنجم تقعد هنا معاه بالنسبة ليها احسن من حريتها بلاش بيه... - اياس ودعهم و رجعو الحارس للزنزانة ... .... فالثنية راجعين للفيلا... -شمس شدا سلسلة بايدها ودموعها على خدها.. وصلو للفيلا... دخلو ... شمس طلعت لبيتها... -سينا: بنتي ايجا كول حاجة يعيشك... -شمس: مش شاهية تو خلي مبعد ناكل حاجة -سينا: يخي نسيتي شقالك اياس... - هبطت عينيها و تفكرت اش قالها اياس رجعت خزرتلها ومشات للكوجينة... بعد 4 ايام ... راقد حاطط ايدو ورا راسو... شوية سمع صوت الباب تحل تنفض و هز راسو ... -اياس شاكر فما شكون يحب يقابلك... - قام اياس ينفض في روحو ... -اياس:المحامي!!... -لا اختك... -عينيه ضحكو و قلبو دق و اخيرا بش يرجع يشوفها -اياس:شمس جات تشوفني... وقف كلبشلو ايديه قبل مايدخل لغرفة الزيارة ...رجع شعرو لتالي و عدا ايدو على لحيتو جبد نفس طويل و دخل -وقفت وابتسامة على وجها... -شمس:اياس... -اياس:يا روح اياس قدمتلو تجري عنقتو... اول ما حس بيها بين ايديه نسا تعبو لكل وغبينتو وحسرتو شمس نساتو في كل شي تعدا عليه فالحبس... كاينها عطاتو شحنة من الطاقة والقوة باش ينجم يقاوم ويتحمل اكثر... بعدت عليه... -شمس: توحشتك برشا -قلبو سرات فيه رعشة مش كان قلبو بدنو لكل رعش و سخن يخزرلها و يتأمل فاها عينيه تعباو دموع ... -اياس: (في قلبو) كان تشوف انا قداش متوحشك يا روحي كان نلقا راني خبيتك في قلبي و قفلت عليك ارحمني يعيشك راني مش منجم نتحمل... قربلها باسها من رقبتها و عبا صدرو بريحتها... -اياس: انا زادة تواحشتك... ايجا نقعدو ... قعدو على الطاولة يحكيو ويفدلكو...اياس فرحان علخر طول القعدة عينيه ماترمشوش وايديه مشبكين في ايديها...
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
