ح 74
__ #يوم_زفاف_اياس وشمس__ شمس واقفة فالمرايا ... تعدي بايدها ع الروبا طالعة ع بدنها تفتق وتاتها ع لخر... اجمل عروس... فرحانة ع لخر ... -سينا: دخلت... يااا تبارك الله ع بنتي اللهم احد... باستها... ياروحي انتي طالعة قمر ... -شمس: يعيشك يا غاليا امي بربي خليكي مع ضيوف مانحب حتى نقص... -اياس زادة واقف قدام مرايا لابس كوستيم بلو نوي مكبوس عليه ... يعدل فالبابيونا... هز بارفانو رشو في رقبتو... ترسمت ابتسامة ع وجهو... هز منڨالتو وحطها في ايدو ... وخرج سينا هابطة فالدروج... خزر لبيت شمس اكيد وحدها.. فتح الباب يلقاها.. هزا سلسلة في ايدها تمسح عليها بصبعها... نفس السلسلة لي عطاتها امها قبل ماتسلم نفسها... -اياس: حبيبي!!... -شمس: قامت .. اياس شنوا جابك ممنوع تراني بالروبا حتى نخرج من هوني... -اياس: قربلها خطف من شفايفها بوسا طالعة تاخذي لعقل واخيرا باش نملكك -شمس: واخيرا باش نعرسو ونربيو ولدنا مع بعضنا -اياس: يخليك ليا اصلا انا رجعت لدنيا ع جالكم انا مستحيل نخليكم .. انتي جاهزة !! ... -شمس: تنجم تحطلي هاذي... -هز اياس سلسلة حطها ع رقبتها... وطبعلها بوسة... نمشيو ... -شمس: تبسمت باهي... شدت في ايدو وهبطو... جردا كلها ورد وكراسا وطاولات ...المعروضين الكل يستنو فيهم يحبو يراوهم كيفاش طلعو ... كيف راوهم عيونهم طلعو قلوب قداشهم لايقين ببعض سبع وغزالة تبارك الله... قامو كل يصفقو ويرميو فالورد... شغلو موسيقى هاديا تليق بدخولهم... ... فما شكون واقف بعيد منهم حط قناع ع وجهو ... جبد سلاح من وسطو قرب عينو للقناصة وصوبو ل صدر شمس ديراكت... -اياس وشمس فرحانين ع لخر... يخزرو لبعضهم الحب يطاير من عينيهم والسعادة مرسومة ع وجهم كاينهم في عالم آخر ... بعنادهم وحبهم لقوي نجمو يوصلو لي كانو حابين عليه انهم يكونو اسرة ويكبرو ولدهم بايناتهم... الكل دايرين بيهم فرحانين ...حكيم حضن سينا ... دموعهم في عينيهم ... هوما اكاكا... دخل حارس وشوش في وذن اياس... - اياس منظرو تقلب تعابير وجهو تغيرت ... يخزر يمين يسار ... فجأة سمعو طلقة رصاصة... شد شمس دورها و حماها في صدرو كبس عليها ...شمس غرست راسها في صدر اياس تصيح .... - الكل طاحو فالارض تحت الطاولات يصيحو... - اياس جمد في بقعتو... شواربو بعدو ع بعضهم... ايديه ترخفو ... - شمس: شدتو من جاكيتو هزت راسها اياس!! ... - المجرم رجع سلاح فوق ظهرو ركب فالموطو(دراجة نارية) ومشا بسرعة كبيرة ... -طاح اياس في بقعتو ... غارق في دمو تصاوب ع ظهرو... -شمس: طاحت ع ركايبها بصوت عالي ايااااااس ... -سينا: اياس قامت تجري ...ولدي -شمس: هزتلو راسو تضرب فيه ع خدو بلهفة بخوف بهيستيريا ... اياس حل عينيك... امان حل عينيك ... -اياس حل عينيه بلعقل يخزر لحبيبة قلبو صغرونتو لي كبرت قدام عينيه لي حبها وضحا بروحو ع خاطرها...لي وقف قدام الدنيا كل باش يبقا معاها... شريط حياتو يتعدا بين عينيه..... طاحت دمعة من عيونو تغلغلت في شعرو -شمس: تبكي ... كحل سايل ع وجها... اياس حبيبي شد روحك بابا طلب الاسعاف... ... -اياس: بصوت موش واضح...شمس!!... ردي بالك ع ولدنا ... -شمس: اششش امانك ماتقول شي... شبيها الاسعاف بطات... -اياس: نح... نحبك.. رجع غمض عينيه -شمس: حطت راسها ع صدرو بصوت عالي ايااااااس لاااااااا
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
